Fréttablaðið - 26.05.2012, Page 42

KYNNING − AUGLÝSINGEurovision LAUGARDAGUR 26. MAÍ 201262
Haukur flutti til Stokkhólms síðastliðið haust. Eurovisi-on-áhuginn fylgdi honum
yfir hafið en Haukur lét ekki sitt
eftir liggja í undankeppninni í
Svíþjóð og mætti á úrslitin. „Lo-
reen, sem vann keppnina hér í Sví-
þjóð, er í miklu uppáhaldi hjá mér.
Ég er þess fullviss að hún muni
bera sigur úr býtum í kvöld,“ segir
Haukur. „Það er mikil stemning í
Svíþjóð fyrir keppninni og lands-
menn strax orðnir sigurglaðir.
Margir Svíar segjast ekki horfa á
keppnina en svo liggja þeir yfir
henni,“ segir Haukur sem telur að
Íslendingar eigi auðveldara með að
viðurkenna áhuga sinn á keppn-
inni.
Serbía, Ósló og Dusseldorf
„Ég hef farið þrisvar á fjórum árum
á Eurovision-keppnina. Ég fór til
Serbíu 2008, Óslóar 2010 og Dussel-
dorf 2011. Það eru því nokkur við-
brigði fyrir mig að vera ekki í Bakú
núna,“ segir Haukur. Hann segist
ekkert hafa verið hissa á því að Ís-
land færi áfram. „Ég var alveg viss
um það. Ég spái því að við lendum
í kringum tíunda sætið. Annars er
maður ekki dómbær á sitt lag og
ég hef sjaldnast rétt fyrir mér um
það. Við höfum allt til að vinna en
því miður er sigursætið frátekið. Ég
spái Svíum sigri en það eru nokkrir
sem geta ógnað Loreen og þá helst
Ítalía. Einnig gæti ég trúað að Eng-
elbert Humperdinck gæti komið
sterkur inn. Þau eiga það sameig-
inlegt að sviðsframkoman er ein-
föld og fókusinn er á þeim allan
tímann. Ég tel það keppendum til
framdráttar samanber keppand-
ann frá Albaníu. Mér fannst í und-
anriðlinum að þeir sem voru með
flókna sviðsmynd kæmu verr út þar
sem sviðið er íburðarmikið,“ segir
Haukur.
„Íslensku keppendurnar stóðu
sig mjög vel en mér fannst of mikið
af litlum skotum með myndavél-
inni, til dæmis út í sal. Jóhanna
Guðrún er gott dæmi um flott atriði
þar sem myndavélin var á henni
allan tímann.“
Veit allt um Eurovision
Haukur segist muna vel þann
dag sem hann féll fyrir Eurovisi-
on. „Ég horfði á Gleðibankann á
sínum tíma en minnist þess ekki
að hafa horft á keppnina fyrir þann
tíma. Árið 1990 kepptu Sigga Bein-
teins og Grétar Örvars og ég var
að hjálpa bróður mínum að bera
út sunnudagsblað Mogga. Það
var enginn á ferli en við heyrð-
um allt í einu gríðarlegt fagnað-
aróp frá íbúðum í kringum okkur.
Þá fékk ég einhverja þjóðernis-
kennd gagnvart keppninni sem ég
hef ekki losnað við. Ég varð forfall-
inn Eurovision-aðdáandi. Ég fór að
taka upp keppnina og horfa á hana
aftur. Núna þykist ég vita allt um
flytjendur hvers árs frá þeim tíma.“
Áttu þér uppáhaldsflytjanda?
„Minn uppáhaldslagahöfund-
ur er frá Serbíu og er einmitt með
í keppninni núna. Hann heitir
Željko Joksimović. Þetta er í fjórða
skipti sem hann á lag í keppninni
en annað skiptið sem hann syng-
ur. Hann var kynnir keppninnar
þegar hún var haldin í Serbíu 2008.
Ég var einu sinni á ferðalagi þegar
ég stóð við hliðina á honum í röð á
flugvelli. Ég held að ég hafi verið sá
eini sem þekkti hann og fékk mynd
af mér með honum.“
Stofnuðu aðdáendaklúbb
Nokkrir forfallnir aðdáendur Euro-
vision-keppninnar stofnuðu aðdá-
endaklúbb síðasta haust hér á landi
og er Haukur einn þeirra. „Þetta er
orðinn einn stærsti svona klúbb-
ur í heimi og við erum með alþjóð-
lega viðurkenningu. Það þýðir að
við fáum úthlutað sætum fremst í
salnum ef við mætum á keppnina
og getum veifað fánanum okkar.
Hópurinn er orðinn óvenju sterkur
enda telur hann 120 manns. Euro-
vision-hópurinn hittist reglulega
og fékk meðal annars að sitja í saln-
um þegar þættirnir Alla leið voru
teknir upp hjá RÚV. Eitt skiptið
hittumst við og horfðum á öll lögin
sem höfðu lent í öðru sæti í keppn-
inni. Það er mjög skemmtilegt fyrir
þessa aðdáendur að hitta aðra
Eurovision-nörda,“ segir Haukur.
Hann segist vera sestur að í Sví-
þjóð, enda fann hann ástina þar og
er kominn í sambúð. „Ég er samt
alltaf með heimþrá,“ segir þessi
helsti aðdáandi Eurovision-keppn-
innar. elin@365.is
Hin sænska Loreen
mun sigra í kvöld
Haukur Johnson er einn helsti Eurovision-aðdáandi landsins og hefur verið
það frá því hann var smápolli. Hann hefur þrisvar verið viðstaddur
úrslitakvöld. Hauki líst vel á aðalkeppnina í kvöld og spáir Íslandi góðu gengi.
Haukur Johnson fyrir utan Eurovisionhöllina í Ósló fyrir tveimur árum.
Haukur telur að Ísland verði í kringum
tíunda sætið í ár.
Svíar telja að sín kona, Loreen, muni bera
sigur úr býtum í kvöld.
NORRÆNIR KEPPENDUR FRÁ FRAMANDI LÖNDUM
Það er eftirtektarvert með þátttakendur Norðurlandaþjóðanna í
Söngvakeppni evrópskra sjónvarpsstöðva í ár að nokkrir þeirra eiga ættir
að rekja út fyrir Norðurlöndin.
Loreen, sem keppir fyrir Svíþjóð, heitir réttu nafni Lorine Zineb Noka
Talhaoui. Báðir foreldrar hennar eru marokkóskir Berbar. Hún er fædd í
Stokkhólmi.
Tooji, sem keppir
fyrir Noreg, heitir
Touraj Keshtkar.
Hann er fæddur í
Shiraz í Íran og flutti
til Noregs þegar
hann var ársgamall.
Soluna Samay, sem
keppir fyrir Dan-
mörku, heitir Soluna
Samay Kettel. Hún
er fædd í Gvate-
malaborg. Faðir henner er Gerd G. Kettel, tónlistarmaður frá Þýskalandi,
móðirin Annelis Ziegler, listakona frá Sviss. Soluna flutti með fjölskyldu
sinni 10 ára frá Gvatemala til Danmerkur, þegar foreldrar hennar keyptu
bújörð á Borgundarhólmi.
Pernilla Karlsson, sem keppti fyrir Finnland er Finnlands-Svíi, fædd í Finn-
landi.
Íslensku þátttakendurnir eru, eftir því sem næst verður komist, alíslenskir
í báðar ættir.
Norski Eurovision-
keppandinn Tooji
Útgefandi: 365 miðlar ehf., Skaftahlíð 24, s. 512 5000 | Umsjónarmenn auglýsinga: Sverrir Birgir Sverrisson sverrirbs@365.is s. 512-5432
Ábyrgðarmaður: Jón Laufdal.
Osta- og ljúfmetisverslun
Nóatúni 1 7 • Sími 551 8400 www.burid.is
Gildir til 30.8.2012
www.teogkaffi.is
A
PI
P
TB
A
R\
A
BW
A
••
SÍ
A

SÍ
A
•
1
21
53
3

15
12
3
53
Karamellu
frappó
með rjóma og
karamellusósu
Komdu á næsta
kaffihús Te & Kaffi og
bragðaðu svalandi
sumardrykki.