blaðið - 06.05.2006, Blaðsíða 6

6IFRÉTTIR
LAUGARDAGUR 6. MAÍ 2006 blaöiö
Allir verðmiðar í Húsgagna lindinni sýna nú verð í evrum. Blalll/SteinarHugl
Allt verð í evrum
AðstandendurHúsgagnalindarinnar
í Kópavogi hafa brugðið á það ráð að
hafa allar verðmerkingar í verslun
sinni í evrum í stað íslenskra króna
eins og augljóslega tíðkast víðast
hvar í verslunum á Islandi.
„Það fór orðið allur tíminn
hjá mér í að breyta verðinu,"
segir Magnús Árnason, eigandi
Húsgagnalindarinnar.
Vörur í búðinni eru í raun sýnis-
horn, en hvert húsgagn er síðan sér-
pantað fyrir viðskiptavini.
„Við erum með lága álagningu og
höfum því ekkert svigrúm til að
jafna út verðsveiflur. Við höfum
heldur ekki ráð á að vera með mann
í fullu starfi við ekkert annað en verð-
útreikninga og verðbreytingar. Það
var því um tvennt að velja hjá okkur
- hækka álagninguna eða hafa verðið
bara í evrum. Við völdum seinni
kostinn," segir Magnús.
Hann segir að nú sé verð á hverju
húsgagni fyrir sig einfaldlega
reiknað út miðað við gengi evrunnar
þegar greiðsla sé innt af hendi.
„Við erum nýbyrjuð á þessu.
Flestir hafa sagt að þetta sé sniðugt
og finnst þetta eðlileg leið. Ég geri
ekki ráð fyrir að við munum breyta
þessu fyrirkomulagi á næstunni,
og í raun vona ég bara að það verði
tekin upp evra hér á landi. Með því
losna ég sjálfkrafa við þetta vanda-
mál,“ segir Magnús.
T O I \/ II M A M
Varöan
veitir þér lægri
yfi rd rátta rvexti
Kynntu þér hvað við getum gert meira fyrir þig á landsbanki.is.
Landsbankinn
Njóttu þess aö vera í Vörðunni
Tæplega fimm þúsund
manns í nefndum
Kostnaður vegna nefnda á vegum ráðuneytanna var einn og hálfur
milljarður á síðasta ári. Þingmaður kallar eftir samræmdum reglum
Jóhanna Sigurðardóttir, þingmaður
Samfylkingar, kallar eftir
samræmdum reglum á milli
ráðuneyta þegar kemur að nefndum
og kostnaði við þær. Hún segir
augljóst að þarna séu sóknarfæri
fyrir ríkið að spara við sig kostnað.
1 svari forsætisráðherra
við fyrirspurn Jóhönnu
um nefndir á vegum
ráðuneytanna kemur
fram að alls eru 4.700
manns í um það
bil 650 nefndum
á vegum
ráðuneytanna.
Síðustu tvö
árin hefur
kostnaður
vegna þessara
n e f n d a
numið 2,2
milljörðum
króna.
Kallará
samæmdar reglur
Jóhanna segir, að
kostnaðurinn við
þessar nefndir virðist
veraofmikillvið fyrstusýn.
„Þetta er þóknunarkostnaður
og einnig aðkeypt vinna tengd
þessum nefndum,” segir hún.
Kostnaðurinn leggur sig á tæplega
2,2 milljarða fyrir árin 2004 og
2005 og segir Jóhanna að sér
virðist eitthvað vera til i því að
nefndir á vegum ráðuneytanna
séu ofnotaðar og að þarna hljóti að
vera hægt að spara. „Þetta er fyrir
utan þann kostnað sem fellur til
vegna aðkeyptrar sérfræðiþjónustu
ráðuneyta og ríkisstofnana sem var
á fimmta milljarð árið 2002 þegar
ég spurðist fyrir um það,“ segir
Jóhanna. „Ég held að það þurfi að
setja samræmdar reglur um þessi
mál. Þarna er augljóslega hægt að
spara fjármuni. Eftir því sem ég
hef heyrt er það mjög misjafnt hvað
er greitt fyrir þessi störf og ég veit
ekki til þess að það séu til einhverjar
samræmdar reglur um það.“
Einkavæðingarnefnd kostaði sitt
Kostnaður við nefndirnar jókst
gríðarlega fyrir árið 2005 og nam
hann tæpum einum og hálfum
milljarði króna. Árið 2004
nam kostnaðurinn hins vegar
rúmum 700 milljónum og skýrist
aukningin fyrst og fremst af
starfi einkavæðingarnefndar en
kostnaður við hana nam 760
milljónum króna. Ef tölurnar
eru skoðaðar nánar
kemur í ljós að mennta-
málaráðuneytið ber
höfuð og herðar yfir
önnur ráðuneyti
þegarkemuraðfjölda
nefndarmanna
en alls sitja 2052 í
nefndum á vegum
þess. Aðspurð
hvort hún munu
taka þetta mál upp
á þingi í framtíðinni
segist Jóhanna ætla
að kynna sér tölurnar
betur og velta því síðan
upp hvort ekki megi
spara meira og hvort ekki
>é tilefni til þess að koma á
samræmdum reglum á milli
ráðuneytanna.
Hagnaður Marel dregst saman
Hagnaður Marel á fyrstu þremur
mánuðum þessa árs nam um 43
milljónum króna samanborið við
246 milljóna króna hagnað á sama
tímabili í fyrra. Þetta gerist þrátt
fyrir að sala félagsins hafi aukist
úr 2,4 milljörðum í 25 milljarða
eða um 8%. Þetta kemur fram í árs-
fjórðungsuppgjöri fyrirtækisins til
Kauphallar Islands í gær.
Þar er haft eftir Herði Arnarsyni,
forstjóra.
„Afkoma ársfjórðungins er slök
sem er í samræmi við það sem til-
kynnt var í tengslum við uppgjör
síðasta árs. Ársfjórðungurinn
einkenndist af tregðu í pöntunum
framan af, erfiðu gengisumhverfi
og því að skipulagsbreytingar
hjá Carnitech voru í hámarki á
tímabilinu."
Þrátt fyrir þetta segir Hörður að
horfur fyrir seinni hluta ársins séu
góðar.
colgurþvottaefni
Betra verð
Kulörtvátt
Washing powder colour
Kastró er
moldríkur
Fídel Kastró Kúbuleiðtogi
er maður vellauðugur þó
svo hann haldi jafnan öðru
fram.Að minnstakosti
er þetta fullyrt í nýjasta
hefti Forbes-tímaritsins.
Tímaritið birtir reglulega
lista yfir ríkustu menn í heimi
og það er einnig gert varðandi
þjóðarleiðtoga. Á nýjasta lista
um hina síðarnefndu er Kastró
í sjöunda sæti. Hann er talinn
eiga 900 milljónir dollara
eða 64.836 milljónir íslenskra
króna. Tímaritið fullyrðir að
yfir þennan auð hafi Kúbuleið-
toginn komist með ýmsum
hætti. Sjálfur hefur Kastró
jafnan haldið því fram að
hann sé ekki auðugur maður
enda sæmi slíkt ekki bylting-
arhetju og alþýðuleiðtoga.