Vikan - 14.11.1991, Blaðsíða 38

FLATKÖKUR
2 kg hveiti (og um 200 g til við-
bótar til að fletja út á)
1,2-1,51 soðið vatn
4 tsk salt
2 tsk matarsódi
Vatnið er soðið og látið síðan
kólna lítið eitt. Næstum allt
hveitið er sett í skál (hrærivél
ef hún er notuð), aðeins skilið
eftir af því til að hnoða upp í.
Saltið er því næst sett saman
við. Þrem fjórðu hlutum vatns-
ins bætt út í og hrært vel með
sleif eða hnoðaranum á hræri-
vélinni. Matarsódinn er leystur
upp í dálitlu vatni og síðan
hellt saman við deigið. Vatni er
bætt í ef þarf en deigið á að
vera þétt - og það er nokkuð
þétt í fyrstu. Deigið er sett á
borð og hnoðað aðeins betur.
Það er síðan flatt út og sett vel
af hveiti með. Kökurnar eru
stungnar út undan diski og
bakaðar á vel heitri plötu stutta
stund báðum megin. Gott er
að nota diskaþurrku til að
halda við kökurnar og borðhníf
til að taka þær upp með. Flat-
kökur má frysta en gæta verð-
ur þess að setja bréf eöa ál-
pappír á milli þeirra.
J