blaðið - 01.09.2007, Qupperneq 17

blaóió
LAUGARDAGUR 1. SEPTEMBER 2007
17
Óheilbrigð rök
BRÉF TIL BLAÐSINS
Gauti Kristmannsson þýðinga-
fræðingur skrifar
Af fréttum er að skilja að heil-
brigðisráðherra telji að skýringa
á háu lyfjaverði sé meðal annars
að leita í því að við tölum íslensku
hér á landi og höfum þörf fyrir að
fá upplýsingar um jafn hættulega
vöru og lyf á því máli. Fram kom í
samtali við ráðherrann í Blaðinu
30.8. að Færeyingar væru „í mun
betri málum" hvað þetta snerti og í
útvarpsfréttum sama dag að Kýpur-
búar þyrftu ekki að fara að reglum
ESB og hafa fylgiseðla lyfja á sínu
máli og þess vegna sé þetta ódýrara
hjá þeim. Eitthvað er meira en
lítið bogið við þessi rök. Færeyjar
eru enn, eins og menn vita, hluti
af danska ríkinu og „sparnaður-
inn“ felst í því að fylgiseðlar eru á
dönsku. íslendingar losnuðu undan
þessu nýlendusambandi á síðustu
öld og getur sú staða vart verið til
fyrirmyndar núna, eða eigum við
að fá þessar upplýsingar á dönsku
héðan af? Enn annarlegra er að
vísa til Kýpur í þessu efni, ríkis þar
sem menn tala grísku og geta notað
fylgiseðla á því máli, en Grikkland
er eitt af ríkjum ESB eins og kunn-
ugt er.
Ekki er heldur sannfærandi að
heyra að markaðurinn hér sé „lok-
aðri“ vegna tæknilegra hindrana
eins og þeirrar að neytendaupplýs-
ingar séu á íslensku, það er ekkert
sem hindrar menn að láta íslenska
upplýsingarnar með nýjum lyfjum
og kostnaður við hvern slíkan
fylgiseðil er aðeins brot af mark-
aðssetningarkostnaði eins lyfs.
Vissulega kostar það eitthvað eins
og öll önnur vinna að láta þýða eina
eða tvær blaðsíður af sérhæfðum
texta en það er áreiðanlega hægt að
greiða fyrir hann þegar hagnaðar-
tölur lyfjainnflytjenda og lyfsala
eru skoðaðar, en þær eru með því
heilbrigðasta á sviði heilbrigðis-
mála hér á landi. Hin raunverulega
tæknihindrun á íslenskum lyfja-
markaði er ekki íslenska heldur
fákeppni.

Fréttaritarinn og Fákurinn
BRÉF TIL BLAÐSINS
Ásmundur Ólafsson skrifar
Fyrir nokkrum dögum birtist í
Blaðinu sú frétt, höfð eftir félögum
í Harley-Davidson vélhjólaklúbb-
inum, að fyrsta HD-vélhjólið hefði
komið til landsins árið 1940.
Hér skakkar nokkrum árum
því Júlíus Þórðarson á Akranesi
var einn sá fyrsti hér á landi sem
keypti og ók vélhjóli, en það var
mikill glæsifákur af Harley-David-
son gerð og birtist mynd af Júlla
í erlendum blöðum Harley-David-
son-eigenda. Þetta mun hafa verið
á árunum fyrir 1930. Á þeirri mynd
er hann að reyna hjólið inni á Lang-
asandi á Akranesi.
Júlíus var um árabil fréttaritari
bl. á Akranesi og sendi hann grein-
argóðar fréttir af atburðum líðandi
stundar og þá sérstaklega af öllu
því er varðaði atvinnuástand og
horfur á Akranesi. Kryddaði hann
fréttir sínar jafnan með léttum
húmor. Júlíus lést árið 1998 á nítug-
asta aldursári.
Fljótandi parket, plast
parket, gegnheilt parket,
loftaþiljur, innihurðir o.fl.
Aðeins fimmtudag til
§augardags frá kl. 9-18
Eirhöfða 18 30. ágúst
110 Reykjavík tll I . S0pt
V
I
PARKET
&GÓLF