Freyr - 15.07.1978, Síða 7

Ilm votheysgerð
í flatgryfjum
Nokkur orð um reynslu bænda, fræðin og fleira
Bjarni Guðmundsson, kennari, Hvanneyri
• Þessi árin mun ein öld vera liðin frá því, að vothey var fyrst verkað
hér á landi. Þrátt fyrir það hefur votheysverkun ekki náð almennri hylli, ef
frá eru taldar nokkrar sveitir á Vestfjörðum. Það er ríkt í okkur íslendingum
að halda til sögunnar og minnast ýmissa afmæla, eins og 250 ára ártíðar
Hallgríms Péturssonar, afnáms verslunareinokunar og fimm tuga afmælis
Huppu frá Kluftum, svo dæmi séu tekin.
• Aldarafmæli votheysgerðar á íslandi er engu ómerkara til uppáhalds
en hvað annað. Þetta virðast bændur ætla að gera hljóðlega með því að
auka votheysgerð. Tölur benda til, að allmikil aukning hafi orðið á byggingu
votheysgeymslna, einkum á liðnu ári. Lætur nærri, að ÞRIÐJUNGUR ÞESS
FÓÐURRÝMIS, SEM ÞÁ VAR BYGGT, MUNI ÆTLAÐUR VOTHEYI. Lang-
mestur hluti votheysgeymslanna, sem byggðar voru, telst til svonefndra
flatgryfja. Flatgryfjur bjóða upp á góða vinnuaðstöðu við flutninga fóðursins,
en skortur á henni hefur oft verið talinn veigamikil ástæða fyrir lítilli út-
breiðslu votheysverkunar hér á landi.
© Bútæknideild Rala og Bændaskólinn á Hvanneyri hafa undanfarin ár
fylgst nokkuð með árangri votheysverkunar, bæði í flatgryfjum og öðrum
geymslugerðum. Athuganirnar hafa verið gerðar í Borgarfirði, Strandasýslu,
Húnavatnssýslum og víðar. Tilgangur þeirra hefur verið að afla upplýsinga
um árangur verkunarinnar hjá bændum, m.a. í því skyni að geta ráðið þeim
heilt, sem hyggjast hefja votheysgerð eða telja sig þurfa að bæta verkun
votheysins.
• Athuganir á votheysverkun í flatgryfjum hófust árið 1970. Hér á eftir
langar mig til þess að segja ykkur frá örfáum niðurstöðum votheysathugana
okkar Hvanneyringa. Ef til vill kann einhver að hafa af því nokkur not.
F R E Y R
465