blaðið - 01.09.2007, Blaðsíða 2
2
FRÉTTIR
LAUGARDAGUR 1. SEPTEMBER 2007
blaöió
Icelandair Group
Finnur selur og
hættir í stjórn
FS-7, félag í
eiguFinns Ingólfs-
sonar, stjórnarfor-
manns Icelandair
Group, seldi í gær
15,5 prósenta hlut
sinn í félaginu. í
tilkynningu til
Kauphallarinnar
kom fram að
fjárfestingarfélagið Máttur hefði
keypt hlut í Icelandair, en Einar
Sveinsson er stjórnarmaður í
Mætti og Icelandair. í framhaldi
af viðskiptunum læturFinnur af
stjórnarformennsku. Meðalgengi
viðskiptanna var 31,5 á hvern hlut.
Finnur segir að framundan hjá
sér séu fjölmörg verkefni á sviði
fjárfestinga og sum þeirra afar
spennandi. „Ég kveð félagið með
þakklæti í huga og horfi spenntur
til nýrra verkefna.“ Hann segir að
hið góða verð sem boðið var end-
urspegli betur en nokkuð annað
hversu eftirsóknarverður fjárfest-
ingarkostur Icelandair Group sé
orðinn. aí
Finnur
Ingólfsson
Ráðherra vill leysa deiluna um kostnað við tónlistarskóla með lögum
Ríkið borgi framhaldsnám
Þorgerður Katrín Gunnarsdóttir
menntamálaráðherra hyggst leggja
fram frumvarp að lögum um tón-
listarskóla á næsta þingi. Ráðherra
tilkynnti þetta í ræðu sinni á fundi
Samtaka skólastjóra tónlistarskóla
á Bifröst í gær.
Verði frumvarpið að lögum munu
sveitarfélög annast kennslukostnað
vegna tónlistarfræðslu á grunn- og
miðstigi, en ríkið mun áfram annast
kostnað á framhaldsstigi með sam-
bærilegum hætti og er í almenna
skólakerfinu. Með þessu vonast
ráðherra til að leysa þann hnút sem
verið hefur í samskiptum ríkis og
sveitarfélaga á undanförnum árum
vegna deilna um greiðslu kostnaðar
við listmenntun.
Má samreka tónlistarskóla
í máli Þorgerðar Katrínar kom
einnig fram að heildarendurskoðun
á grunnskólalögum sé lokið og
hefur nefnd skilað drögum að frum-
varpi. Það gefur sveitarfélögum
meðal annars heimild til samrekst-
urs leikskóla, grunnskóla og tónlist-
arskóla. Mörg sveitarfélög, einkum
þau minni, hafa lengi þrýst á um
slíkan samrekstur. Það hefur ekki
fengist þar sem óheimilt er að ráða
einn stjórnanda yfir slíkri stofnun.
magnus@bladid.net
Menntamálaráðherra Þorgerður Katrín
ætlar að ráðast í heildarúttekt á kennslu í
listgreinum í grunn- og framhaldsskólum.
Átti símafund með Livni
Ingibjörg Sólrún Gísladóttir utanríkisráðherra átti fyrr í vikunni síma-
fund með Tzipi Livni, utanríkisráðherra ísraels. Þær starfssysturnar
hittust á löngum fundi í ferð Ingibjargar til Mið-Austurlanda í júlí
síðastliðnum.
Að sögn Kristrúnar Heimisdóttur, aðstoðarmanns utanríkisráðherra,
var símafundurinn liður í samskiptum og samböndum sem komust á
i ferð hennar til ísraels, palestínsku sjálfstjórnarsvæðanna og Jórd-
aníu. Hún segir ennfremur að ráðherra leggi áherslu á símafundi til
að rækta samband við erlenda ráðamenn til að halda ferðalögum í
lágmarki.
Alstuldur
hjá Norðuráli
Starfsmanni hjá Norðuráli hefur
verið vikið tímabundið úr starfi
eftir að hafa verið gripinn við
að reyna að stela hálfu tonni af
áli. Var starfsmaðurinn búinn að
setja framleiðsluafurð fyrirtæk-
isins í bíl sinn þegar komst upp
um hann. Málið er í rannsókn
hjá lögreglunni á Borgarnesi.
Þetta kemur fram á fréttavef
Skessuhornsins.
Farice óvirkur
í nótt
Áætlað er að samband rofni um
FARICE-i-sæstrenginn í um tvo
klukkutíma einhvern tíma á milli
fjögur og sjö í nótt, aðfaranótt
sunnudags. Þetta er vegna vinnu
þjónustuaðila Farice við ljósleið-
arastreng í Skotlandi. Viðskipta-
vinir Farice eru almennt einnig
tengdir um CANTAT-3-sæstreng-
inn, og er því ekki búist við alvar-
legum truflunum á fjarskiptum
vegna þessa rofs.
Sjálfstæðisflokkur
höfuðandstæðingur
Steingrímur J. Sigfússon, for-
maður Vinstri grænna, sagði
Sjálfstæðisflokkinn vera höfuð-
andstæðing Vinstri grænna í
framsöguræðu sinni við upphaf
flokksráðsfundar Vinstri grænna
á Flúðum í gær. Steingrímur
gagnrýndi einnig Samfylkinguna
og sagði það marka tímamót að
Samfylkingin hefði sagt sig frá
því verkefni að vera mótvægi við
Sjálfstæðisflokkinn. Hann sagði
Samfylkinguna bæði hafa skort
úthald og kjark og að Vinstri
grænir séu nú eini flokkurinn
sem geti tekið það verkefni að sér.
Launalaust leyfi
eða hlutastarf
■ Fólkið sem hefur verið sagt upp getur komið aftur til starfa
í apríl 2008 ■ Reiði meðal flugfólks hjá Icelandair
Eftir Hlyn Orra Stefánsson
hlynur@bladid.net
Flugfólki hjá Icelandair verður
boðið að taka launalaust leyfi
eða minnka við sig starfshlutfall
í tilraun til að fækka þeim 64 upp-
sögnum sem ákveðnar hafa verið.
Uppsagnirnar náðu til 25 fastráð-
inna flugmanna og 39 fastráðinna
flugfreyja. Að óbreyttu má búast
við því að einstaklingunum, sem
þegar hefur verið sagt upp, standi
til boða að koma aftur til starfa hjá
flugfélaginu í apríl á næsta ári. Var
þessi ákvörðun tekin á sameigin-
legum fundi Icelandair og stéttarfé-
laga flugfólks á miðvikudag.
Samkvæmt heimildum Blaðsins
er mikil ólga meðal flugfólks hjá
Icelandair vegna uppsagnanna.
Ríkir mikil reiði vegna þeirra og
óttast margir um stöðu sína hjá
flugfélaginu.
Óvíst me ð frekari uppsagnir
Jón Karl Ólafsson, forstjóri Ice-
landair, segir að þetta sé ekki gert
til að koma í veg fyrir frekari upp-
sagnir heldur sé flugfólki vanalega
boðin leið sem þessi þegar kemur
að uppsögnum. Segir hann að fleiri
uppsagnir liggi ekki fyrir sem
stendur en það ráðist af stöðu verk-
efna félagsins.
Sigrún Jónsdóttir, formaður Flug-
freyjufélags íslands, segir að þegar
'WMUHmi
lcelandair Stjórnendur þurfa að
rifa seglin og segja upp tugum
starfsmanna vegna samdráttar I
alþjóðlegu leiguflugi.
ICELANDAIR
► Yfir sumartímann starfa
um það bil 1000 manns hjá
félaginu en um 700 yfir vetr-
artímann.
►
Er með í rekstri samtals
17 Boeing 757 þotur, þar
af þrettán B757-200, eina
B757-300 og þrjár B757-200
fraktþotur. Einnig er félag-
ið með tvær Boeing 767 í
rekstri.
þeim var tilkynnt um uppsagn-
irnar hafi það verið tillaga þeirra
að flugfólki væri boðið að taka
launalaust leyfi eða minnka við sig
starfshlutfall.
Sigrún segist eiga von á því að Ice-
landair haldi opinn fund þar sem
þessi mál verða kynnt og rædd.
Jóhannes Bjarni Guðmundsson,
formaður Félags íslenskra atvinnu-
flugmanna, vildi ekki tjá sig um
málið og sagðist ekki hafa sérstaka
skoðun á því.
► í maí síðastliðnum var flug-
freyjum fækkað um eina
á flugleiðum til Bandaríkj-
anna.
ÞEKKIR ÞÚ TIL?
Hringdu í síma 510 3700 eða
sendu póst á bladid@bladid.net
VEÐRIÐ í DAG
Kólnar
Vestan og síðar norðan 8-13 m/s, en lítið
eitt hvassara syðst og við norðurströndina.
Rigning eða skúrir, einkum fyrir norðan,
en þurrt suðaustanlands. Fer að létta
til sunnan- og vestanlands annað kvöld.
Heldur kólnandi veður.
ÁMORGUN
Næturfrost
Norðan 5-10 m/s, en hægari síðdegis. Bjart-
viðri vestantil á landinu, en annars skýjað
með köflum og skúrir. Hiti 5 til 12 stig,
hlýjast suðvestanlands, en sums staðar
næturfrost.
Noregur
Sakaður
um rasisma
Norskir stjórnmálamenn, sem
hafa látið sig málefni innflytj-
enda varða, saka Svenn Kristi-
ansen, borgarstjóra Óslóar, um
rasisma og segja hann óhæfan
til að gegna stöðu borgarstjóra
vegna ummæla sem hann
hefur látið falla í fortíðinni.
Árið 2002 sagði Kristiansen að
margir múslímar sem hefðu
flust til Noregs væru trúrri ís-
lam en Noregi, og fór fram á að
múslímskir innflytjendur sem
sæktust eftir ríkisborgararétti
myndu sverja Noregi hollustu-
eið. aí
Leiðrétt
Ritstjórn Blaðsins vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
VÍÐA UM HEIM
Algarve 26 Halifax 22 New York 23
Amsterdam 17 Hamborg 16 Nuuk 5
Ankara 36 Helsinki 13 Orlando 25
Barcelona 26 Kaupmannahöfn 16 Osló 14
Berlín 17 London 20 Palma 25
Chicago 24 Madrid 28 París 21
Dublin 18 Mílanó 22 Prag 19
Frankfurt 20 Montreal 15 Stokkhólmur 15
Glasgow 17 Munchen 18 Þórshöfn 10