Fréttablaðið - 25.05.2012, Blaðsíða 32

6 • LÍFIÐ 25. MAÍ 2012
inga? Það var tilviljun. Ég var svo
heppin að fá að sitja fund hjá Thor-
valdsensfélaginu, sem er ákaflega
merkilegt kvenfélag, um of feit börn
á Íslandi og meðferð þeim til handa,
niðurstöður og rannsóknir. Þarna
var ég óvænt dottin inn á fyrirlest-
ur og mér brá því ég vissi ekki að
staðan væri eins slæm og hún er.
Ég vissi ekki að um 2.500 börn á
Íslandi væru of feit og um 9.000 of
þung. Ég vissi ekki að lítið sem ekk-
ert markvisst væri gert fyrir þau af
hálfu hins opinbera. Ég áttaði mig
á að þau eiga sér ekkert stuðn-
ingsfélag eins og börn sem þjást af
einhverju öðru. Þau eiga sér engan
málsvara og fá úrræði eru þeim til
handa. Verst fannst mér þó sú til-
hugsun að sennilega væri fólk al-
mennt ekki nógu vel upplýst um
þennan vanda. Mig langaði virkilega
að gera eitthvað í málinu, verða að
gagni. Ég er vissulega ekki sérfræð-
ingur en ég kann þó allavega eitt-
hvað í að búa til sjónvarp og flytja
fréttir svo ég hugsaði með mér að
kannski væri það lóð á vogarskál-
arnar í glímunni við þetta vaxandi
heilsufarsvandamál, að taka saman
þær upplýsingar sem eru til, grafa
svolítið dýpra og gera úr því heim-
ildarmynd. Ef við erum upplýst um
vandann þá held ég að það séu
meiri líkur á að við getum tekist á
við hann. Við leysum ekki vanda
sem er falinn og fáir vita um.
Þannig fór ég af stað og hringdi í
Einar Árnason vin minn og mynda-
tökumann og bað hann um að vera
með. Hann vildi það og við erum
búin að vera síðan að mynda og
taka viðtöl og garfa og rannsaka
þetta mál í vetur. Við erum komin
með tugi viðmælenda og efnið
orðið miklu viðameira en mér datt
í hug í upphafi að það gæti orðið.
Niðurstaðan er
fjögurra þátta
röð þar sem
er ekki einasta
fjallað um börn
heldur okkur öll
því við getum
ekki einskorð-
a ð u m f j ö l l -
unina við börn.
Þau eru aðeins
í rauninni ein
birtingarmynd
þ e s s m i k l a
samfélags-
galla er veld-
ur þeim breyt-
ingum á holda-
fari þjóðarinnar
sem raun ber
vitni. Í fyrsta
þætti verður offituvandinn kynntur
til sögunnar og rætt við tvær ungar
en mjög ólíkar manneskjur sem
báðar hafa glímt við vandann alla
sína ævi. Þær lýsa hvor á sinn hátt
vandamálunum, fordómunum, bar-
áttunni, orrustunum og því hvernig
þær virðast alltaf tapa.
Annar þáttur er helgaður börn-
um. Skoðað er hvað yfirvöld hafa
gert, og ekki gert, í málefnum feitra
barna og sögð saga 17 ára drengs
sem var 120 kg fyrir tveimur árum.
Við heyrum hvernig hann tókst á við
lífið sem feiti strákurinn í skólanum
og tölum einnig við foreldra hans.
Að lokum skoðum við mötuneyti
grunnskólanna, sem hafa feng-
ið mikla gagnrýni síðustu misser-
in, og förum með máltíðir þaðan í
efnagreiningu.
Í þriðja þætti
verður sykurinn
aðalatriðið ásamt
þeim menning-
arlegu ástæðum
sem taldar eru
vera orsök vand-
ans. Við skoðum
muninn á matn-
um fyrr og nú og
lærum að lesa
utan á umbúð-
ir, fara heilbrigð-
ar leiðir inni í búð-
inni, kaupa inn
án þess að fylla
körfuna af sykri
o.s.frv.
Síðasti þáttur-
inn er hugsað-
ur út frá lausnum, meðferðum og
forvörnum; hvað er hægt að gera
í málinu. Við sýnum frá maga-
hjáveituaðgerð og heimsækjum
Reykjalund, beinum sjónum okkar
að því sem gert er þegar öll úrræði
eru á þrotum.
Hverju viltu áorka með þáttun-
um? Við viljum upplýsa, leita skýr-
inga og slá á fordóma. Það hjálp-
ar engum að líta niður á fólk með
of mörg aukakíló. Við sýnum fram
á að hjá mörgum er dæmið mun
flóknara en að hreyfa sig meira og
Inga Lind Karlsdóttir, frétta- og
sjónvarpskona, hefur undanfarið
ár unnið að heimildaþáttaröð
um offitu Íslendinga sem verður
sífellt stærra og umfangsmeira
vandamál hér á landi.
INGA LIND KARLDSDÓTTIR
HVER ER KONAN? Ég er Garðbæingur,
ættaður að vestan og úr Borgarfirði.
ALDUR: 36 ára.
BÖRN: 5 börn (3ja, 10, 11, 15 og 19).
HJÚSKAPARSTAÐA: Gift.
ÁHUGAMÁL: Á sumrin er það veiði, á
veturna badminton og allt árið tennis
og lestur góðra bóka. Fyrir utan allt
það skemmtilega sem lífið hefur upp
á að bjóða.
UPPHAFSSÍÐA: apple.com.
HVERNIG SINNIR ÞÚ ANDLEGU HLIÐ-
INNI? Með því að nota hvert tækifæri
sem gefst til að hitta vini og eiga með
þeim góðar stundir.
SÍÐASTA SMS SEM ÞÚ FÉKKST (OG
FRÁ HVERJUM)? „Plís ekki segja LOL.
Aldrei aftur mamma.“ (frá 15 ára
dóttur minni)
Hvar ertu búin að vera undanfar-
in ár frá því að fréttirnar á Skjá
einum voru lagðar niður árið
2010? Ég hef verið í hinum og þess-
um verkefnum síðan þá og tekið því
frekar rólega. Það hefur stundum
verið átak fyrir mig þar sem ég hef
verið á frekar miklum hraða með öll
mín mál, alla mína starfsævi, en ég
hef haft gott af þessu. Ég skellti mér
í nokkra kúrsa í HÍ og nam þar list-
fræði á hægu róli, skipti mér ofurlít-
ið af skólamálum í gegnum Hjalla-
stefnuna og Fjölbrautaskólann í
Garðabæ og vasaðist í einu og öðru
óformlegu hér og þar.
Af hverju ákvaðstu að demba
þér í þáttagerð um offitu Íslend-
Þegar upp er
staðið þá er
valið í hönd-
unum á hverju
og einu okkar
í hvaða stöðu
sem við erum.
MEÐVITAÐRI EN ÁÐUR
Ef við erum upplýst um
vandann þá held ég að
það séu meiri líkur á að
við getum tekist á við
hann, segir Inga Lind.