Fréttablaðið - 27.01.2012, Blaðsíða 23

HÁSKÓLAR
FÖSTUDAGUR 27. JANÚAR 2012
Kynningarblað
Frumkvöðlastarf
Alþjóðlegt nám
Samkeppnishæfni
Fjölbreyttir möguleikar
Öðruvísi nám
Forskot í atvinnulífinu
HJÁLPARHÖND ÚT Í ATVINNULÍFIÐ
Háskólinn í Reykjavík er eini háskóli landsins sem býður núverandi og fyrr-
verandi nemendum sínum upp á atvinnuþjónustu.
„Markmið Atvinnuþjónustunnar er að aðstoða nem-
endur skólans við innkomu á vinnumarkaðinn, aðstoða
þá við gerð góðrar ferilskrár og hjálpa þeim í gegnum
atvinnuviðtöl,“ útskýrir Gréta Matthíasdóttir, ráðgjafi hjá
Atvinnuþjónustu HR sem einnig þjónustar fyrirtæki við
að nálgast hæft starfsfólk í gegnum atvinnuauglýsingar.
„Atvinnuþjónustan endurspeglar markaðinn og er
mikilvæg fyrir nemendur. Fyrirtækjum þykir eftirsóknar-
vert að sækja þekkingu og reynslu úr hópi útskrifaðra
nemenda og störfin sem bjóðast eru oft sérfræðistörf
sem tengjast viðskiptafræði, lögfræði, tölvunarfræði og
tækni- og verkfræði,“ upplýsir Gréta.
Í næstu viku verða haldnir Framadagar í HR í samstarfi
við AIESEC, þar sem 36 fyrirtæki kynna nemendum starfsemi sína.
„Framadagar eru mikilvægir því þótt fólk sé komið í háskóla veit það ekki
endilega hvernig mannauður er í fyrirtækjum eða hvaða menntunar er
krafist. Spennandi fyrirlestrar eru í boði, eins og um ferilskrárgerð, samn-
ingatækni í launaviðtölum og mikilvægi góðrar sjálfsmyndar þegar komið er
sjálfum sér á framfæri. Á sama tíma komast nemendur í tæri við framtíðar-
störf og sín draumafyrirtæki, og fyrirtækin í snertingu við nemendur.“
Framadagar verða 1. febrúar í Sólinni í HR og eru opnir öllum háskólanemum
landsins. Dagskrá stendur frá klukkan 11 til 16, og endar með spurninga-
keppni milli kennara HR og HÍ, undir stjórn Helgu Brögu Jónsdóttur leikkonu.
Gréta Matthías-
dóttir er ráðgjafi hjá
Atvinnuþjónustu
Háskólans í
Reykjavík. MYND/STEFÁN
FRAMTÍÐARMARKMIÐUM NÁÐ
„Val á námi er val á framtíð og lífsstíl. Því er mikilvægt að starfa við það sem maður
hefur köllun til og nýta eldinn sem býr innra með manni gagnvart vinnunni,“
segir Sigríður Hulda Jónsdóttir, forstöðumaður Stúdentaþjónustu HR. Hún segir
sjálfsagt að leita til náms- og starfsráðgjafa við upphaf náms því sjálfsþekking sé
grunnur að farsælu náms- og starfsvali.
„Framtíðarstarf þarf að henta bæði áhuga og hæfni einstaklingsins. Við
bjóðum nemendum að taka áhugasviðspróf sem sýnir hvar áhugi þeirra
liggur gagnvart starfsgreinum,“ segir Sigríður Hulda.
„Við hjálpum nemendum að ná framtíðarmarkmiðum sínum og skipuleggja
sig í námi, en sérstaða okkar eru meðal annars þverfagleg námskeið fyrir
nemendur um samvinnu, leiðir til að ná afburðaárangri og vinna undir
álagi, stjórnun, hamingju og fleira.“ Námsráðgjöf HR er með opna viðtals-
tíma fyrir núverandi og fyrrverandi nemendur HR og alla framhaldsskóla-
nema. Opið er alla daga nema föstudaga. Nánari upplýsingar á www.hr.is.
Sigríður Hulda
Jónsdóttir, for-
stöðumaður Stúd-
entaþjónustu HR.
MYND/ANTON
Trylltur áhugi minn á borgum ýtti mér út í að nýta skipti-námið við HR og ég mæli
óhikað með þessu ævintýri við
aðra nemendur,“ segir Friðrik Már
Jónsson tölvunarfræðinemi sem
er nýlentur á fósturjörðinni eftir
að hafa lokið einnar annar skipti-
námi við Kwantlen Polytechnic
University í Vancouver í Kanada.
„Ég var svo heppinn að fara
utan til náms með tveimur bestu
vinum mínum,“ segir Friðrik. „Við
komum til Kanada um hásum-
ar og höfðum nokkrar vikur til
að skoða okkur um, en síðan tók
við önnur og ekki síðri upplifun
sem var að búa í Vancouver sem
heimamaður og sækja þar ein-
stakan háskóla í yndislegri borg
þar sem andrúmsloftið er eins af-
slappað og skemmtilegt og gerist,
og stutt er í fallega náttúru, á skíði
og ströndina,“ segir Friðrik sem
heillaðist af fögru landi og þjóð.
„Kanadamenn eru ákaf lega
vinalegir og okkur leið aldrei eins
og útlendingum. Skólinn var sam-
bærilegur við HR en minni og með
afmarkaðar bekkjarstærðir sem ég
kunni afskaplega vel. Þá undrað-
ist ég oft hversu kennslan var stór-
kostleg, sem og uppbygging náms-
ins. Þessi lífsreynsla reyndist því
ekki bara ævintýrið að komast til
útlanda heldur líka að sækja af-
burða góða menntun og þurfa ekki
að fórna henni með því að fara á
spennandi stað,“ segir Friðrik sem
fékk námið vestra metið í HR.
„Það sem stendur upp úr er að
þurfa að spjara sig uppa á eigin
spýtur og kynnast öðru samfélagi,
en ekki síst að eignast dýrmæta
vináttu heimamanna og annarra
skiptinema sem eflaust helst ævi-
langt.“
Guðlaug Matthildur Jakobsdótt-
ir hjá Alþjóðaskrifstofu HR segir
skólann hafa um 170 samninga
við háskóla í flestum heimsálfum.
„Nemendur HR borga skóla-
gjöld sín hér en hafa kost á eins
til tveggja anna námi við skóla er-
lendis, þar sem skólagjöld eru tölu-
vert hærri. Þannig veitum við nem-
endum færi á námi erlendis, sem
annars gæti verið býsna dýrt,“ út-
skýrir Guðlaug, en á síðasta ári
sendi HR yfir 90 íslenska nemend-
ur utan til skiptináms og tók á móti
um 150 erlendum skiptinemum til
Íslands.
„HR leggur mikla áherslu á
að nemendur öðlist alþjóðlega
færni, eins og tungumálakunn-
áttu og menningarlæsi. Skipti-
nám erlendis eykur víðsýni og
gildi námsins. Reynslan er góð og
nemendur koma sáttir og ánægð-
ir til baka. Skiptinámið lítur vel
út á ferilskránni og eykur án efa
samkeppnishæfi einstaklingsins
á vinnumarkaði. Það sem situr
eftir eru vinabönd úti um allan
heim og ævintýrið sjálft – skipti-
námsdvölin. Því þegar nemendur
stíga út fyrir þægindarammann
bíða þeirra töfrar og draumar sem
rætast.“
Draumar sem rætast
Nám við Háskólann í Reykjavík felur í sér óvænt ævintýr og upplifanir fyrir nemendur
sem velja skiptinám við erlenda háskóla sem hluta af háskólanámi sínu.
Friðrik Már Jónsson tölvunarfræðinemi segir hafa komið sér á óvart hversu auðvelt er að
fara út í skiptinám og hvetur háskólanema til að skoða vel þennan möguleika innan HR.
MYND/HAG
Háskólinn í Reykjavík er öflugur háskóli í nánum
tengslum við atvinnulífið. „Við einbeitum okkur að
þeim fagsviðum sem liggja til grundvallar atvinnu-
lífinu, en kjarnasvið HR eru tækni, viðskipti og lög.
Þar hefur háskólinn byggt upp framúrskarandi nám
og öflugt rannsóknar- og nýsköpunarstarf,“ segir Ari
Kristinn Jónsson, rektor HR. „Í dag er HR öflugastur
íslenskra háskóla á þessum sviðum. Við útskrifum
tvo af hverjum þremur sem ljúka tæknimenntun á
háskólastigi, helming þeirra sem klára viðskipta-
menntun og þriðjung þeirra sem ljúka laganámi. Háskólinn í Reykja-
vík er enn fremur öflugastur í rannsóknum á þessum kjarnasviðum.“
Ari Kristinn segir HR leggja áherslu á virk tengsl við atvinnulíf-
ið. „Við fáum sérfræðinga úr atvinnulífinu til að koma að kennslu og
sækjum raunhæf verkefni sem nemendur vinna í samstarfi við fyrir-
tæki og stofnanir. Þannig er tryggt að hinn sterki fræðilegi grunnur
sem nemendur fá í náminu sé vel tengdur við viðfangsefnin sem tekist
er á við í atvinnulífi nútímans. Áhrif þessa sjást skýrt í því hversu eftir-
sóttir útskrifaðir nemendur HR eru í atvinnulífinu.“
„Við hrærumst í alþjóðlegu umhverfi. Nauðsynlegt er að nemendur
fái tækifæri til að afla sér tengsla, reynslu og samskiptafærni sem nýt-
ist þeim í þessu umhverfi. Áhersla er því lögð á að erlendir kennarar
séu hluti af náminu á Íslandi og að nemendur hafi tækifæri til að fara í
skiptinám erlendis,“ segir Ari Kristinn.
„Umfram allt er HR persónulegur háskóli þar sem nemendur fá
góða þjónustu, eru í virkum samskiptum við kennara og fá framúr-
skarandi námsaðstöðu.“
Útskrifaðir nemendur úr
Háskólanum í Reykjavík
eru eftirsóttir
Ari Kristinn Jónsson
KYNNTU ÞÉR
MÖGULEIKANA
Opið fyrir
umsóknir frá
15. febrúar
www.hr.is