Litli Bergþór - 01.06.1993, Blaðsíða 6

Kvenfélagsfréttir
Skíðaskálanum 19. júní 1992.
Þaö er orðið nokkuð langt síðan skrifað var síðast
um Kvenfélag Biskupstungna í Litla Berþór. Það er
þó ekki vegna þess að við höfum lagt upp laupana,
heldur vegna þess að eftir að Tungnatíðindi fóru að
koma út höfum við reynt að gæta þess, að helstu
fréttir af starfi okkar kæmu þar fram jafn óðum. Ég
mun nú samt reyna að gefa einhverja heildarmynd
af starfinu. Kvenfélag Biskupstungna var stofnað
árið 1929 og er því að hefja sitt 64 starfsár.
Meginmarkmið félagsins hefur ætíð verið að stuðla
að kynningu og samvinnu kvenna í sveitinni og hlúa
að hvers konar mannúðar- og menningarmálum
íbúa sveitarinnar. Áður fyrr var veitingasala ein
helsta tekjulind félagsins og þá fékk félagið kannski
á sig einhvern bakstursstimpil. í dag er veitingasala
félagsins orðin afar lítil, þar sem við sinnum
eingöngu erfidrykkjum ef eftir því er leitað. Við
lítum á þær sem þjónustu okkar við íbúa
sveitarinnar og fundarsamþykkt er fyrir því að ágóði
af þeim renni í Sjúkrasjóð félagsins. Við höfum á
undanförnum árum reynt markvisst að efla þennan
gamla sjóð, svo hægt sé að veita stuðning úr
honum þegar þörf er á. Fjáröflunarleiðir félagsins
hafa færst í annan búning og hafa sveitungar verið
okkur hjálplegir við að safna broddi, útvega blóm,
grænmeti o.fl. þegar við höfum leitað eftir því.
Farnar hafa verið söluferðir í Kolaportið og eitt
sumarið var haldin lífleg tombóla í tjaldi fyrir utan
Aratungu. Þá höfum við einnig ekið um sveitina
með ýmsan varning til sölu og hvarvetna hlotið
góðar viðtökur. Þessi fjáröflun gerir okkur kleift að
styðja við margs konar starfsemi. Við höfum reynt
að gefa helst innan sveitarinnar og má þar nefna 2
vandaðar saumavélar til Reykholtsskóla, hlut í
heyrnaþrýstimæli til Heilsugæslustöðvarinnar í
Laugarási, 100 þús. krónur til greiðslu á borðbúnaði
í Félagsaðstöðu aldraðra í Bergholti. Einnig höfum
við styrkt Kvennaathvarf, Stígamót og Vímulausa
æsku með peningagjöfum og aðstoð við fjáröflun
þeirra. Ásamt því að selja jólakort SSK til ágóða fyrir
Sjúkrahús Suðurlands, almanök Þroskahjálpar og
að innheimta árgjöld fyrir Krabbameinsfélag
Árnessýslu.
Félagskonur eru þó ekki eingöngu í striti, heldur
gera sér líka glaðan dag öðru hverju. 19. júní er
orðinn fastur skemmtidagur hjá félagskonum og þá
höfum við margt brallað. Synt í Bláa lóninu, farið á
dúkkusýningu, spilað keilu, skoðað ullarvinnslu og
borðað "sauðnaut" í Skíðaskálanum.
í skógarreit Kvenfélagsins við Spóastaði hafa
konur hittst og plantað út vor hvert s.l. 4 ár. Þarna
er að vaxa upp unaðsreitur og þurfum við að huga
að nafngift hans. Félagið hefur á liðnum vetri þegið
2 heimboð til annarra kvenfélaga. Þetta hafa verið
hinar skemmtilegustu samkomur. Löng hefð er fyrir
heimboðum á milli kvenfélaga og þótti mér gaman
nýverið, að finna í gamalli bók Kvenfélagsins
frásögn af heimboði frá árinu 1932. Leikhúsferðir
eru farnar á hverju ári og hin síðari ár hafa þær
verið í samvinnu við Lionsklúbbinn Geysir. Fengnir
hafa verið fyrirlesarar um ýmis mál, má þar nefna
fræðslu um gildi grindarbotnsæfinga og
lambakjötsskurð til nútíma neysluhátta.
Jólatrésskemmtun er haldin árlega í Aratungu á
vegum félagsins, þótt sóknirnar skipti þar með sér
verkum. Við höfum síðustu ár notið undirleiks
Hilmars Arnar Agnarssonar. Félagið ætlar á
næstunni að færa Barnakór Biskupstungna
peningagjöf, til eflingar kórstarfinu sem nú stendur í
miklum blóma.
Kvenfélagið hefur um áraraðir sinnt
samverustundum fyrir aldraða sveitunga nokkrum
sinnum á vetri. Þegar félagsaðstaða aldraðra í
Bergholti var vígð, bauð Kvenfélagið til
við Spóastaði.
Litli - Bergþór 6