blaðið - 06.05.2006, Blaðsíða 4

4 I FRÉTTIR
LAUGARDAGUR 6. MAÍ 2006 blaftió
blaðið—•
Hádegismóum 2,110 Reykjavík
Sími: 510 3700 • www.vbl.is
FRÉTTASÍMI:
S1Q3799
netfang: frettir@ bladid.net
AUGLÝSINGADEILD:
510 3744
netfang: auglysingar@bladid.net
Spennandi að
efla lífið í Viðey
Svandís Svavarsdóttir, leiðtogi
VG í Reykjavík, segist vera frekar
jákvæð gagnvart þeim hugmyndum
að flytja Árbæjarsafn út í Viðey.
„Allar hugmyndir sem að lúta
að því að færa eyjuna nær borginni
eru mjög jákvæðar." Svandís segir
hins vegar að mjög vel þurfi að
huga að því hvað kemur i staðinn
fyrir Árbæjarsafnið ef af þessari
hugmynd verður. „Þetta svæði er
auðvitað hluti af Elliðaárdalnum
sem er mikilvægt útivistarsvæði
fyrir borgarbúa ekki síður en
Heiðmörkin og önnur slík svæði.“
Að sögn Svandísar hefur þeirri
hugmynd verið velt upp innan
VG, að yfir sumartímann verði
skipulagðar bátsferðir um sundin.
,Bátarnir myndu þá stoppa í Graf-
arvogi, Sundahöfn, Reykjavíkur-
höfn, Viðey og hugsanlega á fleiri
stöðum. Þannig yrðu þessar ferðir
hluti af strætisvagnakerfi borgar-
innar og myndu þær auka lífið á
sundunum. Allar hugmyndir um
að efla starfsemina í Viðey hljóma
því spennandi án þess að ég hafi
myndað mér endanlega skoðun á
því hvort að þessi tiltekna leið sé
nákvæmlega sú sem best sé að fara.“
Útlendingar hræddir við
verkalýðshreyfinguna
Stéttarfélög hafa ekki yfirsýn yfir kjör erlendra verkamanna eftir að ný
lög tóku gildi. Þau eiga þó að tryggja að réttur þeirra sé ekki brotinn.
h m m m m _B _ _ _ DlOOIO/jlcinOí I
Perlan tekur a sig vestfirskan blæ
Þeir sem leggja leið sína I Perluna í dag og á morgum geta búist við því að rekast á galdramenn, víkinga, vísindamenn og ferða-
frömuði á vappi. Þar stendur nefnilega yfir sýningin Perlan Vestfirðir en markmið sýningarinnar er að kynna allt það besta sem
Vestfirðir hafa upp á að bjóða.
Verkalýðsfélög standa þegar frammi
fyrir þeim vanda að vita ekki á
hvaða kjörum erlendir starfsmenn
á félagssvæði þeirra vinna, og full-
trúar stéttarfélaganna gagnrýna
nýtt fyrirkomulag á eftirliti með
að erlendir starfsmenn njóti réttra
kjara hér á landi.
Samkvæmt ný samþykktum
lögum um frjálsa för launafólks
geta íbúar þeirra þjóða sem fyrir
fáum árum gengu í Evrópusam-
bandið, svo sem Póllands og Litháen,
komið hingað til lands án þess að fá
útgefin sérstök atvinnuleyfi eins og
áður tíðkaðist. Fyrirtæki sem ráða
einstaklinga frá þessum löndum
þurfa þó að skila ráðningarsamn-
ingum til Vinnumálastofnunar sem
metur hvort laun viðkomandi starfs-
manns séu í samræmi við gildandi
kjarasamninga.
Eins og sagt var frá í Blaðinu í gær
hefur Sigurður Bessason, formaður
Eflingar, miklar efasamdir um
ágæti þessa fyrirkomulags.
Telja sig ekki tilbúna
Vilhjálmur Birgisson, formaður
Verkalýðsfélags Akraness, tekur
undir þessar áhyggjur.
„Þeir hafa ekki þá sérþekkingu
Vilhjálmur Birgisson
sem til þarf. Til að mynda eru fjöl-
margir sérkjarasamningar í gildi á
mínu félagssvæði sem stéttarfélagið
hefur gert við einstök fyrirtæki.
Vinnumálastofun hefur ekki beðið
um þessa samninga og hefur engar
upplýsingar um þá. Starfsmenn
stofnunarinnar geta því ekki metið
hvort ráðningasamningar erlendra
starfsmanna uppfylla lágmarks-
skilyrði þeirra. Samkvæmt þeim
upplýsingum sem ég hef þá munu
aðeins þrír starfsmenn hjá Vinnu-
málastofnun sinna þessu verkefni.
Ég skynja að þessir starfsmenn telja
sig ekki i stakk búna til þess,“ segir
Vilhjálmur.
önnur lögmál sem gilda erlendis
Og þetta er farið að skapa vandamál
nú þegar.
„1 vikunni komu til að mynd átta
Litháar til starfa hjá fyrirtæki hér á
staðnum. Ég frétti af þessum verka-
mönnum fyrir tilviljun. Núna hef ég
enga vitneskju um á hvaða kjörum
þessir menn eru, enda ber fyrirtæk-
inu engin skylda að láta mér þær
upplýsingar í té. Áður hafði ég mun
betri yfirsýn yfir þessi mál.
Það eru ekki til kjarasamningar
á tungmáli þessara manna þannig
að þeir hafa ekki hugmynd um rétt
sinn. Og þó að þeir hefðu einhverja
hugmynd þá bætir á vandann að
þeir eru oftar en ekki hreinlega
hræddir við afskipti verkalýðshreyf-
ingarinnar og leita ekki til hennar. I
þeirra heimalandi gilda allt önnur
lögmál, og til dæmis hafa þeir þá
reynslu að ef leitað er til stéttarfé-
laga er mönnum einfaldlega sagt
upp störfum," segir Vilhjálmur.
Ekki við
stýrið?
Jónas Garðarsson, formaður Sjó-
mannafélags Reykjavíkur, segist
ekld hafa verið við stýrið þegar
skemmtibáturinn Harpa strandaði
á Viðeyjarsundi í september sl. með
þeim afleiðingum að tveir létust.
Lögregla fékk misvísandi upplýs-
ingar frá Neyðarlínunni í byrjun.
Jónas var eigandi bátsins og er
hann ákærður fyrir manndráp og
líleamstjón af gáleysi og fyrir brot
á siglingalögum. Einnig er hann
ákærður fyrir að hafa vanrækt
skyldur sínar sem skipstjóri bátsins
og fyrir að gera ekki viðeigandi
ráðstafanir til neyðarbjörgunar.
Réttarhöld í málinu hófust í gær.
Eiginkona Jónasar sagðist við
vitnaleiðslur ekld geta staðfest
að Jónas hefði verið við stýrið
þegar slysið varð. Skömmu effir
slysið hélt hún hins vegar öðru
fram. Jónas heldur því fram að
annar þeirra sem lést í slysinu
hafi verið við stjórnvölinn.
í gær kom einnig fram að
Neyðarlínunni hafi strax verið
tjáð að maður hefði látist f slysinu
en þær upplýsingar skiluðu sér
ekki til lögreglu. í heila klukku-
stund taldi lögreglan því að ekki
væri um neyðarástand að ræða.
Tap RÚV
fjórfaldast
Ríkisútvarpið var á síðasta ári
rekið með alls rúmlega 196 millj-
óna króna tapi, en árið áður hafði
tapið numið tæpum 50 millj-
ónum króna. Þetta kemur fram
1 uppgjöri stofnunarinnar sem
sent var Kauphöll Islands f gær.
Tekjur RÚV í fyrra námu
rúmum 3,5 milljörðum króna
en árið áður námu þessar tekjur
rúmum 3,4 milljörðum.
1 upphafi ársins var eigið fé rúmar
10 mflljónir króna en var neikvætt
um rúmar 186 milljónir í lok ársins.
„Þó svo að nokkur hækkun hafi
orðið á auglýsinga- og kostunar-
tekjum varð tekjuhækkun ársins
minni en almenn kostnaðarþróun
þar sem ekki fékkst hækkun á
afnotagjaldi á árinu. Þá varð rekst-
urinn þungur á árinu m.a. vegna
liða sem ekki voru áætlaðir og
varúðarafskrifta þeim tengdum.
Á undanfórnum árum hefur Ríkis-
útvarpið tekist á við stöðugan rekstr-
arvanda sem má rekja til minnkandi
rauntekna og skuldbindinga vegna
greiðslna af lífeyrisláni. Þessi rekstr
arvandi hefur ma. leitt til þess að fjár-
festingar hafa orðið minni en skyldi.
Fjárfestingar ársins voru 138,2 m.kr,“
segir meðal annars f uppgjörinu.
Gæða sængur
og heilsukoddar.
Opið virka daga: 10-18, lau: 11-15 Reykjavíle Mórkin 4, s: 533 3500
0 HeiðskírlC- LéttskýjaðÍA Skýjað....Alskyjað J-r-—
Rigning, lítilsháttai
r^gVHIqnlng^Súld Sn|ókomaÍ2C'., Slyddai£i, Snjóél ÉE?» Skúr
iiii/jjlr
Algarve 23
Amsterdam 20
Barcelona 20
Berlin 20
Chicago 07
Dublin 11
Frankfurt 22
Glasgow 16
Hamborg 20
Helsinki 17
Kaupmannahöfn 15
London 18
Madrid 18
Mallorka 19
Montreal 08
New York 15
Orlando 20
Osló 18
París 17
Stokkhólmur 16
Vín 17
Þórshöfn 08
Veðurhorfur í dag kl: 15.00
Veðursíminn 902 0600
Byggt á upplýsingum frá Veðurstofu íslands
Á morgun