Freyr - 01.08.1994, Blaðsíða 4
Einn ostur cr nauðsyn,
tveir eru sjálfsagðir,
þrir eru grundvöllur
Frétt frá Bœndaferðum.
Bœndaferðir í haust
Þar sem mjög margir hafa óskað
eftir að taka þátt í bændaferð til
Þýskalands dagana I. til 8. nóvem-
ber hefur nú verið ákveðið að efna
til hliðstæðrar ferðar 8.-15. nóvem-
ber.
Flogið verður til Luxemborgar.
Gist verður í 7 nætur hjá vínbænd-
um í litlu þorpi sem heitir Leiwen,
skamml fyrir suðaustan Trier. Þar
geta 4 til 10 þátttakendur dvalið á
sama heimilinu. Herbergin eru vel
búin ineð sér snyrtingu. Góður
morgunverður er framreiddur á
gististöðunum, en aðrar máltíðir
sameinast þátttakendur um á veit-
ingastöðum í þorpinu eða hjá
bændum, sem sumir hverjir geta
tekið á móti allt upp í 100 manns í
mat eða vínsmökkun.
Dagskrá beggja ferða
verður eins
Á öðrum degi ferðarinnar verða
bændur með hefðbundinn búskap
heimsóttir, en seinna þennan sama
dag verður vínbóndi heimsóttur.
Hjá honum verður smakkað á fram-
leiðslunni og síðan mætt í grill-
veislu hjá öðrum bónda, en það er í
Leiwen.
Á þriðja degi ferðarinnar verður
ekið til Trier sem er aðeins um 15
km frá Leiwen og einnig verður
postulínsverksmiðja heinisótt. Næsta
dag verður svo farið til Koblens en
þar er margt að sjá, einnig verður
komið við hjá vínbændum.
Á fimmta degi verður farin
lengsta ferðin sem tekur mestallan
daginn. Fyrst verður skartgripa-
gerðin í Idar/ Oberstein skoðuð og
síðan ekið til Mainz við Rín og
þaðan verður farið til Rudesheim
og síðan niður með Rín og heilsað
upp á Lorelei.
Næstsíðasta dag ferðarinnar verð-
ur farið í siglingu á Mosel en
síðasti dagurinn er frjáls.
Ferðin kostar kr. 44.000 á mann.
Innifalið er flug og skattar, gisting
og morgunverður, allar ferðir og
siglingin á Mosel.
Hafið samband við Agnar eða
Halldóru sem fyrst, ef þið hafið
áhuga á þátttöku eða óskið eftir
nánari upplýsingum. Sími 91-
630300.