Freyr - 01.04.1979, Blaðsíða 36

Bréf frá bændum
Hörður Sigurgrímsson:
Stöndum vörð
um Stéttarsambandið
Nýlega barst mér bréf frá nefnd á vegum
Stéttarsambands bænda, þar sem leitað er
álits búnaðarfélaganna um, hvort breyta eigi
samþykktum Stéttarsambandsins. Sagt er,
að menn hafi rætt um breytt kosninga-
fyrirkomulag fulltrúa á aðalfund, lítið sam-
band stjórnar Stéttarsambandsins við
bændur, og fleira þykir að.
Mér virðist, að samþykktir Stéttarsam-
bandsins þurfi engra breytinga við. Það, sem
mönnum kann að finnast áfátt um starf þess,
stafar ekki af samþykktum eða aðferðinni,
sem viðhöfð er við kjör fulltrúa, það verður
að skrifast hjáþeim mönnum, sem valist hafa
til forystu. Sjálfsagt telja einhverjir, að þeir
gætu gert betur, ef þeir sjálfir fengju tæki-
færi. Er ekki alltaf svo?
Sambandsleysi manna við Stéttarsam-
bandið, sem talað er um, held ég, að hljóti að
vera þeim sjálfum að kenna. Þeirfylgjast ekki
með. Lesi þeir það, sem kemur í Frey frá
Stéttarsambandinu, og fari á fundi þar, sem
formaður og fulltrúar þess tala, ættu þeir
ekki að þurfa að kvarta. Gunnar Guðbjarts-
son og fulltrúar hans hafa verið óþreytandi
að sækjaalls konarfundi um allt land og flutt
þar glögg og góð erindi um málefni bænda.
Þeir hafa sagt mér, að ofætlun væri að ætlast
til af fulltrúum á Stéttarsambandsfundi, að
þeir skýri starf þess eftir tveggja daga setu á
fundi. Það verði formaður og starfsmenn
hans að gera.
Ég sé á fundargerðum og hef heyrt hjá full-
trúum, að hagsmunafélag hrossabænda,
svínabændur og alifuglaeigendur óskuðu
eftir séraðild að Stéttarsambandinu. Þetta
finnst mérfráleit hugmynd. Aðilar að þessum
búgreinasamtökum eru eða ættu að vera fé-
lagar í búnaðarfélögunum. Búnaðarfélögin
eru grunnurinn að Stéttarsambandinu,
stéttarfélög. Þar eru félagsmenn þess og
hvergi annars staðar.
Fráleitt væri að gera Stéttarsambandið að
samtökum þrýstihópa.sem toguðu hver í
sinn skanka. Stéttarsambandið og Fram-
leiðsluráð verða að finna sig í að sinna sér-
málum búgreina, ef ákveðnar óskir berast
um það. Eðliiegt gæti talist, að fulltrúar
þeirra fengju að sitja fundi Framleiðsluráðs,
þegar erindi þeirra eru rædd. Til þess þarf
ekki að breyta samþykktum.
Skrítin hugmynd hjá hrossabændum svo-
kölluðum að óska eftir séraðild að Stéttar-
sambandinu. Þetta eru bændur með bland-
aðan búskap og sitja í súpunni með okkur
hinum. Selja sitt hrossakjöt á yfirfullan kjöt-
markað. Vandi þeirra er mesturaf því, að þeir
eiga allt of mörg hross. Eitt ættu þeir að at-
huga. Útflutningur hrossa er háður leyfi
Búnaðarfélags íslands og Framleiðsluráðs.
Bændur ættu að krefjast af þessum stofnun-
um, að ekki sé veitt útflutningsleyfi fyrir
hrossum nema frá bændum. Óþarfi, að
sportmenn sitji að þessum markaði.
Góðir félagar. Stéttarsambandið megum
við ekki veikja með breytinga- og klofnings-
tillögum. Við getum alltaf fundið eitthvað að,
og eðlilegt, að menn séu ósammála öðru
hvoru. Undanfarið hefur stjórnin togast á við
okkur um leiðir í offramleiðsluvandanum.
Við verðum að vera menn til að þola það.
Það fer að fara um okkur, óbreytta félags-
menn, þegar opinberir starfsmenn nálgast
að verða í meiri hluta í stjórn Stéttarsam-
bandsins. í mörg horn er að líta hjá fulltrúun-
um. Samþykktunum þarf ekki að breyta.
Starfið mótast af mönnunum, sem eru kosnir
og sýndur sá trúnaður, en ekki af þeim
reglum, sem kosið er eftir. Stöndum sem
einn maður að Stéttarsambandinu.
226
FREYR