Litli Bergþór - 01.06.1993, Blaðsíða 17

Vetrargarður í Haukadal
Frá ferðamálanefnd
Þann 20. mars síðastliðinn gengu um 70 manns á
skíðum í Skógræktinni í Haukadal. Veður var mjög
gott, sól og logn.
Skógurinn skartaði sínu fegursta, jafnfallinn snjór
hékk á trjánum og gaf skóginum ævintýralegan blæ.
Aðdragandinn að þessari uppákomu var allnokkur.
Á síðastliðnu ári var ráðinn til starfa Kristján
Eysteinsson í atvinnuþróunarverkefni fyrir
uppsveitirnar. Eftir áramót kynnti hann ýmsar
hugmyndir, sem hann hafði áhuga á að skoða
nánar. Ein þeirra var að reisa „Vetrargarð í
Haukadal". þar hefur hann hug á að nýta sér
aðstæðurnar, skóginn, Sandfellið,Bjarnarfellið,
víðáttuna og nálægðina við Geysissvæðið.
Tilgangurinn var að auka nýtingu svæðisins allan
ársins hring. Hreppsnefnd Biskupstungna fékk
tillögurnar til athugunar og í framhaldi af því var
ferðamálanefndinni falið að aðstoða Kristján við að
kynna málið í einhverju formi til að byrja með.
Tilgangurinn var m.a. að kanna viðbrögð
Skógræktarinnar, staðarbúa og almennings. Strax í
upphafi var Skógræktinni kynnt málið og umsókn
send um afnot af svæðinu til skíðagöngu. Viðbrögð
Skógræktarinnar voru framar vonum og tókst hið
ágætasta samstarf við Böðvar Guðmundsson
skógarvörð. Raunar kom á daginn að Skógræktin
var með í undirbúningi gerð göngustíga um
skógræktina. Ætlunin hjá þeim er síðan að gera
gönguleiðakort, þannig að svæðið verði aðgengilegt
almenningi á öllum árstímum. Eftir nokkra bið eftir
heppilegum aðstæðum var Geysisgöngunni skellt á
áðurnefndan dag og tókst hún framar vonum.
Frá göngudeginum.
Björgunarsveitin tók þátt í uppákomunni með því að
troða göngubrautir. Lítill troðari, sem tengdur var
aftan í snjósleða, var notaður til þess. Einnig
önnuðust þeir eftirlit á svæðinu. Ekki má gleyma
þætti hótelhaldara á staðnum, þeirra Siggu og Más.
Þau buðu öllum upp á ókeypis kaffiveitingar á eftir
með þessum líka dýrindis Hnallþórum.
Ég vil að lokum fyrir hönd aðstandenda þakka
öllum, sem aðstoðuðu okkur á einn eða annan hátt
við framkvæmdina. Okkar von er sú að
Geysisgangan 93 hafi opnað augu fólks á
möguleikum svæðisins og sé upphafið á enn frekari
aðgerðum þar um slóðir.
Sveinn A. Sæland
Val í trúnaðarstörf á aðalfundi Umf. Bisk.
Stiórn: Margrét Sverrisdóttir, formaÖur. Inga
Birna Bragadóttir, ritari. Þórdís Sigfúsdóttir,
gjaldkeri. Varamenn: Dröfn Þorvaldsdóttir og
Róbert Einar Jensson.
Fulltrúar í hókasafnsnefnd: Halla
Bjarnadóttir og Pétur Skarphéðinsson.
Endurskoðandi: Gylfi
Haraldsson.Varamaður: Arnór Karlsson.
FuIItrúi í þjóðhátíðarnefnd: Perla
Smáradóttir.Varamaður: Jónína Birna
Björnsdóttir.
Skemmtinefnd: Sigrún Guðjónsdóttir. Dóra
Svavarsdóttir. Böðvar Unnarsson. Eva Sœland
Varamaður: Þórhildur Oddsdóttir.
FuIItrúi í rekstrarnefnd: Margrét
Sverrisdóttir.Varamaður: Þórdís Sigfúsdóttir.
Utgáfunefnd: Arnór Karlsson. Elín Margrét
Hárlaugsdóttir. Drífa Kristjánsdóttir.
Geirþrúður Sighvatsdóttir. Pétur
Skarphéðinsson.Varamaður: Jens Pétur
Jóhannsson.
Kolbrún Sœmundsdóttir gafekki kost á
endurkjöri í útgáfunefnd, og eru henni þökkuð
frábœr störfþar. Elín Margrét Hárlaugsdóttir
er boðin velkomin til starfa.
F. h. útgáfunefndar.
A.K.
Litli - Bergþór 17