Skátablaðið - 01.04.1994, Blaðsíða 35

Minjaneíhd skáta
Minjanefnd skáta er skipuð af Bandalagi íslenskra
skáta, Skátasambandi Reykjavíkur og St. Georgs-
gildunum á íslandi og er nefndin jafnframt sam-
starfsvettvangur þessara aðila um þann mála-
flokk sem nánar er tilgreindur í erindis-
bréfi minjanefndarinnar. Eins og nefnið
ber með sér er hlutverk nefndarinnar að
tryggja varðveislu og skráningu heimilda
um skátastarfá íslandi, ef hægt er að
nefna hlutverkið í örfáum orðum. Nefndin
hefur nýverið gefið út kynningarbækling
sem dreift verður á næstunni.
Fyrstu störf minjanefndarinnar var að
skilgreina verksvið sitt og gerði nefndin
tillögu að erindisbréfi sem samþykkt var
<ið þeim sem standa að minjanefndinni.
Nokkur tími hefur farið í að móta starfið
°g var fyrst hafist handa við að safna
saman munnlegum heimildum frá skátum
sem muna tímana tvenna í íslensku
skátastarfi. Það starf er í fullum gangi og
hafa þó nokkrir aðilar verið fengnir til að
taka viðtöl við gamla skáta og hafa verið
haldnir undirbúningsfundir vegna þess.
Byrjað var á SV-horninu og stefnt að því
að afla upplýsinga frá öllum þeim stöðum
þar sem skátastarf hefur verið. Allar
abendingar um fólk sem liggur á fróðleik
eru vel þegnar af nefndarmönnum.
Þess ber að geta að störf minjanefndar
skulu ekki takmarkast við eldri tíma heldur
er henni einnig falið að vinna að skipulagi
sem auðveldar varðveislu heimilda og
hvetur til að unnið sé úr þeim eftir megni
meðan viðburðir eru enn í fersku minni.
Einnig er nefndinni falið að veita
skátafélögum leiðsögn í varðveislu og
skráningu minja og heimilda, hvetja félög
til slíkra verka og eiga við þau samstarf.
Minjanefnd skáta leitar eftir stuðningi
allra við störf sín og getur sá stuðningur
verið margvíslegur. Hvetjið skáta í félagi
ykkar til að skrá heimildir jafnóðum og
halda vel til haga. Hvetjið gamla skáta og
aðra þá sem hafa í fórum sínum eitthvað
sem snertir skátastarf að halda því vel til
haga og skrá það eða koma til varðveislu
hjá minjanefnd eða viðkomandi félagi.
Aðstoðið við skráningu heimilda og muna
og komið afriti til minjanefnar skáta.
Minjanefnd er að útbúa sérstök skárn-
ingarblöð sem félög og einstakl i ngar geta
fengið.
I minjanefndinni eiga sæti:
Anna Kristjánsdóttir, formaður
Egill Strange,
Guðni Gíslason,
Hrefna Hjálmarsdóttir
Halldóra Þorgilsdóttir og
Aðalsteinn Þórðarson.
Póstfang minjanefndar er: Minjanefnd
skáta, pósthólf 5111, 125 Reykjavík.
Besta mynd sumarsins
Skátablaðið hefur ákveðið að auglýsa eftir bestu mynd sumarsins.
Myndin þarf að vera úr skátastarfi og á að vera táknræn sem slík. Myndin þarf að
vera í lit og verður besta myndin notuð sem forsíðumynd á Skátablaðinu auk þess
sem þrjár bestu myndirnar fá viðurkenningar.
Skilafrestur er til 10. september
Myndum skal skila í lokuðu umlagi merktum með dulnefni. í umslaginu skal vera annað umslag lokað sem geymir
upplýsingar um rétt nafn og heimili höfundar. Myndunum skal skila á skrifstofu BÍS eða sendist til:
Skátablaðið — Besta mynd sumarsins, pósthólf 5111, 125 Reykjavík.
Skátablaðið