Freyr - 01.04.1994, Blaðsíða 29
SILUNGSVCIÐI
Frá samstarfsnefnd um silungsveiði
Einar Hannesson, fulltrúi
Að tilstuðlan Landssambands veiðifélaga var snemma árs 1990 efnt til fundar með ýmsum
aðilum, sem tengjast silungsvötnum á einn eða annan hátt. Þetta leiddi til þess að sett var
á stofn 5 manna samstarfsnefnd um silungsveiði.
í fyrrgreindri nefnd hafa setið full-
trúar frá Búnaðarfélagi íslands
(Árni Snæbjörnsson), Ferðaþjón-
ustu bænda (Magrét Jóhannsdóttir),
Landssambandi stangveiðifélaga
(Rafn Hafnfjörð), Landssambandi
veiðifélaga (Einar Hannesson) og
„Vatnafangi“, félagi silungsveiði-
bænda (Skúli Hauksson). Þessi sam-
tök hafa bæði fyrr og síðar, á einna
eða annan hátt, unnið að þessum
málum, svo sem með hlunnindaráð-
gjöf, útgáfu „Veiðiflakkarans",
„Veiðidegi fjölskyldunnar“ útgáfu
ritraðar „Vötn og veiði“ og mark-
aðssetningu atvinnuveiði. Tilgang-
urinn með starfi nefndarinnar var að
benda á hvernig best mætti búa út
aðstöðu við veiðivötn, til að auka og
bæta nýtingu þeirra til stangarveiði,
og að kynna silungsveiði. Nefndin
fór rækilega yfir stöðu þessara mála
og hefur lagt sérstaka áherslu á
nauðsyn þess að veiðimönnum sé
auðvelduð aðkoma að veiðivötnum,
og að þar sé komið upp einhverri
lágmarksaðstöðu fyrir þá. Þegar slík
aðstaða væri komin á nokkrum stöð-
um, gæti það orðið öðrum veiði-
bændum fordæmi. Einnig hefur ver-
ið veitt ráðgjöf í þessum efnum, auk
þess sem unnið hefur verið að kynn-
ingu á silungsveiði. Við tvö veiði-
vötn hafa verið byggð tvö salernis-
hús við hvort vatn með tilheyrandi
vatnsleiðslum. f>á kom út upplýs-
ingaritið „Fjölskyldan og silungs-
veiðin“, sem dreift var til allra 12 ára
nemenda í grunnskólum landsins
vorið 1993 í samráði við Mennta-
málaráðuneytið. Framleiðnisjóður
landbúnaðarins hefur styrkt verk-
efni þessi með fjárframlagi. Sam-
Einar Hannesson.
starfsnefndin hefur haldið ríflega 40
bókaða fundi á tímabilinu 1990-
1994. Auk þess hafa einstakir nefnd-
armenn farið í ferðir til veiðibænda
vegna verkefnisins. Ennfremur hef-
ur það verið kynnt á atvinnumála-
fundum víðsvegar um landið. Greint
hefur verið frá verkefninu bæði í
ræðu og riti við þau önnur tækifæri
sem hafa gefist. Bæklingunum, sem
fór til skólanema sl. vor, hefur auk
þess verið dreift á fundum nokkurra
klúbba og félaga. Nefndin hefur
skoðað ýmsa fleti á þessum málum
og hugmyndir komið fram til efling-
ar þessu mikilvæga málefni. Um
þessar mundir er nefndin að ljúka
starfi og af því tilefni mun hver
nefndarmaður fjalla um viðfangs-
efnið út frá sínum sjónarhóli. Munu
greinar þessar birtast hér í Frey.
Með þessum inngangi formanns
nefndarinnar fylgir umfjöllun Árna
Snæbjörnssonar og Rafns Hafn-
fjörð, en í næsta tölublaði koma
greinar Margrétar Jóhannsdóttur og
Skúla Haukssonar.
Nýr framkvœmdastjóri
kúabœnda
Guðbjörn Árnason, búnaðarhag-
fræðingur, tók við starfi fram-
kvæmdastjóra Landssambands kúa-
bænda um miðjan mars sl., en fyrr-
verandi framkvæmdastjóri sam-
bandsins, Valdimar Einarsson, er
fluttur til Nýja-Sjálands, þar sem
hann starfaði áður.
Guðbjörn mun hafa aðsetur í
Bændahöllinni í Reykjavík, sími 91-
630300.
Athygli skal vakin á að nýr sími
formanns LK, Guðmundar Lárus-
sonar á Stekkum, er 98-22942.
Landssambands
T9* - FREYR 261