blaðið - 08.12.2006, Blaðsíða 8

Förðunarspegillinn
sem stækkar fimmfalt
8 FÖSTUDAGUR 8. DESEMBER 2006
blaAiö
BANDARÍKIN _
UTAN ÚR HEIMI
Minnesota heilsusamlegast
[ nýlegri rannsókn United Health-stofnunarinnar
kemur í Ijós að Minnesota er heilsusamlegasta ríki
Bandaríkjanna. Vermont og New Hampshire fylgja
fast á eftir, en Louisiana nýtur þess vafasama heið-
urs að skipa neðsta sæti á listanum.
Opna á umferð frá Kýpur
Tyrkir hafa ákveðið að opna eina höfn og flugvelli fyrir umferð frá
gríska hluta Kýpur til að létta af einangrun tyrkneska hluta eyjar-
innar. Evrópusambandið hafði sett það sem skilyrði í aðildarvið-
ræðum við Tyrki, en Tyrkir hafa verið tregir til að uppfylla skilyrðið.
Yfirlýsingin markar því viss tímamót.
Sigurboginn, Laugavegi 80
Síini: 561-1340, www.sigurboginn.is
Jón Reynir Hilmarsson er ósáttur við
aksturslag vagnstjórans á sinni leið
Segir hann keyra of hratt og jafnvel ekki
virða umferðarljós
Farþegi ósáttur við glæfraakstur strætóbílstjóra:
í farsímanum á
ólöglegum hraða
■ Stórhættulegur maöur ■ Tifandi tímasprengja ■ Hefur kvartaö ítrekað
Eftir Höskuld Kára Schram
hoskuldur@bladid.net
Strætisvagnafarþegi hefur ítrekað
kvartað við Strætó bs. yfir glæfra-
legu aksturslagi vagnstjóra sem
hann líkir við tifandi tímasprengju.
Að sögn farþegans keyrir vagnstjór-
inn nánast undantekningarlaust
yfir hámarkshraða og talar jafnvel
í farsíma meðan á akstri stendur.
Kvartanir hafa hingað til ekki skilað
neinum árangri. Framkvæmda-
stjóri Strætó bs. segir fyrirtækið
taka allar kvartanir alvarlega.
Mikil slysahætta
„Ég er búinn að kvarta sex
sinnum út af þessum bílstjóra og
tel að það sé tímaspursmál hvenær
hann veldur slysi,“ segir Jón Reynir
Hilmarsson, viðskiptavinur Strætó
bs. Nú síðast hafði hann samband
við lögreglu þegar honum of-
bauð aksturinn. „Þessi maður er
stórhættulegur.“
Jón tekur daglega strætisvagn
í vinnuna og segist margítrekað
hafa orðið vitni að glæfralegum
„Sinnum öllum
kvörtunum.“
Ásgeir Eiríksson,
framkvæmdastjóri
Strætó bs.
akstri bílstjórans á sinni leið.
Hann segir farþega stundum hafa
beinlínis verið í hættu vegna ofsa-
aksturs og ónærgætni vagnstjór-
ans. „Hann keyrir ekki bara hratt
heldur hemlar venjulega ekki fyrr
en hann er alveg kominn að stræt-
óskýlinu. Farþegarhafa verið nærri
því að fljúga úr sætunum sínum og
slasast.“
Að sögn Jóns keyrir vagnstjórinn
venjulega um ío til 20 kílómetrum
hraðar en hámarkshraði leyfir og
jafnvel yfir á rauðu ljósi.
Þá segir Jón steininn hafa endan-
lega tekið úr þegar umræddur vagn-
stjóri byrjaði að tala í farsíma án
handfrjáls búnaðar í miðjum akstri.
Svo upptekinn hafi maðurinn verið
í símanum að hann missti af biðstöð
og þurfti að hleypa Jóni út úr vagn-
inum á miðjum vegi. „Hingað til
hefur ekkert mark verið tekið á kvört-
unum mínum og manni er spurn
hvort Strætó bs. sé annt um farþega
sína. Þetta eiga að heita atvinnubíl-
stjórar og það á ekki að vera mitt verk
að aga þessa vagnstjóra."
Sinna öllum kvörtunum
Ásgeir Eiríksson, framkvæmda-
stjóri Strætó bs., segir fyrirtækið
taka allar kvartanir frá viðskipta-
vinum alvarlega. Hann segist þó
ekki vilja tjá sig um einstök tilfelli.
„Við sinnum öllum kvörtunum sem
berast. Tölum við viðkomandi vagn-
stjóra og förum yfir málið frá hans
hlið. Síðan leggjum við áherslu á að
menn bæti ráð sitt.“
Að sögn Ásgeirs er vagnstjórum
bannað að tala í farsíma og reynt
sé að fylgjast með því að þeir fari
eftir settum reglum. Hann segir
fyrirtækið ennfremur taka vel
öllum ábendingum sem geti leitt til
bættari þjónustu. „Við viljum hafa
þjónustuna í lagi og ein leiðin til að
bæta sig er að farþegar láti okkur
vita þegar eitthvað er í ólagi.“
Alþjóðsamningar ekki fullgiltir:
Stjórnvöld í afneitun
Stjórnvöld hafa hvorki fullgilt
Palermo-samning Sameinuðu þjóð-
anna um aðgerðir gegn mansali,
sem undirritaður var fyrir sex árum,
né lagt fram áætlun um aðgerðir til
að stemma stigu við mansali líkt og
stjórnvöld höfðu skuldbundið sig til
að gera á síðasta ári.
Kolbrún Halldórsdóttir, þing-
maður Vinstri grænna, undrast
aðgerðaleysi stjórnvalda í þessum
málaflokki. „Maður fer að spyrja
sig hvort það sé eitthvað við ís-
lensk stjórnvöld, hvort þau séu í
einhverri afneitun gagnvart því
að þetta vandamál sé til staðar á Is-
landi.“ Hún segir að hin norrænu
ríkin sem samþykktu gerð aðgerða-
Mansal á íslandi Ekki lengurhægt
að afneita þeim vanda.
áætlana hafi ekki dregið fæturna
líkt og stjórnvöld hérlendis. Danir
séu þegar komnir fram með aðra
aðgerðaáætlun.
Ragna Árnadóttir, skrifstofu-
stjóri dóms- og kirkjumálaráðuney t-
isins, segir aðgerðir mikilvægari en
áætlanir. „Við höfum frá 2003 sér-
stakt ákvæði í hegningarlögum um
mansal. Landamæragæsla hefur
verið hert sem er mjög mikilvægur
þáttur í baráttunni gegn mansali.
Síðan var gerð breyting á lögreglu-
lögunum sem tekur gildi 1. janúar
og þar er sett á fót greiningardeild
þar sem lögð er áhersla á það að
greina hættuna á alvarlegri glæpa-
starfsemi. Mansal er þar á meðal."