Freyr - 01.04.1979, Blaðsíða 19

Úr eldishúsi í Kollafirði. Myndin var tekin 1966, er Búnaðarþingi var boðið að kynna sér starfsemi Koilafíarðar-
stöðvarinnar.
við sumar ár, þar sem mikil veiðiaukning
hefur orðið, eru fáar eða svo til engar
byggðar jarðir. Aðrir telja, að skýringa sé að
leita í betri afkomu laxins í hafinu. Um
göngur, dvalarstaði og æti laxins í hafinu er
takmarkað vitað og haldgóðar skýringar eru
ekki heldur þar fyrir hendi. (þessum tilvikum
eins og oft endranær er farið langt yfir
skammt til að leita að skýringum.
Sjósilungsveiðar.
Silungur, urriði og bleikja, dvelst ýmist alla
ævi í fersku vatni, þ.e. vatnasilungur, eða að
hluta í fersku vatni og að hluta í sjó, þ.e.
sjósilungur. Sjósilungur hrygnir og elst upp
fyrstu árin í ám allt í kringum landið. Þegar
hann hefur náð þroska, gengur hann að
vorinu í sjó í ætisleit og heldur sig nálægt
heimaánum. Hann gengur aftur í árnar að
áliðnu sumri (kynþroska fiskur) eða á
haustin (geldfiskur) og dvelst þar yfir vetur-
inn. Sjósilungur vex vel í sjónum, en þó
hvergi nærri eins vel og laxinn. Hann er
veiddur í ánum og einnig í sjónum, og eru að
honum mikil hlunnindi, þó ekki sé vitað um
veiðimagnið, þar sem skýrslur um
sjósilungsveiði eru mjög stopular. Aia má
sjósilung í eldisstöðvum og sleppa honum á
sjógönguskeiði eins og laxi, en lítið hefur
verið gert af slíku til þessa.
Vatnasilungsveiðar.
Á íslandi eru 83 stöðuvötn yfir einn km2 að
flatarmáli og fjöldi smærri vatna. í flestum
þessara vatna er silungur, annað hvort urriði
eða bleikja eða hvort tveggja. Vötn þessi eru
ýmist í byggð eins og t.d. Þingvallavatn, Apa-
vatn, Hópið, Svínavatn og Mývatn, önnur
fjær byggð eins og t.d. Kleifarvatn, Langa-
vatn, Friðmundarvötn og vötn á Tunguheiði.
FREYR
209