Tímarit Þjóðræknisfélags Íslendinga - 01.01.1963, Blaðsíða 66

48
TÍMARIT ÞJÓÐRÆKNISFÉLAGS ÍSLENDINGA
settu ráði. Þegar þú hefir gengið
frá þessu, sem þú getur, sendu það
á safn heim, t.d. dr. Guðmundi Finn-
bogasyni, með þeim fyrirmælum
sem Iþér sýnist, t.d. að engum sé
opið né lesið í vissan árafjölda,
(sumt eða allt) nema ritverði, og sé
hann svo sjálfráður að stinga undir
stól, ef eitthvað að hans dómi sé um
skör fram sagt og óverðskuldað, eður
of ómerkilegt til geymslu. Ég er nú
bara að brjóta upp á þessu, þér til
hugleiðingar, en ekki sem nein
„álög“. Engar eru fréttir, nema örðug
tíð og aðstæður manna, þó allt skrölti
sjálfsagt af á endanum, eins og vant
er.
Já, ég vildi þú værir meira nær-
lendis. Ég gæti t.d. léð þér nokkrar
nýjar ágætisbækur að heiman, sem
þú hefir kannske ekki séð enn, og
lítið verður líkl. hér getið, því okkur
skortir menn sem hafa máttinn til
þess.
Sjálfur er ég ekki vel hraustur.
Líkl. með „árar í bát“, að því er
iðjusemi snertir. Settist inn frá
vana-verkum litlu fyrir jól, og hefi
ekki annað aðhafzt en hirða um
eldstæði og eldivið og skrifa kunn-
ingjum mörgum, sem ég skuldaði
það.
Með kærri kveðju okkar.
Þinn fornfélagi —
Stephan.
Bréf frá Stephani G. Síephanssyni
til Thorsiínu Jackson
13-3-1927. Box 76.
Markerville,
Alberta, Can.
Miss Th. Jackson,
531 W. 127 Street, New York.
Góða vina — Þökk fyrir bréf, æði-
löngu ritað en nýkomið. Fyrirgefðu
blýið. Ég er enn illa pennafær. Hefi
laka fótaferð, haltur og hálf-hand-
arvana og reikull í gangi — hægra
megin meira, eins og minn kvilli
hagar því. En þó, ég hefi setið í stól
stund á dag nú í viku — 'Verra var
það.
Mínir meðhjálparar hér seldu
bók þína uppá $94.50 alls. Ögn
hjálpaði ég og Rósa dóttir mín til.
Ekkert tókum við í sölulaun. Send-
um Hall allt sem áskotnaðist. Gerð-
um það ekki illa eftir ástæðum.
Byggð íslendinga hér fámenn og
strjál. Hér eiga þökk skilið sveit-
ungar mínir, góðir drengir, Jón
Sveinsson að Markerville og Ófeig-
ur Sigurðsson R.R. No. I, Red Deer,
Alta.
Þakka þér velvild þína til okkar
viðvíkjandi myndum þínum, en ó-
fært er það kostnaðar vegna, hér
er svo langt undan landi, nema svo
bæri til að þú kæmir vestur á
Kyrrahafsströnd. Það er þá ekki
kostnaðarsamur krókur.
Vinsamlega,
Stephan G.
27-3-1927. Box 76.
Markerville, Alberta, Canada.
Vinkona góð.
Þökk fyrir bréfið þitt frá 20. þ.m.
og hitt ekki síður, hversu margir,
ótrúlega margir, það eru, sem hugsa
hlýtt til mín nú orðið og næstum
ótilunnið af mér. Eflaust ætti það
að verða mér að heilsubót, svo inni-
lega sem þess er óskað af ýmsum.
Bréfin bera þess vitni nú.
Þó er hitt aðalerindið mitt, að
þakka þér, að þú skrifaðir „verka-
mönnunum“ okkar góðu hér, Jóni