blaðið - 14.09.2006, Blaðsíða 2

2 FIMMTUDAGUR 14. SEPTEMBER 2006
blaðið
VEÐRIÐ I DAG
ÁMORGUN
VÍÐA UM HEIM
24 Glasgow
27 Hambórg
23 Helsinki
24 Kaupmannahöfn
14 London
15 Madrid
26 Montreal
15 New York
24 Orlando
18 Osló
20 Palma
17 París
w Stokkhólmur
14 Þórshöfn
Skýjaö og vindasamt
Austlæg átt 5 til 13 metrar á sekúndu,
hvassast allra syðst. Skýjað með köflum
eða bjartviðri og stöku skúrir suðvestan-
og vestanlands. Dálítil rigning suðaustan-
og austanlands. Hiti 9 til 15 stig.
Algarve
Amsterdam
Barcelona
Berlín
Chicago
Dublin
Frankfurt
Rigning sunnantil
Austlæg átt og 8 til 13 metrar á
sekúndu. Rigning sunnan- og
vestanlands en að mestu þurrt
norðaustantil. Hiti verður á
bilinu 4 til 10 stig. -
Farandverkamenn:
Til Noregs
og íslands
Erlendir farandverkamenn
frá Póllandi og Eystrasaltsríkj-
unum sækja í auknum mæli til
Norðurlandanna og þá helst til
Islands og Noregs. Þetta kemur
fram í nýrri norrænni skýrslu
um atvinnumarkað á Norðu-
löndum í kjölfar stækkunar Evr-
ópusambandsins til austurs.
Samkvæmt skýrslunni hefur
straumur erlendra verkamanna
til íslands og Noregs aukist
gríðarlega á undanförnum
tveimur áruin en á sama tíma
hefur þeim fækkað sem fara til
Svíþjóðar ogFinnlands.
Telja skýrsluhöfundar aukn-
inguna vera.-umfram það sem
talist gæti eðlilegt streymi og
það kalli á auknar reglugerðir
og eftirlit. Þeir benda þó á að í
flestum tilvikum hafi þessir er-
lendu verkamenn hjálpað til við
að viðhalda hagvexti í löndum
þar sem skortur er á vinnuafli
nú þegar.
Bandaríkjaher:
Rannsaka
fjölmiðlaleka
Talsmaður Bandaríkjahers
lýsti því yfir í gær að rannsókn
væri hafin á því hvernig stæði
á því að mynd sem var tekin úr
njósnaflugvél og sýndi fjölda
talibana í jarðarför í Afganistan
hafi borist til fjölmiðla.
Starfsmenn bandarísku sjón-
varpsstöðvarinnar NBC fengu
myndina í hendur og fullyrtu
að hermenn hafi viljað skjóta
eldflaug að mannsöfnuðinum í
jarðarförinni en hafi verið stöðv-
aðir afvegna þess að bardaga-
reglur banna árásir á helga reiti.
Talsmaður NATO-heraflans í
Afganistan neitaði að tjá sig við
fjölmiðla um málið.
Umferðarlagabrot:
Próflaus á
rúntinum
Maður var stöðvaður þegar
hann ók bíl réttindalaus en
farþeginn sem átti bílinn var ölv-
aður. Maðurinn ákvað að gera
kunningjanum greiða og skutla
honum stutta vegalengd. Sam-
kvæmt lögreglu fannst honum
það ekkert tiltökumál. Hann á
sekt yfir höfði sér.
Hryðjuverkarannsókn:
Leyniskjöl
fundust á götu
mbl.is Danskur leyniþjónustu-
maður hefur sagt upp störfum
í kjölfar þess að leynilegt plagg
um aðgerðir leyniþjónustunnar
gegn meintum hryðjuverka-
mönnum í landinu fannst úti á
götu. Er þetta í annað sinn sem
leyniplagg um aðgerðirnar í
síðustu viku finnst á almanna-
færi. í skjalinu er greint í smáat-
riðum frá aðgerðum leyniþjón-
ustunnar í Óðinsvéum.
Hvalfjarðargöng:
Ryknemar
gegn svifryki
Tveir ryknemar hafa verið
settir upp í Hvalfjarðargöng-
unum samkvæmt fréttavefnum
Skessuhorn.is. Mælunum er
ætlað að mæla svifryksmengun
í göngunum og ræsa loftræsiblás-
ara ef mengun fer yfir ákveðið
hámark.
Milljónatjón vegna ítrekaðra árekstra á hæðarslá:
Þurfa að vakta
öryggisbúnaðinn
■ Keyrt á brúna sextíu sinnum ■ Securitas vaktaði brúna
Eftir Val Grettisson
valur@bladid.net
Við erum ekki búnir að taka það
saman en skaðinn hleypur á millj-
ónum,“ segir Hilmir Sigurðsson,
yfirverkstjóri hjá Jarðvélum, sem
er að reisa brúna við gatnamót
Suðurlands- og Vesturlandsvegar
en í sumar er ítrekað búið að aka á
hæðarslár við brúna. Eitt sinn var
ekið á uppslátt en skaðinn vegna
þess nemur tæpri milljón. Að sögn
Hilmis er ástandið orðið svo slæmt
að þeir hafa þurft að láta Securitas
vakta brúna.
„Síðan við byrjuðum í júlí er búið
að aka fimmtíu til sextíu sinnum á
brúna,“ segir Hilmir en í hvert sinn
sem ekið er á slána kostar það um
hundrað þúsund krónur. I öllum til-
vikum er um flutningabíla að ræða
en þeir eiga að fara niður hjá hring-
torgi og keyra framhjá Vogi. Sumir
ökumenn taka þó áhættuna..
„Þegar ekið var á uppsláttinn
stakk ökumaðurinn af,“ segir
Hilmir en í kjölfarið setti lögreglan
upp myndavél til þess að ná númeri
níðinganna.
Á þriðjudaginn síðasta var ekið
þrisvar sinnum á hæðarslána og
það bendir til þess að flutningabíl-
stjórar séu orðnir varkárari.
„Það væri nú talsvert betra að nota
mannskapinn í eitthvað annað en
við erum meira eða minna bara
með þrjá menn við setja hana aftur
upp,“ segir Hilmir sem er orðinn
langþreyttur á ástandinu.
Hann segir að þegar búið verði að
steypa brúna þá geti tjónið hlaupið
á tugum milljóna.
Sláin er hugsuð sem öryggistæki
að sögn Hilmis og menn eiga að
gæta sín þegar þeir koma að henni
í stað þess að láta vaða. Til þess að
finna hæð ökutækis er hægt að mæla
hornrétt frá yfirborði vegar að þeim
hluta þess sem hæst stendur. Myndi
það spara ökumönnum og brúar-
smiðum allverulegar fjárhæðir.
Umferðarlögreglumenn eru
orðnir talsvert þreyttir á þessari
endurtekningu og biður bílstjóra að
huga að hæðinni. Lögreglan biður
bílstjóra að beygja frekar niður hjá
Vogi til þess að forðast skaðann.
Á föstudagsnótt mun brúin verða
steypt og vill Iögregla því beina
þeim tilmælum til fólks að fara
neðri leiðina. Brúin verður steypt
frá miðnætti til klukkan eitt á
laugardaginn.
Ekið á hæðarslá
Tjón vegna hæðarslár
og uppsláttar sem ekið
er á nemur milljónum
V I * 887
HPI SAVAGE 3,5 , STERKUR OG
ÖFLUGUR 4X4 FJARSTÝROUR TOR-
FÆRUTRUKKUR Á HAGST4EOU VEROI
Héraðsdómur Reykjavíkur:
Ungir síbrotamenn dæmdir
Þrír menn á nítjánda og tuttug-
asta aldursári voru í gær dæmdir
til allt að þriggja ára fangelsisrefs-
ingar í Héraðsdómi Reykjavíkur
fyrir margvísleg brot. Voru menn-
irnir meðal annars fundnir sekir
um ítrekuð umferðarlagabrot, ólög-
legan innflutning á fíkniefnum,
þjófnað og eignaspjöll svo fátt eitt
sé nefnt. Þá var þeim gert að greiða
samanlagt yfir 1,5 milljón króna í
sakarkostnað.
Þótt ungir séu að árum eiga menn-
irnir að baki sér langan afbrotaferil
og hafa þeir allir hlotið dóm áður
vegna brota á lögum um ávana- og
fíkniefni.
Þyngsta refsingin í gær hljóðaði
upp á 3 ára fangelsisvist en auk
þess var sakborningur sviptur öku-
réttindum í 17 mánuði og gert að
greiða nærri 800 þúsund krónur 1
sakarkostnað. Þá var einn dæmdur
til tveggja ára fangelsisvistar og
sá þriðji í 18 mánaða fangelsi. í síð-
astgreinda tilvikinu taldi dómari
að ungur aldur sakbornings væri
honum til málsbóta sem og að hann
hafi sýnt samstarfsvilja við rann-
sókn málsins.