Freyr - 01.10.1972, Blaðsíða 16

markað, en hefði ekkert verið á undan-
förnum árum. Hefði þetta staðið í vegi
fyrir því að koma dilkakjötinu á Banda-
ríkjamarkað og jafnhliða hefði útflutning-
ur farið minnkandi. Gerði hann síðan
grein fyrir ýmsu, sem unnið hefði verið til
að afla markaða fyrir kjöt og fleiri bú-
vörur.
Skjöldur Eiríksson ræddi um gæði ís-
lenzka dilkakjötsins og mælti með tillög-
unni.
Vilhjálmur Hjálmarsson gerði nokkrar
athugasemdir við einstök atriði í framsögu-
ræðu Sveins Jónssonar og óskaði skýringa
á sumum þeirra.
Jósep Rósinkarsson ræddi um markaðs-
málin og endurbyggingu sláturhúsa.
Sæmundur Friðriksson skýrði frá athug-
unum á sölu íslenzks lambakjöts erlendis.
Benti hann í því sambandi á að íslenzka
kjötið væri misjafnara en dilkakjöt frá
öðrum löndum t. d. Nýja-Sjálandi.
Gunnar Guðbjartsson skýrði frá sölu ís-
lenzks dilkakjöts erlendis og bar saman
markaðsverð á árunum 1970—’71 og ræddi
um ástand og horfur í þessum málum og
um útflutning búvara yfirleitt. Lagði hann
áherzlu á að nauðsynlegt væri að efla vöru-
vöndun til að komast inn á erlenda mark-
aði. Enn talaði Sveinn Jónsson og Vil-
hjálmur Hjálmarsson, sem lagði fram
breytingartillögu við tillögu nefndarinnar.
Tillaga Vilhjálms var á þessa leið:
Tillagan orðist svo:
„Aðalfundur Stéttarsambands bænda 1972 áréttar
fyrri samþykktir um öfluga markaðsleit fyrir ís-
lenzka dilkakjötið og aðrar útflutningsvörur land-
búnaðarins.
Fundurinn skorar á ríkisstjórnina að tryggja
fjármagn til fyllstu aðgerða í vörukynningu og
markaðsleit vegna landbúnaðarframleiðslunnar.
Fundurinn ítrekar samþykkt síðasta aðalfundar um
heimild fyrir stjórn Stéttarsambandsins til að verja
fé í þessu skyni.“
Þegar hér var komið, var gert hlé á
umræðum, en fundarmenn flestir fóru í
skoðunarferð í áburðarverksmiðjuna í
Gufunesi. Hjálmar Finnsson, framkvæmda-
stjóri verksmiðjunnar tók á móti fundar-
mönnum og bauð þá velkomna. Þágu menn
þar kaffiveitingar, en að því loknu gengu
þeir um nýbyggingu verksmiðjunnar og
nutu þar leiðsagnar og skýringa starfs-
manna um framkvæmdirnar og fyrirhug-
aða vinnslu. Síðan var ekið til Bændahall-
arinnar og gengið í fundarsal.
Var þá haldið áfram umræðum um til-
lögu verðlagsnefndar.
Hermóður Guðmundsson þakkaði Sveini
á Egilsstöðum áhuga hans á markaðsmál-
um og ræddi sölumál landbúnaðarins.
Stefán Valgeirsson taldi alltaf hægt að
gera betur en áður í markaðsleitarmálum
eins og í öðrum efnum.
Enn tóku til máls Sigurður Jónsson, Ingi
Tryggvason og Vilhjálmur Hjálmarsson,
sem gerði nánari grein fyrir breytingar-
tillögu sinni. Hann vitnaði einnig til þess-
ara orða í skýrslu formanns fyrr á fundin-
um: „Ráðgert er að hefja markaðskynn-
ingu í Bandaríkjunum á komandi hausti,
ef kjötframleiðslan í haust gefur tilefni til
meiri útflutnings næsta verðlagsár. Síðan
gerði Sveinn Jónsson nokkrar athugasemd-
ir við breytingatillögu Vilhjálms Hjálm-
arssonar.
Þá var gengið til atkvæða. Borin var upp
breytingartillaga Vilhjálms Hjálmarssonar
og var hún samþykkt með 29 atkvæðum
gegn 2.
Þá var lögð fram önnur tillaga verðlags-
nefndar, og gerði Sigurður Jónsson grein
fyrir henni.
„Aðalfundur Stéttarsambands bænda 10.—11. júlí
1972 skorar á Framleiðsluráð landbúnaðarins, að
það taki upp nú þegar í verðlagningu til bænda
flokkun á hvítum gærum, eftir því hversu mikið
ber á hvítum og gulum illhærum í þeim. Nauðsyn-
legt er að um verulegan verðmismun verði að
ræða milli gæðaflokka."
Ingimundur Ásgeirsson varaði við að
leggja svo mikið kapp á að fá hvítar og
fallegar gærur að aðrir eiginleikar fjár-
stofna spilltust.
390
F R E Y R