Litli Bergþór - 01.04.1991, Blaðsíða 5
Vestan Biskupstungnabrautar, móts við,
Reykholt stendur stórt og mikið hús. I
húsi þessu er, eins og flestir vita, verk-
smiðia sem heitir Yleining. Starfsemin
er ífullum gangi og þóttiLitla-Bergþór
vel við hœfi að fá verksmiðjustjórann,
Jónas Vigfússon, til þess að segja ofurlítið
frá starfseminni.
Og við gefum Jónasi orðið:
Verksmiðjuhúsið.
„í verksmiðjunni eru framleiddar tvær gerðir af þak- og veggeiningum. Annarsvegar þar sem
burðarvirkið er úr timbri, einangrað með mismunandi efnum, aðallega steinull. Klæðning á neðra borði
er mismunandi eftir óskum kaupenda og að utan krossviður og tjörupappi. Stærð eininganna er
mismunandi en algeng breidd er 2,40 m og lengd eftir burðarvirki 4-6 m.
Einingamar eru tilbúnar til uppsetningar. Tjörupappastrimill er lagður yfir samskeyti þannig að þegar
einingamar eru komnar á húsið er það fokhelt og auk þess einangrað. Þessi tegundeininga er framleidd
með framleiðsluleyfi frá TÁSINGERTRÆ í Danmörku. Þær henta jafnt á stærri byggingar sem og
íbúðarhús.
Hin tegund eininganna em stálklæddar innan og utan og úrethan á milli. Þær eru framleiddar sem þak
og veggeiningar. Einnig framleiðum við á þennan hátt ýmsar stærðir kæli- og frystiklefa fyrir matvæli
og henta til dæmis prýðilega sem grænmetiskælar fyrir garðyrkjustöðvar. Þess má geta að ræktunarhús
Flúðasveppa er byggt úr þessum einingum.
Upphaflega vom þessar einingar ffamleiddar hjá Berki í Hafnarfirði og em vélar komnar þaðan.
Stöðugt er unnið að þróunarverkefnum hjá Yleiningu og verið að leita að nýjungum því möguleikamir
eru miklir.
Hafist var handa við byggingu verksmiðjuhússins veturinn 1990 og það reist þá um vorið. Það er byggt
úr límtréssperrum og timbureiningum en ysta lagið er úrethaneiningar.
Fljótlega var hafist handa við að framleiða timbureiningar í húsinu en úrethaneiningamar síðar eða í
nóvember 1990.
Fyrsta timburþakið frá Yleiningu er á Heklu-húsinu við Laugaveg í Reykjavík.
Frá upphafi hefur verið mikið að gera og nú starfa 16 manns á vöktum við framleiðsluna og auk þeirra
3 á aðalskrifstofu í Reykj avík. Húsnæði fyrir aðkomumenn er á Brautarhóli. Það er þó bráðabirgðalausn
og er rætt um að byggja húsnæði fyrir starfsmenn, líkt og Límtré hf. hefur gert. Svo er líka áhugi hjá
einhverjum að byggja eigið húsnæði hér í Reykholti.
Eins og staðan er í dag emm við að sprengja utan af okkur verksmiðjuhúsnæðið og það reyndar áður
en búið var að ljúka við þetta hús, því eftir er að koma fyrir eldhúsi og skrifstofu.“
Litið innfyrir.
Við látum þetta verða lokaorðin. Það
er greinilega biart yfir þessufyrirtœki
og við óskum Jónasi og hans mönnum
alls hins besta í framtwinni.
J.Þ.Þ.
Litli - Bergþór 5