Skátablaðið - 01.04.1994, Blaðsíða 12

Fjörkippur í sfcarfi
eldri skáta
Hafnarfjörður hefur verið einn þeirra staða þar sem starf
eldri skáta hefur verið blómlegt. Þó hefur verið lítil endur-
nýjun eða fjölgun í hópi St. Georgsgilda. En á því hefur
orðið breyting. Um 40 nýir félagar hafa bæst í hóp
St. Georgsgildisins í Hafnarfirði, samtök eldri skáta og
fleiri hyggjast bætast í hópinn.
Það er engin ný bóla að áhugi sé fyrir
hendi að efla starf eldri skáta í Hafnar-
firði, oft hafa umræður farið af stað en af
ýmsum ástæðum hefur ekkert orðið úr
framkvæmdum. A undanförnum árum
hefur járnið verið barið vel og nú var
komið að því að sjá árangur af öllu saman.
Það er skátafélagið Hraunbúar og St.
Georgsgildið sem stóðu að undirbúningi
þessa átaks sem nú fór í gang.
Töluverð umræða hefur verið um
hvernig að fjölgun ætti að standa og er í
rauninni ekkert ákveðið enn. Ákveðið var
að taka áhugasama eldri skáta inn í
núverandi gildi og ákveða síðan á aðal-
fundi gildisins í maí hvort stofnað yrði
nýtt gildi eða annað form haft á.
Ekki ein aðferð
Nokkrar leiðir hafa verið ræddar, m.a.
að halda áfram með aðeins eitt gildi sem
starfaði eins og skátafélag og yrði skipt
niður í sveitir. Önnur leið er að líta á gildi
sem sveit skáta sem vilja starfa saman og
stofnajafn mörggildi ogþörferá. Þáværi
eðlilegt að miða við að stærð gildis væri
nálægt stærð skátas veitar eða um 30 skátar.
Þessi gildi gætu síðan stofnað með sér
heildarsamtök (félag), St. Georgsgildin í
Hafnarfirði sem gæti t.d. verið eigandi að
skála gildisins og skipulegði sameigin-
legar uppákomur og starf allra gilda í
Hafnarfirði.
Inntaka nýrra félaga
Það var fimmtudagskvöldið 13. janúar
sl. sem boðað var til fundar gildisins, í
nýju fréttabréfi St. Georgsgildisins í
Hafnarfirði, og voru nýir félagar sérstak-
lega velkomnir þar sem til stóð að taka inn
félaga á þessum fundi. Fundurinn sem fór
fram í Hraunbyrgi var mjög fjölmennur
og 23 ungir gamlir skátar á öllum aldri
gengu fram og voru við virðulega athöfn
teknir inn í gildið.
Lilli litli ogfjölskylda!
Að sjálfsögðu var sungið mikið og ekki
laust við að umræður hæfust um aldur
manna þegar sem lögin voru rifjuð upp.
Þeir Rúnar og Hreiðar slógu á sína
klassísku gítara af mikilli skátasnilld og
fundarmenn tóku hressilega undir.
En menn áttu eftir að kætast meir. Þegar
Rúnardró HörðZóphaníasson, sem hafði
ásamt Ásthildi konu sinni stjórnað inn-
göngu nýju félaganna af miklum virðu-
leik, fram á gólfið og nefndi Lilla litla,
Egil Strange mömmu og Jón Kr. Gunnars-
son pabba og þrjár skátastúlkur á blóma-
aldri nefndi hann bjarnarhúna. Settust
þau á stóla út á miðju gólfi og hóf Rúnar
að lesa litla barnasögu með miklum til-
þrifum. En ef tilþrif hans voru mikil þá
skyggðu tilþrif sexmenningana á gólfinu
alveg á frammistöðu hans því í hvert sinn
sem nafn þeirra var nefnt í sögu Rúnars,
stóðu þau upp og hlupu einn hring í
kringum hópinn. Og ég get sagt ykkur
það að hvert þeirra var ekki nefnt aðeins
einu sinni. En ef þátttakendur skemmtu
sér vel, þá hefðu þið átt að sjá áhorf-
endurna!
St. Georgsgildin
St. Georgsgildin eru kjörinn vettvangur
fyrir eldri skáta að starfa saman að sínum
hugðarefnum. Gildin þurfa ekki að vera
stór, ekkert kauptún er of lítið fyrir St.
Georgsgildi, gamlir skátar sem þurfa alls
ekki að vera neitt gamlir geta hafa verið
skátar annars staðar, það ley nast oft skátar
víða. Víða eru merki þess að eldri skátar
sýni þessu aukinn áhuga. Skátagildi var
stofnað á Sauðárkróki fyrir skömmu og
klúbbur eldri skáta var stofnaður í
Garðabæ. Meira um þá síðar.
Það kom greinilega í Ijós að aldur er afstœður þegar gamlir skátar hittast — Lilli litli og co.
Skátastarf— sjálfstæður lífsstíll