Tímarit Þjóðræknisfélags Íslendinga - 01.01.1963, Side 24

6
TÍMARIT ÞJÓÐRÆKNISFÉLAGS ISLENDINGA
nýja land, þó sjálfsögð sé og mikil-
væg, sem hér er um að ræða, menn
verða að leggja eitthvað á borð með
sér, menningarlega talað, til þróun-
ar þjóðarinnar, sem þeir eru orðnir
hluti af, annars geta þeir illa hlut-
gengir talizt. Séu þeir snauðir að
veraldlegum auði, skyldu þeir
minnast orðanna ódauðlegu: „Silf-
ur og gull á ég ekki, en það sem ég
hefi, það gef ég þér.“ Er þar í þessu
sambandi átt við þá menningarlegu
auðlegð og þann hugsjónaarf, sem
íslendingar hafa að erfðum þegið.
Af þeim auði andans og manndóms-
ins ber þeim að miðla sinni nýju
þjóð sem örlátlegast.“
En til þess, að það geti orðið,
verða menn vitanlega að varðveita
sem lengst og ávaxta sem bezt dýr-
mæta menningararfleifð sína. Á
þetta minnir önnur málsgrein
stefnuskrár félags vors, svohljóð-
andi: „Að styðja og styrkja íslenzka
tungu og bókvísi í Vesturheimi."
Eigi verður það heldur gert til
lengdar, ef menn slitna úr tengslum
við ætternislegan og menningarleg-
an uppruna sinn. Þessvegna er það,
í þriðja lagi, aðalmarkmið félags-
ins: „Að efla samúð og samvinnu
meðal íslendinga austan hafs og
vestan.“
Nægilega hefir þá lýst verið til-
gangi Þjóðræknisfélagsins, og í
anda hinnar þríþættu stefnuskrár
þess, hefir starf þess verið unnið nú
í hálfan fimmta áratug. Segja má
einnig, að á starfsemi þess séu þrjár
hliðar, sú hliðin, sem snýr að oss
íslendingum innbyrðis hér í álfu,
sú hliðin, sem snýr að íslandi, og sú
hliðin, sem snýr að erlendum mönn-
um og þjóðum. En þessar megin-
kvíslir félagsstarfsins falla óhjá-
kvæmilega með ýmsum hætti í sama
farveg.
Þegar rennt er sjónum yfir farinn
yeg félagsins, mun eigi annað verða
pieð sanni sagt, en að stofnendur
þess hafi lagt traustan grundvöll að
starfsemi þess. Ber þeim því heiður
og þökk vor hinna, er leitazt höfum
,við að fylgja þeim í spor. Það yrði
pf langt mál, ef telja ætti upp þá
hina mörgu, karla og konur, sem
þlut áttu að stofnun félagsins, en
allmargra þeirra er getið í framan-
nefndum ritgerðum í tilefni af 20
ára og 25 ára afmælum félagsins.
Hér verða aðeins taldir eftirfarandi
stofnendur, er jafnframt voru fyrstu
embættismenn félagsins, en það
yoru:
Forseti: Séra Rögnvaldur Péturs-
son
Vara-forseti: Jón J. Bíldfell
Ritari: Dr. Sigurður Júl. Jó-
hannesson
Vara-ritari: Ásgeir I. Blöndahl
Gjaldkeri: Ásmundur P. Jóhanns-
son
Vara-gjaldkeri: Séra Albert E.
Kristjánsson
Fjármálaritari: S. D. B. Stephans-
son
Vara-fjármálaritari: Stefán Ein-
arsson
Skjalavörður: Sigurbjörn Sigur-
jónsson
Yfirskoðunarmenn reikinga:
Einar P. Jónsson og Hannes Péturs-
son.