Bændablaðið - 26.07.2012, Side 16

Bændablaðið | Fimmtudagur 26. júlí 201216
Handverkshátíðin við Hrafna-
gilsskóla verður haldin í 20.
sinn dagana 10.–13. ágúst næst-
komandi og á sama tíma verður
haldin landbúnaðarsýning á
svæðinu í tilefni af 80 ára afmæli
Búnaðarsambands Eyjafjarðar.
Í tilefni sýninganna hefur verið
blásið til samkeppni um best prýdda
póstkassa sveitarinnar.
Íbúar hafa tekið virkan þátt og má
nú sjá handverksprýdda póstkassa
um alla sveit.
Dagana 7. júlí til 10. ágúst gefst
almenningi tækifæri á að velja best
prýdda póstkassann en kjörkassar
standa frammi hjá ferðaþjónustuað-
ilum sveitarinnar. /MÞÞ
Prúðbúnir póstkassar í
Eyjafjarðarsveit
Horfur varðandi berjasprettu
eru afar mismunandi eftir land-
svæðum en eins og staðan er nú
lítur út fyrir að ágætis spretta
sé á Vestfjörðum. Borgarfjörður
og Snæfellsnes lofa líka góðu, en
aftur á móti er útlitið á norðan- og
austanverðu landinu ekki eins gott.
„Þetta lítur ekki vel út,“ segir
Sigurbjörg Snorradóttir á Krossum
í Dalvíkurbyggð, en hún fór um
liðna helgi í vettvangsferð, m.a. um
Þorvaldsdal þar sem jafnan hefur
verið mikið og gott berjaland. Hún
segir að þar og eins í Dalvíkurfjalli
hafi birkifeti gert sig heimakominn
eitt árið enn, en þetta er þriðja sum-
arið í röð sem hann gerir usla í berja-
löndum út með Eyjafirði. „Það er eitt
og eitt svæði inn á milli þar sem hægt
verður að fá eitthvað af berjum, en
ég held það sé samt þegar orðið ljóst
að það verða engin stóruppgrip hér
norðan heiða,“ segir Sigurbjörg sem
hyggst leggja land undir fót og halda
vestur á firði til að ná sér í ber þetta
sumarið. „Það er auðvitað verulega
svekkjandi að sjá hvernig staðan er
hér fyrir norðan.“
Þurrkar, vorhret og birkifeti
Sigurbjörg segist nánast engin
krækiber hafa séð í ferð sinni og telur
mikla þurrka í sumar, hret í maí og
birkifeta valda þar mestu. Aðalbláber
voru skammt á veg komin á þroska-
brautinni, einungis örsmáir vísar
hér og hvar og þá hafði birkifetinn
skemmt mikið af lyngi.
„Auðvitað veit maður ekki hver
þróunin verður, það hefur rignt
hressilega núna og það gæti bjargað
einhverju ef sólin lætur svo sjá sig
inn á milli, skin og skúrir eru það sem
mestu skiptir núna,“ segir Sigurbjörg
en kveðst þó ekki viss um að hægt
verði að bjarga berjaárinu 2012 svo
glatt, hvernig sem viðrar.
Sigurbjörg segir svipað ástand
uppi á teningnum á Austurlandi og
eftir því sem hún hafi komist næst sé
útlitið best á Vestfjörðum. Sjálf muni
hún leggja land undir fót og halda
vestur á firði í berjaleit þetta sumarið.
Rosalega svekkjandi
Birkifeti hefur enn á ný gert óskunda
í berjalöndum, m.a. í Eyjafirði og
segir Sigurbjörg þetta þriðja árið
í röð sem hann skilji eftir sig slóð
eyðileggingar á berjalyngi. „Hann
hefur lagt undir sig tugkílómetra-
svæði og ég held að því miður getum
við ekki varist þessum vágesti,“ segir
hún. Stór berjasvæði í Ólafsfirði og
Fljótum voru hrikalega illa útleikin
eftir birkifeta í fyrrasumar, að sögn
Sigurbjargar. „Þetta er rosalega
svekkjandi, því það var margt sem
benti til þess að þetta yrði gott berja-
ár.“ Hún segir almenning í auknu
mæli fara í berjamó, það sé mikil
búbót að næla sér í ber fyrir veturinn
og úr þeim megi útbúa ýmislegt fleira
en bara sultur. „Þetta er því mikið
tjón fyrir almenning,“ segir hún.
Veisla hjá mönnum og fuglum
Berjavinir halda úti heimasíðu og
miðla einnig upplýsingum á fés-
bókinni, en þar má m.a. lesa að
Snæfellsnes lofi góðu, eini ókostur-
inn við tínslu í þjóðgarðinum þar
sé sá að einungis sé leyfilegt að
handtína. Góðar berjafréttir berist
úr Borgarfirði og þar stefni í góða
berjasprettu. Frá Ísafirði bárust
einnig góðar berjafréttir og sums
staðar þegar komin vel æt krækiber.
Gott berjaland er í Mjóafirði og
þar er útlitið ágætt hvað aðalblá-
ber varðar, en talið að lítið verði
um krækiber. Jóhanna Jónsdóttir
frá Hunkubökkum sendi línu inn
á fésbókarsíðu Berjavina og segir
að vel líti út með berjasprettu í
Skaftárhreppi þar sem ber séu þegar
orðin sæmilega þroskuð.
„Flest lyng þakin berjum svo
hér verður veisla hjá mönnum og
fuglum þegar þau verða orðin safarík
og sæt,“ segir Jóhanna.
/MÞÞ
Horfur á berjasprettu eru afar
mismunandi eftir landsvæðum
- Gott útlit á Vestfjörðum en verra fyrir norðan og austan
Mynd / MÞÞ
Mynd / Sigurbjörg Snorradóttir á Krossum
Voru menn hengdir í Gálgaklettum
eða eru þeir einungis tilvalinn stað-
ur til henginga? Upplitsviðburður
júlímánaðar, laugardaginn 28.
júlí kl. 14, verður fræðsluganga
í Reykholti í Biskupstungum, en
þar er fjöldi örnefna sem tengist
gálgum.
Í göngunni skoðar Skúli Sæland
sagnfræðingur sennilegar skýringar
á þessum óhugnanlegu örnefnum.
Einnig segir hann frá öðrum örnefn-
um í uppsveitum Árnessýslu sem
tengjast aftökum og andlátum. Þá
verða rifjaðar upp aftökur fyrri alda
og sagt frá alræmdu morðmáli í
Tungunum frá síðari hluta 18. aldar.
Lagt verður upp í gönguna frá
Reykholtsskóla kl. 14 og tekur
gangan um einn og hálfan til tvo
tíma. Þátttökugjald er 1.000 kr. og
er hressing innifalin. Verði veður
óhagstætt er möguleiki að komast í
skjól á Kaffi Kletti í lok göngunnar,
þar sem göngufólki gefst næði til að
skrafa saman og hlýða á samantekt
leiðsögumanns.
Júlíviðburður Upplits laugardaginn 28. júlí:
Gálgaganga í Reykholti
Þingeyjarsveit:
Hafralækjar- og Litlulaugaskóli sameinaðir
Allar skóladeildir Hafralækjar-
skóla og Litlulaugaskóla í
Þingeyjarsveit verða samein-
aðar í eina stofnun frá og með
1. ágúst næstkomandi. Harpa
Þ. Hólmgrímsdóttir hefur verið
ráðin skólastjóri þessarar nýju
stofnunar en auglýst hefur verið
eftir nýju nafni á hana. Um er að
ræða grunnskóla, leikskóla og tón-
listarskóla.
Markmið með sameiningu skól-
anna er fjórþætt, að halda starfsemi
á öllum stigum á báðum stöðum og
að þróa samstarf nemenda, foreldra
og starfsfólks. Ávinningur sem stefnt
er að með þessari aðgerð á að vera
félagslegur, námslegur og faglegur.
Ekki er gert ráð fyrir róttækum
breytingum á skólastarfinu í heild, en
mestar verða breytingarnar í grunn-
skólahlutanum þar sem gert er ráð
fyrir að hver nemandi fari einu sinni
í viku í akstur á milli skólanna.
Nýta aðstöðu á hvorum stað
Markmiðið er, að því er fram kemur
í bréfi til foreldra sem birt er á frétta-
vefnum 641.is, að nýta sem best
þær aðstæður sem eru á hvorum
stað, íþróttaaðstöðuna á Laugum og
verkgreinaaðstöðuna á Hafralæk og
efla tengsl milli nemenda og starfs-
fólks skólanna. Þetta hefur í för
með sér að einn skóladagur í viku
mun lengjast sem nemur um það bil
einni kennslustund. Þessi lenging er
til komin vegna þess tíma sem tekur
að aka á milli staða, en hann gefur
líka möguleika á sameiginlegum
íþróttaæfingum á Laugum sem við-
bót við skóladaginn.
„Sameiginlegt verkefni
okkar allra“
„Ljóst er að þegar lagt er upp með
verkefni sem þetta er erfitt að komast
hjá því að einhverjir hnökrar skjóti
upp kollinum, en jafnframt geta líka
skapast ófyrirséð tækifæri.
Við lítum svo á að það sé sam-
eiginlegt verkefni okkar allra í sam-
félaginu að láta vita af því sem betur
mætti fara og leita lausna og tækifæra
í sameiningu.
Við þurfum öll að standa saman
um að láta þetta verkefni takast vel
og nýta þau sóknarfæri sem það gefur
okkur til farsældar fyrir nemendur
og samfélagið í heild,“ segir í bréfi
skólastjórnenda til foreldra.