Bændablaðið - 11.12.2001, Blaðsíða 8
8
BÆNDABLAÐIÐ
Þriðjudagur 11. desember 2001
Ráðstefna Ferðabiónustu bænda og_ Hólaskóla:
Samstarf ag samvinna - lykill að sákn
Ferðaþjónusta bænda og Hólaskóli gengust fyrir ráðstefnu um
ferðamál fimmtudaginn 22. nóvember síðastliðinn. Þarna voru
mœttir ferðaþjónustubœndur víðsvegar af landinu ásamt
fulltrúum frá ferðamálabraut Hólaskóla, sem er nýjung á sviði
menntunar fyrir ferðaþjónustu, en brautin býður upp á sérhœft
nám Jfýrir ferðaþjónustu í dreifbýli. Ráðstefnan bar
yfirskriftina ,,Samstarf og samvinna - lykill að sókn á nýrri
öld." Það kom greinilega fram í rœðum manna að það sem
bændur í ferðaþjónustu vilja leggja höfuðáherslu á er að
vinna að því að lengja ferðamannatímabilið í báða enda, að
vori og hausti. Bent var á margar leiðir til að ná þessu marki
og var þá bœði átt við erlenda ferðamenn og ekki síður að fá
fólk af höfuðborgarsvœðinu til að ferðast um landiðyfir
veturinn. Þá var lögð mikil áhersla á nauðsyn samvinnu og
samstarfs fólks í Ferðaþjónustu bœnda. Hér á eftir fara viðtöl
við nokkra þátttakendur á ráðstefnunni.
Sævar Skaptason
framkvæmdasyúrí
FeröaWónustu bænda:
Vel heppnuð ráðstefna
bænda í ferðahjónustu
Sævar Skaptason,
framkvæmdastjóri Ferðaþjónustu
bænda, sagði að meginmálefni ráð-
stefnunnar væri samstarf og sam-
vinna milli bænda. Menn telja
mikil tækifæri fólgin í þvi að auka
samstarf og samvinnu þeirra bænda
sem stunda ferðaþjónustu.
„Eg tel það afar mikilvægt að
fólk komi saman á svona ráðstefnu,
ræði málin og skiptist á skoðunum.
Fíér er samankomið fólk alls staðar
að af landinu sem getur miðlað af
reynslu sinni. Fólk í Ferðaþjónustu
bænda er að stilla sig saman fyrir
næsta ár. Það er verið að leggja
grunn að því að taka á umhverfis-
málunum innan greinarinnar. Síðan
var rætt um hugsanlegar breytingar
á flokkunarkerfinu og raunar flest
það sem snertir greinina," sagði
Sævar og lagði - eins og raunar
allir sem rætt var við - mikla
áherslu á samstarf og samvinnu
fólks innan greinarinnar. I því
sambandi var rætt um að efla
svæðisbundið samstarf í ferða-
þjónustu bænda í gæðaþróun og
markaðssetningu og auka fræðslu
varðandi þessi málefni. Markmiðið
sé að gera Ferðaþjónustu bænda að
leiðandi ferðaþjónustu í dreifbýli á
íslandi.
Sævar segir að meðal þess sem
rætt var á ráðstefnunni hefi verið að
bæta samkeppnisstöðuna, auka
samstöðu og samhug á meðal
rekstraraðilanna. Bæta þjónustu við
ferðamenn og fjölga afþreyingar-
möguleikum. Þá var og rætt um
þann möguleika að taka upp sam-
setta ferðapakka, þar sem fléttað er
saman matarmenningu og náttúru-
tengdri afþreyingu.
Varðandi náttúrutengda
afþreyingu var rætt um að merkja
gönguleiðir, gera gönguleiðakort
og afþreyingarslóðir. Þá var einnig
rætt um þörfma á að styrkja ímynd
ferðaþjónustubænda í landinu enn
ffekar. Menn vilja vinna að því að
Ferðaþjónusta bænda verði þekkt
vörumerki fyrir gæði, hvort heldur
er varðar aðstöðu sem ferða-
mönnum er boðin eða þjónustu
sem þeim er veitt. Með því móti
verði greininni sköpuð sterk sam-
keppnistaða.
Golf er meðal þess sem ferðaþjónustubændur bjóða nú ferðamönnum. Það er til dæmis ekki ónýtt að leika golf
hjá feröaþjónustubændunum á Suður-Bár í Grundarfirði, en þarna fer saman holl hreyfing og fagurt umhverfi.
Menningartengd
ferðaþjónusta er
það sem konia skal
Sigurlaug Gissurardóttir,
sem ásamt eiginmanni sínum
stundar mjólkurframleiðsiu
jafnframt því að reka ferða-
þjónustu á Brunnhól í Horna-
flrði, var meðal þátttakenda í
námskeiði á vegum Ferða-
þjónustu hænda og Hólaskóla
sem nefndist Samstarf og sam-
vinna - lvkill að sókn á nýrri öld.
Á námskeiðinu var þátttakendum
skipt niður í hópa eftir svæðum.
Hópunum var síðan falið að
greina vandaniál og drauma síns
svæðis og hvernig efla mætti
ferðaþjónustu innan þess, sent
og fvrir heildarsamtökin.
Sigurlaug greindi frá niður-
stöóum sins hóps og velti upp
fjölmörgum atriðum sem vert væri
að skoða til að efla ferðaþjónustu á
vegum bænda úti um land.
Aðspurð um nýtingartíma
sagði hún að á því væru tvær
hliðar. „Tímabilið frá lokum
september og fram eftir vetri er
mjög alvarlegt mál fyrir þá sem
hafa snúið sér eingöngu að
ferðaþjónustu. Nýtingin er svo
lítil. Þetta er minna vandamál hjá
þeim sem bjóða upp á ferða-
þjónustu en reka hefðbundinn
búskap eða sinna einhverju öðru
með henni. Þeir hafa að fleiru að
hyggja og annan tekjustofn með.
Það liggur í augum uppi að
þeir sem lifa eingöngu á ferða-
þjónustunni verða að auka
nýtinguna," sagði Sigurlaug.
Hún var spurð hvað hún teldi
nýtingartímann þurfa að vera
langan til að dæmið gengi upp hjá
þeim sem eru bara með ferða-
þjónustu.
„Ég held að 6 - 8 mánuðir sé
það allra minnsta. En hvort við
getum lengt ferðamannatímann
upp í það þori ég engu að spá um.
En það á að vera markmið sem við
setjum okkur og vinna síðan að því
hægt og bítandi. Þar þurfa allir að
leggjast á eitt, bæði þeir sem selja
gistingu, þeir sem annast sam-
göngur út á land, þeir sem bjóða
upp á afþreyingu og jreir sem
markaðssetja svæðið. I þessum
hópi má enginn bregðast. Lítum á
samgöngumar. Ef gistingin er opin
og ferðamennimir koma en komast
svo ekki til baka vegna þess að
vegir lokast þá gengur dæmið ekki
upp. Fólk fer ekki út í slíka óvissu
nema einu sinni. Svona má finna
ntörg dæmi. Það verður allt að
spila santan efþetta á að takast hjá
okkur og það verður að líta á þetta
allt sem eina heild og allir að vera
tilbúnir að teygja á til beggja
enda."
"En ert þú bjartsýn á ffamtíð
ferðaþjónustunnar?" "Já, það er ég.
Hún hefur vaxið jafnt og þétt og ég
trúi því að svo muni verða áfram.
Ferðaþjónustan mun í auknum
mæli fara að byggjast á menningar-
tengdri ferðaþjónustu og náttúm-
upplifun hvers konar. Eg tel að
ferðamenn, sem flestir koma úr
hraða stórborganna, fari að setja
þessi atriði ofar á óskalistann en
verið hefur og jafnframt dvelja
lengur á hverjum stað. Ég held að
fólk muni sækja í ríkari mæli út í
náttúmna, á staði sem það velur
sjálft en ekki fyrirfram valda staði
sem því er sagt að fara á. Undir
þetta þurfum við að búa okkur og
skipuleggja ferðaþjónustusvæði með
þetta í huga. Áherslumar þurfa að
færast meira yfir í það smáa og
daglega. Líf og starf í sveitum
landsins að fomu og kannski ekki
síður í nútímanum verður hluti af
upplifun ferðamannsins," segir
Sigurlaug Gissurardóttir.
Hœgt að ferðast
um landið allt árið
Segja má að þeir Stranda-
menn hafi slegið í gegn á þessu
ári við að fá til sín ferðamenn og
munu galdramálin eiga þar
stóran þátt í. Jón Jónsson og
Ester Sigfúsdóttir á Kirkjubóli í
Kirkjubólshreppi á Ströndum
eru ný í ferðaþjónustunni en
ferðaþjónustan á Kirkjubóli var
opnuð í vor er leið. Þar var
útbúið gistihús í öðru af tveimur
íbúðarhúsum á staðnum.
„Það gekk alveg ljómandi vel
hjá okkur í sumar hvaó gistinguna
varóar og má segja að hún hafi
farið fram úr vonum. Við hjónin
höfum einnig veriö að reyna að
þróa þaó sem við köllum
fjölskylduvæna afþreyingu. Við
höfum verið með leikjadaga og
göngu og ijörudaga fyrir böm og
fulloröna og höfum unniö að því
að koma upp leiksvæði við gisti-
húsið. Þá lagfæróum við í sumar
garnalt hús á jörðinni sem hefur
fengið nafnið Vinabær. Þar er
bæði bú og lítið leikhús og í hvom
tveggja eiga bömin að ráða ríkjum.
Það er ætlun okkar að gera vel við
ijölskyldufólk sem er á ferðinni,"
segir Jón.
Hann sagði að þau væru líka að
vinna að því að breyta hluta af
fjörunni við Kirkjuból í útivistar-
svæði. Jón segir að þótt fjörur séu
margar á íslandi sé ekki mikið um
að fólk sé boðið velkomið í þær til
þess að tína sér skeljar eða skoða
rekadrumbana. Strandimar em
frægar fyrir fjörumar þar og þá
ekki síst þann mikla rekavið sem
þar berst upp. Hann segir að það sé
sannarlega margt að skoða í fjöru-
ferð á Ströndum.
„Stóra málið hjá okkur ferða-
bændum er að lengja ferðamanna-
tímabilið bæði vor og haust. Ég vil
að átak verði gert hjá Ferða-
þjónustu bænda í að fá Islendinga
til að átta sig á því að það sé hægt
að fara út í sveit hvenær ársins sem
er. Það er ekki bara á sumrin sem
hægt er að ferðast um landið
heldur líka vetur, vor og haust og
eiga þar góða stund með fjöl-
skyldunni eða góðum hópi," segir
Jón Jónsson ferðabóndi.
Okkar bíður
mikil vinna í markaðsstarfi
Sigrún Valdimarsdóttir, frá
ferðaþjónustunni að Dæli í
Víðidal í V-Húnavatnssýslu,
sagði eins og aðrir þátttakendur
á ráðstefnu Ferðaþjónustu bænda
og Hólaskóla að vandinn sem við
væri að glíma í ferðaþjónustu
bænda væri skortur á ferða-
mönnum utan háannatímans.
Hún sagði þetta vera mál
Etöng lamms é lerðamMraut aö Hólwn
í lok nóvember undirritaði samgönguráðherra
samning við Hólaskóla um eflingu fjarnáms
fcrðamálabrautar skólans. Samningurinn er til
þriggja ára og með tilkomu hans verður
Hólaskóla gert kleift að vinna markvisst að því
að bjóða upp á meginhluta náms ferðamála-
brautar í fjarkennslu við Iok samnings-
tímabilsins. Undanfarin tvö ár hefur verið unnið
að þróun fjarnáms við ferðamálabraut Hólaskóla
og hafa einstök námskeið verið kennd í fjarnámi.
Hafa viöbrögð við fjarnáminu staðfest að mikill
áhugi og þörf er fyrir slíkt nám í ferðaþjónustu,
enda geta nemendur þá samræmt atvinnu og
nám. Um er að ræða árangursríka leið til að
opna möguleika fyrir fólki, sem þegar starfar að
ferðamálum, til aö afia sér sérmenntunar á þessu
sviði. Ferðaþjónusta á íslandi er í afar örum
vexti og mikilvægt að vandað sé til verka en þess
einnig gætt að uppbyggingin sé í samræmi við
getu hvers svæðis til að þróa ferðaþjónustu sem
byggist á ábyrgri nýtingu umhverfislegra,
félagslegra og menningarlegra þátta svæðisins.
Það að auðvelda fólki víða um land til að mennta
sig á sviði ferðamála og ferðaþjónustu er ein af
forsendum þess að auka gæði og framþróun í
greininni.