Freyr - 01.04.1979, Blaðsíða 34

frystar og notaðar síðar. Finnskur búfjár-
fræðingur, T. Lindström, sem var á ferð í
Kanada og er heimildarmaður að þessari
grein, heimsótti tilraunastöð eina í Kanada,
þar sem 25 frjóvguð egg að meðaltali voru
flutt á milli mæðra á viku. Bændur mega
koma með kýr sínar til stöðvarinnar, ef þeir
vilja láta eggfesta (fá frjóvgaðar eggfrumur í)
þær. Sé eggfruman t. d. úr hægri eggja-
stokknum á annarri kúnni, er hið frjóvgaða
egg fest með skurðaðgerð einnig í hægra
eggjastokkinn á hinni kúnni. Áhugi á frjóv-
guðum eggfrumum er útbreiddur meðal bú-
fjárræktarmanna víða um heim, og frystar
eggfrumur eru fluttar landa á milli. Þarna
koma til sögunnar viðskiptahagsmunir og
ábatavon, því frjóvgaðar eggfrumur úr völd-
um dýrum af góðum kynjum eru seldar dýr-
um dómum. Eggfrumurfrá þessu kanadiska
tijraunaþúi voru t. a. m. seldartil útlandafyrir
jafngildi 570 000 ísl. kr. hver fruma. Ekki ber
áöðru en að menn hafi veriðfúsirtil að borga
þetta fyrir frjóvgaða eggfrumu úr völdum
foreldrum.
Meðan á eggflutningi stendur, má enginn
óviðkomandi vera nærstaddur. Kanadisku
tilraunamennirnir sögðu það afar sjaldgæft,
að nokkur skakkaföll yrðu í sambandi við
þessa aðgerð.
Þær kýr, sem notaðar eru til að gefafrjóvg-
aðar eggfrumur, eru ekki notaðar til
mjólkurframleiðslu jafnframt. í þessum 500
tilraunum, sem höfðu verið gerðar á stöð-
inni, voru 54% nautkálfar en 46% kvígur.
Frjóvguðu eggin eru flutt, þegar þau eru sjö
daga gömul.
Hér á landi mun flutningur frjóvgaðra
eggja ekki hafa verið reyndur, en gæti e. t. v.
haft hagnýtt gildi í framtíðinni. Nauðsynlegt
er að hafa stjórn á beiðsli kúnna í þessu
sambandi, og þess má geta, að nú er unnið
hér á landi að samstillingu gangmála kúa,
svo sem fram kemur í grein eftir Ólaf R. Dýr-
mundsson í 8. tbl. Freys 1978. Sjá einnig
greinina „Nýjung í búfjárkynbótum" eftir
Erlend Jóhannsson í Frey nr. 11 —12,1975.
J. J. D.
Eftirfarandi ályktun var samþykkt á
nýafstöðnu Búnaðarþingi sem
afgreiðsla á erindi Sambands
dýraverndunarfélaga íslands um
útigang búfjár á vetrum:
Búnaðarþing 1979 ítrekar fyrri
samþykktir um bætta forðagæslu, og
í því sambandi má geta um útgáfu
handbókar til að auðvelda
forðagæslumönnum starf sitt.
Þingið hvetur alla þá, er búfé hafa
undir höndum, að vanda sem best
alla meðferð þess og minnir
hreppsnefndir og bæjarstjórnir á
skyldur þeirra samkvæmt
búfjárræktarlögum um, að
forðagæslu og fóðurskoðun sé
framfylgt af nákvæmni, eins og ætlast
er til í umræddum lögum.
Greinargerð.
Búnaðarþing metur að verðleikum
óeigingjarnt starf Sambands
dýraverndunarfélaga íslands að
dýraverndunarmálum.
Á undanförnum árum og áratugum
hafa orðið miklar og ánægjulegar
framfarir í meðferð búfjár hér á landi
með meira og betra fóðri, bættum og
auknum húsakosti.
Vaxið hefur skilningur á því, að þá
aðeins, að þessirþættir séu í lagi, er
hægt að fá góðar og viðunandi
afurðir, svo og hitt, og ekki síður, er
ekki annað viðunandi á þeim
velmegunartímum, er við lifum á, en
að vel og sómasamlega sé að öllum
húsdýrum búið, annað er ekki
sæmandi íslenskri bændastétt, svo
og öllum þeim, er búfé hafa undir
höndum.
En þrátt fyrir það, sem hér er sagt,
skortir enn nokkuð á, að þessir hlutir
séu í eins góðu lagi og vera ætti og
vera þyrfti.
224
FREYR