Freyr - 01.04.1979, Blaðsíða 9

Þótt flestir landsmenn séu þeirrar skoðun-
ar að miða búvöruframleiðslu við innan-
landsþarfir, þá er það ekki eins auðvelt og
menn halda, það gerir breytilegt árferði.
Það er staðreynd, að allmargir landsmenn
hafa atvinnu við þjónustustarfsemi landbún-
aðar og þann iðnað, sem byggist á landbún-
aði. Þennan iðnað þarf að efla og flytja ekki
úr landi ullar- né skinnavörur nema fullunn-
ar. Á þennan hátt má auka iðnað í landinu.
Framleiðslu- og markaðsvandamálin hafa
verið bændastéttinni augljós hin síðari ár og
því mikið rædd og tillögur gerðar og farið
fram á lagabreytingar þar að lútandi. Ég vil
líka minna á það, að víðtækt samstarf hefur
verið tekið upp í sumum málum og Búnað-
arþing 1977 lagði til, að skipuð yrði nefnd til
að kanna markaðshorfur á búvörum er-
lendis. Nefnd þessi hefur skilað áliti. Búnað-
arþing 1978 lagði enn fremur til, að komið
yrði á 7 manna nefnd til þess að kanna þær
leiðir, sem skynsamlegast er að fara í fram-
leiðslumálum, undir þeim kringumstæðum,
sem ríkja. Nefnd þessi hefur skilað áliti, og
liggur það fyrir í frumvarpi á Alþingi og Bún-
aðarþingi gefst kostur á að segja álit sitt á
máli þessu.
Það er almenn skoðun hjá íslensku þjóð-
inni að halda beri landinu öllu í byggð, þar
sem lífvænlegt er. Við höfum auðug fiskimið
hringinn í kringum landið og kaupstaði og
kauptún, þar sem fólk hefur mesta atvinnu
við sjávarafurðir. Sveitirnar— dreifbýlið —
bændabýlin, það fólk, sem þar býr, verður
alltaf tengiliður á milli þéttbýliskjarna og lifir
mest á landbúnaði. Því verður að gæta þess,
ef óhagkvæmt þykir að framleiða búvörur
eins mikið og nú er, að finna nýjartekjulindir,
með því að koma á fjölþættara atvinnulífi í
sveitunum.
Við stöndum á tímamótum, þar sem vel
þarf að gá að sér, og verkefni dagsins er það
að breyta stefnu í landbúnaði til samræmis
við breyttar neysluvenjur og til samræmis við
þá byggðastefnu, sem þróast í landinu. Ég er
bjartsýnn á, að bændastéttinni takist að
finna leiðir og aðlagast breyttum tímum og
hasla sér völl, en því aðeins tekst þetta, að
bændur standi fast í ístaðinu hver hjá sér og
ekki síður sameiginlega.
Það tekur oft langan tíma að byggja upp. í
upphafi máls míns lýsti ég aðdraganda að
stofnun Búnaðarfélags íslands og þeim tíma,
sem það tók að koma á þeirri stefnu, sem þá
var mörkuð. Það hefur oft þurft að staldra við
og athuga þá stefnu og færa út kvíarnar á
einu sviði, um leið og þær dragast saman á
öðru. Þetta hefur tekist mætavel og ég lít
björtum augum á, að gifta fylgi þeirri
stefnumörkun, sem nú er fram undan og
þetta Búnaðarþing, sem nú er að hefjast,
mun eiga hlut að.
Búnaðarþing er að byrja, nýtt kjörtímabil
að hefjast og þeir eru margir þingfulltrúar,
sem taka sæti hér í fyrsta sinn, og býð ég þá
sérstaklega velkomna, um leið og ég býð alla
þingfulltrúa velkomna til Búnaðarþings.
Þá þakka ég fyrrverandi landbúnaðar-
ráðherra, Halldóri E. Sigurðssyni, gott sam-
starf við Búnaðarfélag íslandsá liðnum árum
og einnig þakka ég honum allar þær laga-
breytingar, sem hann beitti sér fyrir land-
búnaðinum til heilla í sinni ráðherratíð.
Ég býð velkominn til starfa Steingrím
Hermannsson, landbúnaðarráðherra, og
þakka honum þann mikla áhuga, sem hann
hefur þegar sýnt landbúnaðarmálum.
Ég óska þess, að gifta megi fylgja störfum
Búnaðarþings og að því megi auðnast nú
sem oft áður að benda á leiðir til lausnar á
vandamálum landbúnaðarins.
Að endingu þakka ég meðstjórnendum
mínum, búnaðarmálastjóra, ráðunautum og
öðru starfsfólki Búnaðarfélags íslands gott
samstarf og vel unnin störf.
61. Búnaðarþing er sett.
FREYR
199
2»