Freyr - 01.04.1994, Blaðsíða 32
SllUNGSV€lf>l
Silungsveiði og útivist
frá sjónarhóli stangveiðimanns
Rafn Hafnfjörð
Á ári fjölskyldunnar hjá Sameinuðu þjóðunum, 50 ára afmœli lýðveldisins og mikillar
þjóðfélagsumrœðu um að auka atvinnutœkifœri vegna samdráttar í hefðbundnum
atvinnugreinum, þá hvarflar hugur stangveiði- og útivistarmannsins að þessari vannýttu
auðlind sem er okkar kristaltœru og ómenguðu silungsveiðivötn og ár.
Bleikja.
Hvatning
Samgönguráðuneytið, Flugleiðir
og Framleiðnisjóður landbúnaðar-
ins hafa efnt til sérstaks kynningar-
átaks erlendis og ætla að kosta til
þess 100 milljónum króna. Þeir telja
þetta geta skapað 250-300 ný störf
og gefa af sér um 1 milljarð króna!
Átakið felst einkum í því að vekja
athygli á möguleikum til útivistar,
ævintýraferða s.s. hestamennsku,
jöklaferða, veiðimennsku auk
ferðalaga um íslenskar byggðir til
sveita. Vonandi gleymist ekki ein
vinsælasta útivistaríþrótt í heimi, -
stangveiðin sem silungsveiði.
Einnig hefur Ríkisútvarpið og
starfshópur Samgönguráðuneytisins
gert með sér samstarfssamning um
að hvetja íslendinga til ferðalaga um
sitt eigið land og njóta um leið þess
sem land og þjóð hafa upp á að
bjóða. Á Rás 1 verður regluleg um-
fjöllun um ferðamál, í þætti um
náttúru og ferðalög á laugardags-
morgnum og ennfremur mun Rás 2
verða með sérstaka pistla um ferða-
mál einu sinni í viku. Starfsmenn
svæðastöðvanna á Akureyri, Egils-
stöðum og ísafirði munu gera þeim
atburðum skil sem gerast á þeirra
svæði.
Eru hér ekki kjörin tækifæri fyrir
veiðiréttareigendur að kynna bæði
hérlendis og erlendis þá möguleika
sem þeir geta boðið til silungsveiða?
Vötn og silungsveiðiár eru hér trú-
lega um tvö þúsund og flest vannýtt
vegna áhugaleysis viðkomandi eig-
enda, fákunnáttu í markaðssetningu
og sinnuleysis valdhafa.
Meðmœli
Eg hef ferðast allnokkuð unt land-
ið okkar með myndavél og veiði-
stöng í hartnær 50 ár og kynnst bæði
innlendu og erlendu silungsveiði-
fólki. Allir eru á einu máli um það að
ekkert land sé betur fallið en Island
til að stunda þessa skemmtilegu og
heilnæmu tómstundaiðju.
Hinn víðfrægi hollenski flugu-
veiðimaður Erik Berg ritaði í einni
af bókum sínum: „Ef einhver spyrði
mig að því hvar í heiminum ég kysi
að veiða ef mér yrði gert að nota
allan minn tíma til fluguveiða,
myndi svar mitt vera Island. Pað er
erfitt að útskýra þetta, en meðal
þeirra mestu hugþrifa sem unnt er
að ná, tel ég vera það að komast í
tæri við villtan silunginn, á fjarlæg-
um afskekktum stöðum og sú tilfinn-
ing að vera algerlega einn með
sjálfum sér. Allir þessir þættir eru
fyrir hendi á íslandi.“
í annari bók ritar Ian Hay, Eng-
lendingur frá Red Box í Winchester:
„Á íslandi eru stórkostlegar lax-
veiðiár og nokkrar frábærar sjóbirt-
ingsár á Suðurlandi, en aðeins ein
frábær urriðaá, Laxá. Silungurinn
kemur úr Mývatni og veiðin er stór-
kostleg.“
í bók sinni Fluguveiði vítt og
breitt um heiminn, segir hinn nafn-
togaði Tony Pawson, sem vann
heimskeppnina í fluguveiði árið
1984 í Tormes svo: „Áin Laxá er
mjög góð silungsveiðiá ofantil og er
án efa ein besta silungsveiðiá Evr-
264 FREYR - T94