Litli Bergþór - 01.06.1993, Blaðsíða 7

kaffisamsætis í Aratungu. Nú hefur verið stofnað
félag aldraðra sem heldur eigin samverustundir í
Bergholti. Við hðfum þó ekki alveg viljað sleppa
hendinni af öldruðum og bjóðum árlega til
skemmtiferða. Biskupstungnahreppur hefur greitt
rútukostnaðinn s.l. 2 ár, en Kvenfélagið boðið
ferðalöngum í veislukaffi í ferðinni. Ferðir þessar
hafa alltaf verið fjölmennar og mjög skemmtilegar.
- (svo sem frá greinir á öðrum stað í blaðinu )
Aðalfundur Kvenfélagsins var haldinn í Bergholti
25. feb. s.l.
Stjórn félagsins skipa nú eftirtaldar konur:
Formaður Elínborg Sigurðardóttir, Iðu.
Gjaldkeri Elín Ásta Skúladóttir, Sólveigarstöðum.
Ritari Kristín Ólafsdóttir, Kjóastöðum.
Meðstjórnendur eru Margrét Baldursdóttir Króki,
sem jafnframt er varaformaður og Sigríður
Egilsdóttir, Vatnsleysu.
í varastjórn eru Guðrún Ólafsdóttir, Vesturbyggð
og Kristín Sigurðardóttir, Kirkjuholti.
Veitingakona er Guðrún Lára Ágústsdóttir,
Brattholti og með henni starfa Sigríður Egilsdóttir,
Sigrún Reynisdóttir og Ingibjörg Bjarnadóttir.
í fjáröflunarnefnd eru: Anna S. Björnsdóttir,
Karitas Melstað, Karitas Óskarsdóttir og Sigurlaug
Sigurmundsdóttir. Auk þessara eru aðrar nefndir
sem of langt væri að telja upp hér. 45 konur voru í
félaginu um síðustu áramót og þar af eru 8
heiðursfélagar. Kvenfélagið hefur haft að leiðarljósi
að vera fremur en að sýnast. í kvenfélögum eru
rætur margra framfara sem orðið hafa í íslensku
samfélagi. Ég ber þá von í brjósti að starf
Kvenfélags Biskupstungna megi vaxa og blómsta
um ókomin ár.
Elínborg Sigurðardóttir, formaður.
A faralds fæti
Kvenfélag Biskupstungna hefur um áraraðir staðið
fyrir eins dags skemmtiferðum með öldruðum
sveitungum síðsumars. Farið hefur verið vítt og
breitt um svæðið frá Borgarfirði að Þórsmörk. Mig
langar að gefa lesendum örlitla innsýn í síðustu
tvær ferðir.
Þegar fór að líða að hausti ársins 1991 var farið
að leggja drög að ferðalagi aldraðra, en þeir höfðu
fyrr um sumarið tekið á móti hópi aldraðra úr
Gerðubergi í Rvk. Leitað var eftir stuðningi til
Biskupstungnahrepps um greiðslu á rútukostnaði og
var vel tekið í þá beiðni. Ferðalag til Reykjavíkur
var ákveðið hinn 30.sept. og lögðu 25 ferðalangar
af stað um hádegið frá Reykholti og lá leiðin í
Útvarpshúsið við Efstaleiti. Þar tók hinn kunni
útvarpsmaður Pétur Pétursson á móti hópnum og
fór hann á kostum. Því næst bauð Kvenfélagið upp
á veislukaffi í Perlunni. Perlan snerist heilan hring
með hópinn, sem naut útsýnisins meðan á
kaffidrykkjunni stóð. Þegar allir voru mettir, var
haldið af stað í Víðistaðakirkju í Hafnarfirði og
skoðuð altarismynd Baltasar. Síðan var haldið í
Menningarmiðstöðina við Gerðuberg. Hópnum var
boðið að vera áheyrendur og í klappliði við upptöku
á þætti Jónasar Jónassonar, Góðvinafundur í
Gerðubergi. Upp úr kl 21 var svo haldið heimleiðis
eftir ánægjulegan dag.
Það var kominn 12. okt.1992 þegar loksins var
farið af stað í næstu skemmtiferð aldraðra. í ferðina
sem að þessu sinni var farin á Njáluslóðir fóru 31
ferðalangur. Sögufróður maður, Haraldur
Matthíasson á Laugarvatni, var fenginn til
leiðsagnar. Ekið var sem leið lá austur á bóginn og
út með Fljótshlíðinni. Haraldur fræddi okkur um
sögu Njálu og stansað var á merkustu stöðum
sögunnar.
Við Seljalandsfoss varpaði hann fram eftirfarandi
gátu:
Að kom ég þar elfan hörð,
á varferðum skjótum.
Undir vatni, ofan á jörð
arka þau þurrum fótum.

Á Bergþórshvoli. Haraldur Matthiasson
frœðir ferðalangaum Njálshrennu.
Þaðan var haldið niður í Landeyjar og bauð
Kvenfélagið upp á kaffiveitingar í Njálsbúð. Að
lokinni kaffidrykkju var haldið heimleiðis eftir góðan
dag.
Það sem er sammerkt báðum þessum ferðum, er
hinn mikli söngur og gleði sem kætir ferðalanga,
gömul lög eru sungin af miklum eldmóði og kastað
fram vísum. Sú mikla gleði og þakklæti sem
streymir frá þátttakendum, fyllir mann krafti og yljar
um hjartaræturnar.
Hafið þökk kæru sveitungar fyrir skemmtileg
ferðalög.
Elínborg Sigurðardóttir, Iðu.
Litli - Bergþór 7