blaðið - 01.09.2007, Blaðsíða 6

6
FRÉTTIR
LAUGARDAGUR 1. SEPTEMBER 2007
blaóiö
Landsnet kaupir flutningsvirki OR
Aukið gagnsæi
og betri yfirsýn
Forstjórar Orkuveitu Reykjavíkur
og Landsnets hf. skrifuðu í gær
undir samning um kaup Landsnets
á flutningsvirkjum í eigu Orkuveit-
unnar. Kaupverðið er 1,3 milljarðar
króna og greiðir Landsnet fyrir
raforkuvirkin í hlutafé og reiðufé.
Samningurinn var undirritaður
með fyrirvara um samþykki hlut-
hafafundar Landsnets.
Forstjórarnir, Guðmundur Þór-
oddsson og Þórður Guðmundsson,
segja að salan skerpi skilin milli
dreifingar og flutnings á raforku.
Gagnsæi á markaðnum mun aukast
og betri yfirsýn fáist yfir kerfið.
Mál olíufélaganna
Matsbeiðnir standa
Héraðsdómur Reykjavíkur verður
ekki við kröfu olíufélaganna Olís,
Skeljungs og Kers um að hafna mats-
beiðnum sem Samkeppniseftirlitið og
íslenska ríkið hafa lagt fram. Olíufé-
lögin hafa krafist þess að felldur verði
úr gildi úrskurður áfrýjunarnefndar
samkeppnismála frá árinu 2004 þar
sem þau voru dæmd til 1,5 milljarða
sektar vegna ólöglegs samráðs.
Matsbeiðnirnar voru lagðar fram
í mars á þessu ári en lögmenn olíufé-
laganna kröfðust þess i júní að þeim
yrði hafnað. Vildu þeir meina að
þær gengju gegn meginreglu réttar-
fars um munnlegan málflutning og
að framsetning þeirra væri óljós og
ekki tæk til mats.
Héraðsdómur fellst ekki á rök ol-
íufélaganna og segir að matsbeiðn-
irnar séu settar skýrlega fram sem
og matsspurningar. Þá verði ekki
séð að beiðni um yfirmatsgerð sé í
andstöðu við ákvæði laga um með-
ferð einkamála. Kröfu olíufélag-
anna var því hafnað og þau dæmd
til að greiða 100 þúsund krónur í
málskostnað. mge
66°Norður
Opna í Köben og Vilníus
Sjóklæðagerðin 66°Norður hefur
opnað tvær nýjar verslanir í Kaup-
mannahöfn og í Vilníus, höfuðborg
Litháens. Vörur frá 66°Norður
eru nú seldar í verslunum í fimm-
tán löndum, bæði í Evrópu og
Bandaríkjunum.
í tilkynningu segir að verslunin í
Kaupmannahöfn sé staðsett í gömlu
sláturhúsi í miðbæ Kaupmanna-
hafnar og að stíllinn á henni sé hrár
og með tilvísun í gamla tímann. aí
Þóru Kristínu sagt upp á Stöð 2
Þóru Kristínu Ásgeirsdóttur, fréttamanni á Stöð 2, hefur verið sagt
upp störfum. Hún sagðist í samtali við mbl.is hafa verið ósátt við
ófaglega ráðningu Steingríms Ólafssonar, fyrrum upplýsingafulltrúa
Halldórs Ásgrímssonar, sem fréttastjóra.
„Ráðning hans leggur trúverðugleika fréttastofunnar í rúst og bendir
til þess að menn kunni ekki að umgangast fréttastofur,” sagði Þóra
Kristín.
Steingrímur vísar þessu á bug og segir pólitík ekki hafa ráðið þegar
Þóru var sagt upp. mbi.is
STUTT
• Viðurkenning Menntamálaráð-
herra afhendir viðurkenningar
til háskóla á mánudag. Afhentar
verða viðurkenningar á fræða-
sviðum verk- og tæknivísinda,
náttúruvísinda og hugvísinda.
• Vörubíll Vörubíll valt á hlið-
ina við Varmaland í Borgar-
firði í gær. Bíllinn valt þegar
hann var að sturta malarfarmi.
Bílstjórinn slapp ómeiddur en
bíllinn er mikið skemmdur..
Er hárið farið að |ráll8 og þynnast?
Þá er Grecian 2000 hárfroðan lausnin!
Þú þværð hárið, þurrkar, berð froðuna í, greiðir og hárið
nær sínum eðlilega lit á ný, þykknar og fær frískari blæ.
Leiðbeiningar á íslensku fylgja
tBrecían 2000 hárfroðan fæst:
Lyfju Lágmúla, og Lyfju Smáralind - Árbæjar Apótek
Lyfjaval Apótek, Mjódd - Hársnyrtistofan Hár Hjallahrauni 13 Hfj.
Rakarastofa Gríms - Rakarastofa Ágústar og Garðars
Rakarastofan Kiapparstíg - Rakarast. Ragnars, Akureyri
Torfi Geirmunds, Hverfisg. 117 og í Hagkaupsverslunum
Arnl Schovlng mtf. - Hmllclvmrmlun
alml 007 7030
Hjá okkur fáið þið mikið úrval af
kerrum og vögnum fyrir börnin
Skeifunni 8 - s. 568 2200 - Smáralind - s. 534 2200
www.babysam.is
Hömlumar heima-
tilbúinn vandi
■ Lög sem hamla heimaslátrun íslensk og því unnt að breyta þeim
■ Voru sett til að stuðla að matvælaöryggi og neytendavernd
Eftir Þórð Snæ Júlíusson
thordur@bladid.net
Lögin sem hamla því að hægt sé
að setja upp arðvænleg heimaslátur-
hús á íslandi eru alíslensk. Árni Jó-
steinsson, starfsmaður Bændasam-
taka Islands, sagði í Blaðinu í gær að
reglur Evrópusambandsins (ESB)
sem snúa að sláturhúsum gerðu
heimaslátrun fullíþyngjandi fyrir
þá bændur sem vildu stunda hana.
Sigurður Örn Hansson, forstöðu-
maður matvæla- og umhverfissviðs
Landbúnaðarstofnunar, segir það
ákvæði í íslenskum lögum sem snýr
að heimaslátrun þó vera íslenskt.
„Þetta eru íslenskar reglur og við
höfum ekkert yfirtekið neinar
reglur Evrópusambandsins. Þetta
hefur verið lengi í islenskri löggjöf."
Öryggi og neytendavernd
Guðmundur B. Helgason, ráðu-
neytisstjóri í landbúnaðarráðu-
neytinu, segir að þau sjónarmið
sem liggi að baki löggjöfinni þau
að stuðla að matvælaöryggi og
neytendavernd. „Ég held að það sé
ósköp eðlilegt og jákvætt að menn
séu vakandi yfir sínum hag hverju
sinni og leiti tækifæra og nýjunga í
þessu sambandi sem og öðrum. En
löggjöfin varðandi heimaslátrun
í dag er alveg skýr. Eigendum lög-
býla er heimilt að slátra búfé sínu
á sínu býli til eigin neyslu. Þau sjón-
armið sem liggja þarna að baki eru
þau að stuðla að matvælaöryggi og
neytendavernd og ég held að menn
séu ólíklegir til að slá af þeim. En ef
framtíðin ber það með sér að það sé
hægt að vinna að sömu markmiðum
eftir öðrum leiðum þá hlýtur það
alltaf að vera eitthvað sem menn
munu skoða.“
Guðmundur segist þó meðvitaður
um tækifærin sem liggi í heima-
slátruninni. „Það hefur verið mikill
áhugi á framgangi heimasöluafurða.
Þar eru sannarlega mikil tækifæri
fyrir ferðaþjónustu bænda. Þetta
yrði mjög til að treysta stöðu lands-
byggðarinnar og bænda í breyttu
umhverfi og tvímælalaust mjög
jákvæð stoð í ferðaþjónustu því ég
hugsa að það sé mikill áhugi fyrir
þessu meðal ferðamanna. Það er
ekkert nema gott um það að segja
að bændur séu að kynna sér þessa
hluti og leitast við að þróa sitt starfs-
umhverfi í samræmi við það.“
Ráðherra vildi ekki tjá sig
Einar K. Guðfinnsson, sjávarút-
vegs- og landbúnaðarráðherra, gaf
ekki kost á að svara spurningum
blaðamanns um málið. Aðstoð-
armaður hans vísaði þess í stað í
vikugamla ræðu sem Einar hélt á
ársfundi Samtaka sveitarfélaga á
Norðurlandi vestra. Þar sagði Einar
orðrétt að hann kunni „að sjá vaxtar-
brodda sem fela í sér hugmy ndafræð-
ina, framleiðsla beint frá býli. Það er
þáttur sem ég hef áhuga á að styðja
við eftir föngum á næstunni.“
Prentsmiðja Morgunblaðsins
Verður sjálfstætt félag
Prentsmiðja Morgunblaðsins
hefur verið gerð að sjálfstæðu félagi
í fullri eigu Árvakurs og heitir nýja
félagið Landsprent. Starfsmenn
Landsprents eru um fjörutíu talsins
og framkvæmdastjóri verður Guð-
brandur Magnússon, sem áður var
framleiðslustjóri Árvakurs.
1 tilkynningu segir, að hjá Lands-
prenti séu prentuð flestöll dagblöð
landsins, Morgunblaðið, Blaðið, DV
og Viðskiptablaðið. Auk þess séu
prentuð þar fjölmörg önnur blöð og
megi þar nefna Bændablaðið, nán-
ast öll bæjar- og hverfisblöð á höfuð-
borgarsvæðinu og ýmis auglýsinga-
og kynningarblöð.
mbl.is
Garðabær
Innbrot upplýst
Innbrot á heimili við Bæjargil í
Garðabæ, þar sem óboðnir gestir
höfðu hreiðrað um sig í húsnæði
fólks sem þá var erlendis, hefur
verið upplýst. f tilkynningu frá
lögreglu segir að um hafi verið
að ræða fjóra pilta á tvítugsaldri.
Þeir hafa verið yfirheyrðir og
allir játað aðild sína að málinu.
Einn aðilanna þekkti til íbúanna
í húsinu og var því meðvitaður
um för þeirra til útlanda. Hluti
af því sem stolið var hefur verið
endurheimtur. aí