Fréttablaðið - 25.05.2012, Blaðsíða 48

25. maí 2012 FÖSTUDAGUR32
Tónleikar til styrktar UN Women fara
fram á Gauki á Stöng í kvöld. Það er vef-
verslunin Gogoyoko sem skipuleggur tón-
leikana, sem eru þeir fyrstu í röð tónleika
sem haldnir verða ársfjórðungslega til
styrktar góðu málefni.
Hljómsveitirnar Mammút, Tilbury,
Snorri Helgason, Elín Ey, Muck og Chri-
stopher Wyatt-Scott koma fram á tónleik-
unum í kvöld og segist Inga Dóra Péturs-
dóttir, framkvæmdastjóri hjá UN Women,
þakklát fyrir stuðninginn. „Við erum mjög
þakklát Gogoyoko, tónleikastaðnum og tón-
listarfólkinu fyrir stuðninginn og þá vinnu
sem þarf til að hrinda tónleikum sem þess-
um í framkvæmd.“
UN Women eru samtök innan Sameinuðu
þjóðanna sem vinna að jafnrétti kynjanna
og eflingu kvenna. Samtökin hafa þau
markmið að stöðva kynbundið ofbeldi og
bæta aðstöðu kvenna um heim allan og
að sögn Ingu Dóru hefur stuðningur við
UN Women á Íslandi aukist verulega eftir
kreppu. „Sú tilhneiging fólks að draga
saman fjárútlát til góðgerðamála þegar
kreppir að hefur ekki átt sér stað hér. Hjá
okkur hefur stuðningur aukist töluvert
eftir kreppu og við gátum því aukið fram-
lag okkar um 140 prósent og okkur þykir
ótrúlega vænt um það,“ segir Inga Dóra
sem hyggst mæta á tónleikana í kvöld
ásamt öðrum starfsmönnum UN Women.
Tónleikarnir hefjast klukkan 22.00 og er
miðaverð 1.000 krónur. - sm
Styrkja UN Women
STYRKJA KONUR Þormóður Dagsson, söngvari Tilbury, er
á meðal þeirra sem munu gefa vinnu sína til styrktar UN
Women. FRÉTTABLAÐIÐ/ANTON BRINK
HÚSIÐ OPIÐ KL. 23.00 – 3.00
MIÐASALAN ER
HAFIN Á
MIÐAVERÐ KR. 2900.-
HVAÐ? HVENÆR? HVAR?
Föstudagur 25. maí 2012
➜ Tónleikar
21.00 Mammút, Snorri Helgason,
Myrra Rós, Muck, Tilbury og Christopher
Wyatt-Scott koma fram á styrktartón-
leikum Gogoyoko fyrir UN Women á
Gauknum. Miðaverð er kr. 1.000.
➜ Upplestur
20.00 Í tengslum við ráðstefnuna Art
in Translation verður efnt til upplestrar á
Súfistanum í bókabúð Máls og menn-
ingar við Austurstræti. Bæði íslenskir
og erlendir höfundar munu lesa upp
úr verkum sínum á ensku. Aðgangur er
ókeypis.
➜ Söngskemmtun
00.00 Félag eldri borgara í Kópavogi
vekur athygli á því að Gleðigjafararnir í
Gullsmára eru komnir í sumarfrí og því
verður ekki sungið saman í dag. Þráður-
inn verður tekinn upp á ný í haust.
➜ Tónlist
20.00 Djassarinn Andrés Þór Gunn-
laugsson heldur útgáfutónleika í Þjóð-
menningarhúsinu í tilefni af útgáfu
disks síns, Mónókróm.
21.00 Samúel Jón Samúelsson Big
Band leikur í síðasta sinn á tónleika-
staðnum Nasa. DJ Lucky hitar upp.
Miðaverð er kr. 1.000.
21.00 Hljómsveitin Belleville leikur á
Café Haiti. Þeir sérhæfa sig í musette
tónlist, sem leikin var á harmon-
ikkuböllum í Frakklandi á fyrri hluta 20.
aldar. Aðgangur er ókeypis.
22.00 Ein heitasta hljómsveit landsins
um þessar mundir, Tilbury, mun trylla
lýðinn á Bar 11. DJ mætir í búrið að tón-
leikum loknum og aðgangur er ókeypis.
22.00 Hljómsveitin Thin Jim heldur
tónleika á Café Rosenberg. Hljómsveit-
in, með Margréti Eir í broddi fylkingar,
sendi nýlega frá sér lagið Fjólubláar Sól-
eyjar. Þór Breiðfjörð og Páll Rósinkraz
verða gestir kvöldsins.
22.00 Andrea Gylfadóttir og Eðvarð
Lárusson halda tónleika á Ob-La-Dí-
Ob-La-Da, Frakkastíg 8. Aðgangseyrir er
kr. 1.000.
22.00 Ingó veðurguð mætir með
gítarinn á Forsetabarinn á Selfossi. 2
fyrir 1 á barnum til kl. 23.
Upplýsingar um viðburði sendist á
hvar@frettabladid.is og einnig er
hægt að skrá þá inni á visir.is.