blaðið - 01.09.2007, Side 32

32
LAUGARDAGUR 1. SEPTEMBER 2007
blaóió
H
Ekkert flækist fyrir
Auglýsingaherferð Lindu
Pétursdóttur fyrir Bað-
húsið hefur vakið mikla
athygli enda eru þar
ekki farnar hefðbundnar
leiðir. Konur á mismunandi aldri og
með mismunandi vöxt hafa tekið
þátt í herferðinni og aukakílóin eru
þar engin fyrirstaða.
„Þetta endurspeglar sýn mína á
lífið“ segir Linda um auglýsingaher-
ferðina. „Þegar ég stofnaði Baðhúsið
á sínum tíma, árið 1994, þá fannst
mér vanta líkamsræktarstöð fyrir
allar konur. Þegar ég kom heim frá
Kanada fyrir tveimur árum horfði
ég öðrum augum á ísland en ég
hafði áður gert. Mér finnst áber-
andi hvað lífsgæðakapphlaupið er
mikið og fólk er að steypast í sama
mót. Mér líkar það ekki.
HELGARVIÐTALIÐ
Eftir Kolbrúnu Bergþórsdóttur
kolbrun@bladid.net
Með þessari auglýsingaherferð
vil ég sýna að kona þarf ekki að vera
fitt og flott til að komast í Baðhúsið.
Það er alveg sama hvernig hún er og
hjá okkur eru allar konur sérstakar.
Markmiðið er að konunni líði betur
eftir að hafa æft þar. Ég er að mót-
mæla þeirri staðalímynd sem er
haldið fram, að kona þurfi að vera
x-mörg kíló, há og helst ljóshærð
með sítt hár til að geta stundað lík-
amsrækt. Það er svoddan firra. Ég
er orðin þreytt á að sjá auglýsingar
frá öðrum líkamsræktarstöðvum
þar sem konur í þröngum Spandex-
fötum gera magaæfingar. Það er úr-
elt að mínu mati.
Við eigum að gleðjast yfir því
hvernig við erum og sættast við
okkur, því um leið líður okkur betur
andlega og þá er lífið svo miklu létt-
ara, en að sjálfsögðu er alltaf gott og
nauðsynlegt að huga að heilsunni
og bæta hana. Ég vil að konum líði
vel og að borin sé virðing fyrir þeim.
Umfram allt er mikilvægt að þær
séu stoltar af sjálfum sér.“
Skapandi bisnesskona
Á vel viðþig að vera bisnesskona?
„Ég var tuttugu og fjögurra ára
þegar ég stofnaði Baðhúsið og þá
fannst mér ég vera ægilega full-
orðin og þroskuð og var viss um að
ég gæti auðveldlega rekið fyrirtæki.
Og þetta hefur gengið. Ég held að ég
hafi einhver frumkvöðlagen í mér
og ég sé mig sem skapandi bisness-
konu. Peningar stýra mér ekki þótt
ég vilji vitanlega hafa nóg af þeim til
að geta framfleytt fjölskyldu minni.
Mér fannst mjög gott að lifa lífinu
eins og ég gerði í Vancouver, langt
frá öllu stressi þar sem ég undi mér
í rólegheitum á fámennri eyju við
að dunda í garðinum í stígvélum og
með hjólbörur."
Hefurðu hug á því að flytja til
útlanda?
„í dag stýri ég Baðhúsinu, hvað
sem seinna verður. Ég stefni að því
Égtrúiáæðri
W mátt. Égveit
aðhannertil,
ég skilgreini hann
ekki nákvæmlega en tala
við hann á hverjum degi.
Þar sem ég er þeirrar
blessunar aðnjótandi
að eiga yndislegt barn
og vera edrú þá veit ég
að það er einhver sem
stjórnar þessu.
að eiga heimili á íslandi og i Norður-
Ameríku eða Kanada. Ég hef verið
flökkukind frá því ég var sextán ára
og það hentar mér vel að vera á ferð-
| FRAMTÍÐARHEIMILIÐ
i ER KOMIÐ í PRODOMO
Prodomo er ný verslun sem býður nýjustu hönnun í Ijósum Hlíðasmári 1 / 200 Kópavogur
og rafbúnaði og háþróaðan stjórnbúnað fyrir lýsingu, tónlist. Sími 520 4545/wvm.prodomo.is
mynd og hita. prodomo@prodomo.is |—* R O