Skátablaðið - 01.04.1994, Blaðsíða 17

íslenska
fánann
öndvegi
Skátahreyfingin hefur frá fyrstu tíð látið sig miklu varða
um íslenska fánann, meðferð hans, sögu og þýðingu.
Bæði almenningur og opinberir aðilar hafa jafnan leitað
upplýsinga hjá skátum um meðferð fánans. Skátar hafa
annast leiðbeiningar um meðferð fánans við ýmis
tækifæri, og fánaathafnir eru algengur liður í skátastarfi.
Skátar hafa verið fánaberar og myndað heiðursvörð við
opinberar athafnir svo sem á þjóðhátíð íslendinga alla
sögu lýðveldisins.
Árið 1965 gaf Dóms- og kirkjumála-
ráðuney tið út spj ald með reglum um með-
ferð fánans. Bar það heitið,, Leiðbeiningar
um meðferð íslenska fánans“. Þessu
spjaldi dreifði skátahreyfingin til
almennings og var það lengi vel eina
opinbera plaggið sem til var um meðferð
fánans. Og var svo uns ritið,, Fáni Islands “
kom út á vegum Forsætisráðuneytisins
árið 1991.
Meðferð íslenska fánans er ekki sér-
staklega á námsskrá skólanna og lítið gert
til að efla virðingu manna fyrir honum.
Má því fullyrða að almenn þekking á
meðferð fánans er ekki mikil.
Það er því verðugt verkefni fyrir skáta-
hreyfinguna á íslandi á 50 ára afmæli
íslenska lýðveldisins að setja Islenska
fánann í öndvegi. Undir þeirri yfirskrift
vinnur Bandalag íslenskra skáta að
nokkrum verkefnum tengdum íslenska
fánanum.
Markmið
Megin markmið verkefnanna er að gera
almenning meðvitaðan um mikilvægi
íslenska fánans, kenna almenna notkun
hans og síðast en ekki síst að auka virðingu
landsmanna fyrir fánanum.
Verkefnin
1. Handfáni til allra grunnskóla-
barna á landinu
Unnið er að því að öllum grunnskóla-
börnum á landinu, 6-12 ára, verði gefinn
íslenski fáninn á stöng (handveifa) ásamt
litlu spj aldi sem greinir frá meðferð fánans.
Börnin munu fá fánana afhenta fyrir skóla-
slit í vor og er þetta gert með því hugarfari
að þau mæti með fánana á lýðveldishá-
tíðina 17. júní. Leitað verður til styrktar-
aðila til að fjármagna verkið en fjöldi
þessara barna er rúmlega 29 þúsund.
2. Islenskur fáni í alla grunnaskóla
landsins
Stefnt er að því að allir grunnskólar
landsins eignist íslenskan fána á burðar-
stöng til að hafa innandyra og íslenskan
fána til að draga upp við hátíðleg tækifæri
utandyra. Fánarnir munu verða afhentir í
mörgum skólum af skátum semjafnframt
munu fara yfir helstu atriði í meðferð
fánans að nemendum viðstöddum. BIS
mun láta gera sérstaka fána í þessu sam-
bandi og stefnt að því að hvert sveitar-
félag fjármagni kostnað vegna þessa fyrir
skólana á sínu svæði. Merki þjóðhátíðar-
ársins verður á burðarstöngunum.
3. Fjölmiðlar og útgáfa
BIS mun hafa forgöngu um að reglu-
lega birtist í fjölmiðlum greinar um
íslenska fánann. Jafnframt mun verða
reynt að semja við aðra hvora sjónvarps-
stöðina um að gera stuttan sjónvarpsþátt
um sögu, meðferð og notkun íslenska
fánans.
Þá verður gefið út spjald þar sem fram
koma leiðbeiningar um meðferð íslenska
fánans sem ætlað er til dreifingar til
almennings. Jafnframt verði prentað
fallegt og litríkt veggspjald þar sem hvatt
er til notkunar íslenska fánans.
4. Borðfánar í fyrirtæki og stofnanir
Islenski fáninn sést ekki víða inni í
húsakynnum fyrirtækja og stofnana. Til
að gera bragarbót á þessu og aðstoða við
fjármögnun áðurnefndra verkefna mun
BÍS hafa til sölu sérstaka borðfána sem
munu verða boðnir til sölu í fyrirtækjum
og stofnunum um land allt. Merki þjóðhá-
tíðarársins 1994 verður á fánastandinum.