Bændablaðið - 11.12.2001, Blaðsíða 17

Þridjudagur 11. desember 2001
BÆNDABLAÐIÐ
17
FrétHr frá Landssam-
tökum sauðfjárbænda
Landssamtök sauðfjárbænda
hafa sent bréf til nefndar sem vinnur
að reglugerð um merkingar búfjár.
LS. vill benda á mikilvægi
samþættingar þessarar reglugerðar
við gæðastýringu í sauðfjárrækt
sem nú er í undirbúningi og við
þær skráningar sem fram fara í
forðagæsluskýrslum og kynbóta-
skýrslum á vegum Bænda-
samtakanna. Hafin er vinna við
gerð nýs forrits til skýrsluhalds í
sauðfjárrækt í stað núverandi
Fjárvíss, og mun það fela í sér
hluta þeirra skráninga sem krafist
er i gæðastýrðri sauðfjárrækt auk
núverandi kynbótaskýrsluhalds.
Leggur því LS. til að ffekari vinnu
við frágang reglugerðarinnar verði
ffestað þar til fyrirkomulag
gæðastýringar verður fiillmótað og
áskilur LS. sér rétt til að korna að
endurskoðun þessarar reglugerðar
áður en að útgáfú hennar kemur.
LS. hefúr verið bent á að mis-
brestur sé á að þeir sem seldu full-
virðisrétt á síðasta ári séu einungis
með 10 kindur. Hefur Fram-
kvæmdanefnd búvörusamnings
verið sent erindi um að krefjast
talningar hjá þessum aðilum.
Staða sölu og markaðsmála er
mun betri en menn þorðu að vona,
en miðað við tölur í lok október
var búið að selja tæp 7.200 tonn
miðað við 12 mánaða tímabil, frá
október talið. Salan á árinu er því
1,4% í plús miðað við sama tíma-
bil og í fyrra sem var gott ár.
Útflutningur á kindakjöti veldur
mönnum töluverður áhyggjum þar
sem mikið er óútflutt bæði frá
fyrra ári og nú í ár og er ljóst að
sláturfé hefur vantað í sum þeirra
sláturhúsa nú í haust sem hafa
útflutningsleyfi og mun það hafa
slæm áhrif á útflutningsmál.
Til athugunar kemur hvort ekki
sé rétt að kanna hvort bændur gætu
sjálfir flokkað ullina sína í tvo
flokka, gott og vont, og fengið þá
eitthvað hærra verð þar sem mats-
kostnaður lækki. Hinir sem ekki
treystu sér til þess gætu fengið
hefðbundið mat. Undirritaður hef-
ur verið samningur á milli LS., BÍ
og ístex um ullarviðskipti. Ullar-
verð til bænda verður óbreytt ffá
fyrra ári.
Staða sauðfjárræktarinnar innan
Bjargráðasjóðs er góð en hún á
inni í í Búnaðardeild sjóðsins um
21.7 milljónirsem erca. 1,5 sinnum
ársgreiðsla sauðQárræktarinnar í
sjóðinn. Leggur LS. til að tekið
veröi tillit til jöfnunargreiðslu við
verðlag á bótafjárhæðum vegná af-
urðatjóns í framtíðinni. Lagt var til
að á næsta búnaðarþingi yrði tekin
til skoðunar innheimta á búnaðar-
gjaldi, þar á meðal framlag í
bjargráðasjóð.
Kjötframleiðendur ehf. héldu
aðalfund fyrir skömmu. Hagnaður
varð af rekstri félagsins upp á 8,2
miljónir og mun því fyrirtækið
greiða arð til LS þar sem LS er
hluthafi í Kjötframleiðendum ehf.
Aðalverkefni síðasta árs var að
slátra hrossum og flytja út til
Ítalíu.
Özur Lárusson,
framkvœmdastjóri Landssamtaka
sauðfjárbœnda
Tilkynningar um
breytingar á handhöfum
greiðslumarks og
aðilaskipti að
greiðslumarki
Vegna þess hve fáir virkir dagar eru í kringum hátíðir í
desember þurfa tilkynningar um breytingar á handhöfum
greiðslumarks og aðilaskipti að greiðslumarki, sem
afgreiða á miðað við 1. janúar, að hafa borist félagssviði
Bændasamtaka Islands í síðasta lagi 14. desember.
G.SKAPTASON S CO
Tunguháls 5 • sími 577 2770