Freyr - 01.04.1994, Blaðsíða 36
Hver ábyrgist velmegun okkar?
Frh. afbls. 239.
í áðurnefndri grein dr. Björns Sigurbjörns-
sonar vitnar hann í ástralskan landverndar-
fræðing sem heldur því fram að það sé þrennt í
fari mannsins sem orsaki misþyrmingu hans á
jarðveginum og umhverfi hans; vanþekking,
græðgi og hroki.
Þrátt fyrir nokkurn efnahagssamdrátt eru
lífskjör íslendinga með þeim bestu sem gerast í
heiminum. Það vill þó gleymast að þessi kjör
eru ekki náttúrulögmál. Það er heldur enginn
mannlegur máttur sem getur gefið neina trygg-
ingu fyrir að einhver nánar tilgreind lífskjör
verði tryggð. Þessi staðreynd virðist vera
bannorð sem ekki má segja upphátt. Auðlindir
virðist eiga að umgangast þannig að vafi um
varðveislu þeirra komi þeim ekki til góða
heldur þeim sem nýta þær. Sama gildir um
áhrif mengunarvalda á umhverfið. Ut frá því
stjórnamiði var komið í veg fyrir að gjald yrði
lagt á olíu til mengunarvarna.
Hér skulu ekki hafðir í frammi neinar hörm-
ungarspár. Hins vegar skal á það minnt að sú
kynslóð íslendinga sem nú er að kveðja ber
ekki þeim sem nú eru á góðum aldri eða yngri
þá sögu að hún hafi verið miklu vansælli
framan af æfi en við hin, þótt hún byggi við
afar kröpp kjör, miðað við okkur. Með vand-
aðri upplýsingaöflun má vera að unnt verði sé
að koma böndum á meiri náttúruspjöll og
rányrkju, sem óhjákvæmilega leiðir til sam-
dráttar í lífskjörum. Að öðrum kosti má gera
ráð fyrir því að lífskjör versni stjórnlaust af því
að við spilltum náttúrunni hóflaust og að nátt-
úröflin taki til sinna ráða. M.E.
Frétt frá Bœndaferðum
Tvœr ferðir til Norðurlanda
Farnar verða tvœr ferðir til Þrándheims með leiguflugi í sumar.
Tekin hafa verið frá 40 sœti í hvorri ferð fyrir Bœndaferðir.
Noregur og Svíþjóð
Lagt verður af stað í þessa ferð
26. júní og komið heim 11. júlí. I
upphafi verður gist eina nótt í
Þrándheimi. Daginn eftir verður
lagt af stað í rútuferð. Fyrsti
áfangastaður verður Röros, síðan
haldið áfram til Rattvik í Svíþjóð
og endað í Stokkhólmi, áður en
snúið verður aftur til Noregs. Gist
verður skammt frá Karlstad í
Varmalandi og ekið þaðan til
Osló. Þaðan verður svo farið til
Hamars og Lillehammer og síðan
norður Guðbrandsdal og yfir fjöll
til Þrándheims þar sem gist verður
síðustu tvær nætur í ferðinni.
Gist verður 4 nætur í bænda-
skólum en annars á góðum hótel-
um og orlofshúsum.
Ferð til Noregs og farið
í útileikhús ó Stiklastað
Lagt verður af stað í þessa ferð
26. júlí og komið heim 1. ágúst.
Megin tilgangur ferðarinnar er að
horfa á leikrit, sem fjallar um bar-
dagann á Stiklastöðum, þar sem
lið Ólafs helga barðist við bændur
og beið ósigur. Þetta leikrit er
flutt árlega á útisvæði skammt frá
kirkjunni á Stiklastað og dregur
að mörg þúsund áhorfendur. Gist
verður á Mæri, bændaskóla sem
er í Norður-Þrændalögum. Farnar
verða skoðunarferðir frá bænda-
skólanum og margt gert sér til
skemmtunar og fróðleiks.
Þetta verður með ódýrustu
ferðum sumarsins því verðið er
kr. 38.000 á mann. Innifalið er
flug og flugvallarskattar, gisting
og morgunverður, allar skoðunar-
ferðir og aðgangseyrir að leikrit-
inu. Fararstjóri verður Jónas
Jónsson búnaðarmálastjóri.
Haustferðirtil Mið-Evrópu
Nú þegar hefur verið ákveðið
að efna til tveggja „bændaferða“ í
haust. Fyrri ferðin verður farin
26. október og komið aftur 1.
nóvember. Þá verða tvær af fal-
legustu borgum Evrópu heimsótt-
ar, en þær eru Vínarborg og
Budapest. Þessi ferð kostar
42.000 kr.
Seinni ferðin er til Þýskalands.
Hún hefst 6. nóvember og stendur
í eina viku. Gist verður allan
tímann hjá vínbændum í
Móseldalnum, en farnar ferðir í
ýmsar áttir flesta daga. Verð á
þessari ferð er um kr. 41.000 á
mann, miðað við gistingu í 2ja
manna herbergi og þá eru allar
skoðunarferðir innifaldar.
Hafið samband við Agnar eða
Halldóru hjá Stéttarsambandi
bænda í síma 91-630300, ef óskað
er eftir nánari upplýsingum.
268 FREYR - T9k