Fákur - 01.04.1927, Blaðsíða 4

2
F A K U R
Hestamannafélagið Fákur.
Stofnun þess og starfsemi.
]?að hafði leiigi legið í loftinu, að stofna bæri
til félagsskapar á meðal reiðhestaeigenda hér í
bæ, en eins og gerist og gengur, varð að því of
langur drátlur. Vantaði forgöngumenn, eins og'
oft vill verða, þegar ráðast á í eitthvað nýtt.
Tildrögin.
Tildrög að félagsskap Fáks voru þau, að þeir
Ól. Magnússon, A. Rosenberg, Árni Gunnlaugs-
son og Páll Andrésson ræddu um, sín á milli,
að stofna bæri lil félagsskapar meðal reiðhesta-
eigenda hcr, með svipuðu fyrirkomulagi og'
Fákur var síðar stofnaður.
Um þetta leyti ritaði Guðm. Ivr. Guðmunds-
son grein i Visi, og hvetur menn til að bindast
slíkum félagsskap. Vegna þeirrar greinar, og
út af samtali fyr nefndra fjögurra manna, var
það, að Páll Andrésson kom til mín fyrri hluta
marsmánaðar árið 1922 og fór þess á lcit við
mig, að eg beitti mér fyrir félagsstofnun meðal
reiðhestaeigenda.
Hestaeigendur kvaddir til fundar.
Árangurinn af samtali okkar Páls varð sá,
að hinn 29. mars 1922 var kallaður saman fund-
ur með þeim mönnum, sem skrifað höfðu sig
á lista þann, er Páll hafði í því augnamiði borið
út á meðal ýmsra bæjarbúa.
Til að stjórna þeim fundi var Guðm. Kr. Guð-
mundsson kosinn, en Pálmi Jónsson ritari.
Á fundinum var kosin fimm manna nefnd til
þcss að semja frumvarp til laga fyrir hinn
væntanlega félagsskap. Einnig voru kosnir þrír
menn lil þess að velja og gera tillögur um hent-
ugt skeiðvallarstæði. Til þess starfa voru kosn-
ir: A. Rosenberg, Árni Gunnlaugsson og por-
grímur Guðmundsson.
pótt félagið væri eigi að fullu stofnað á þess-
um fundi, var því eigi að síður nafn gefið, og
hlaut það, eins og nú er kunnugt, nafnið: Hesta-
mannafélagið F á le u r.
Næsti fundur var haldinn 18. apríl s. á., og
má kalla hann stofnfund félagsins. þá var les-
ið upp frumvarp til laga fyrir félagið, en ekki
voru lögin þá samþykt, með því að margir af
þeim mönnum, sem ákveðið höfðu að gerast fé-
lagar, mættu þá ekki.
En framhaldsfundur var haldinn 24. s. m., og
voru þá lögin samþykt. — Var þá tala félaga
orðin 24 og mátti það sæmilegt heita; síðan
hefir þeim fjölgað það, að nú telur félag'ið 96
góða og gilda félaga. — Svo að almenningi
gefist kostur á að sjá tilgang félagsins, set eg.
h.r 2. grein félagslaganna:
„Tilgangur félagsins er að efla áhuga og þekk-
ingu á ágæti hesta og hestaíþróttum og stuðla
að réttri og góðri meðferð á þeim.
Tilgangi sínum hygst félagið að ná:
1. Með því að eignast haslaðan skeiðvöll og'
efna þar til kappreiða á ári hverju.
2. Með því að fræða félagsmenn um:
a. Sköpulag hesta og lundarfar.
1). Tamning hesta og rétta meðferð á þeim.
c. Hús, hirðing og fóður.
3. Með þvi að safna saman sögum um afbragðs
hesta og afrek þeirra.
4. Með því að gefa út á prenti fróðleg rit um
hesta og iþróttir þein-a.“
Starfsmanna kosning’.
A þessum fundi fór fram kosning starfs-
manná, og hlutu þessir kosningu: Dan. Daníels-
son, form., Guðm. Ivr. Guðmundsson, ritari, og
Karl A. Torfason, féhirðir. Endurskoðendur
voru kosnir: Pálmi Jónsson og Lúðv. Magnús-
son. — pá var einnig kosin skeiðvallarnefnd.
Kosningu hlutu Einar E. Sæmundsson, .1. Hav-
steen, porgr. Guðmundsson, Sigurður Gíslason
og Páll Andrésson.
Á næsta fundi er félagið hélt, kom skeiðvall-
arnefnd, og þeir þrir menn, sem kosnir voru til
að útsjá hentugt skeiðvallarsvæði með tillögu
um, að skeiðvöllurinn yrði við Elliðaár. — Töldu
það hentugast af nærliggjandi stöðum, sem þeir