Fréttablaðið - 07.06.2012, Blaðsíða 58

7. júní 2012 FIMMTUDAGUR50
golfogveidi@frettabladid.is
Sigur Tigers Woods á Memorial-
móti Jacks Nicklaus um síðustu
helgi var sögulegur fyrir margra
hluta sakir. Tiger jafnaði þannig
gestgjafann Nicklaus með 73.
sigri sínum á PGA mótaröðinni,
en þeir eru nú jafnir í öðru sæti
listans yfir sigursælustu kylfinga
allra tíma, á eftir Sam Snead sem
sigraði á 82 PGA-mótum á ára-
bilinu 1936 til 1965.
Þetta var annar sigur Tigers á
árinu, en hann vann einnig á Bay
Hill-mótinu í mars síðast liðnum.
Sigurinn um helgina þykir þó
vísir að meiru þar sem hann
þurfti að taka á öllu sínu. Þrír
fuglar á síðustu fjórum holum
lokahringsins, þar á meðal með
ævintýralegri vippu úr karga
beint í holu á sextándu.
Þarna á lokahringnum þóttust
margir spekingar sjá glitta í
„gamla Tiger“ sem hefur verið
týndur og tröllum gefinn frá
Þakkargjörðardagshavaríinu ann-
álaða.
Hann lék sóknargolf af bestu
sort, eins og hann á að sér að gera,
og það sást best á fyrrnefndu
höggi á sextándu holu.
„Þetta var ótrúlegasta og
áræðnasta högg sem ég hef séð,“
sagði Nicklaus. „Ég held að þegar
allar aðstæður eru teknar með í
reikninginn hafi ég aldrei orðið
vitni að betra höggi.“
Dálkahöfundurinn og sjón-
varpsmaðurinn Brandel Cham-
blee lét til að mynda þau orð falla
að Tiger væri „tvöfalt betri en
nokkur annar kylfingur þó hann
sé að spila á hálfum styrk.“
Væntingarnar eru því miklar
fyrir Opna bandaríska mótið sem
hefst í næstu viku. Þar gæti Tiger
landað sínum fimmtánda risatitli,
en Niclaus á enn metið með átján
slíka.
Eftir sigurinn á Bay Hill var
Tiger í svipuðum aðstæðum þar
sem Masters var á næsta leiti, en
þar náði hann sér aldrei á strik.
Hann sagðist slá mun betur
núna en spurður hvort hann
væri nú loks kominn til baka
sagði hann einfaldlega: „Ég vann
allavegana!“
Opna bandaríska mótið fer
fram á Olympic-vellinum við San
Fransisco dagana 14. til 17. júní.
thorgils@frettabladid.is
■ Tiger komst upp í fjórða sæti heimslistans í golfi með sigrinum á
Memorial. Hann hefur átt erfitt uppdráttar um langa hríð og datt meðal
annars út af topp 50 á tímabili.
■ Tiger og Jack Nicklaus hafa nú báðir unnið 73 PGA-mót, en Tiger, sem er
36 ára, er 10 árum yngri en Nicklaus var þegar hann vann sitt síðasta mót,
en það var Masters árið 1986.
■ Tiger hefur unnið 14 risamót, fjórum færri en Nicklaus. Tiger vann sitt
síðasta risamót eftir goðsagnakennda úrslitarimmu við Rocco Mediate um
sigur á Opna bandaríska á Pebble Beach árið 2004.
Tiger, Nicklaus og risamótin:
TIGER WOODS LOKS Á BEINU
BRAUTINNI FYRIR US OPEN
Tiger Woods hefur ekki verið betri frá örlagahaustinu 2009. Hann sigraði á Memorial-mótinu um síðustu
helgi með frábærum tilþrifum. US Open hefst í næstu viku og þar gefst Tiger tækifæri til að toppa á ný.
KOMINN Í FORM Tiger Woods vann glæstan sigur á Memorial-mótinu um síðustu helgi og fagnaði því vel. Hann þykir til alls líklegur á Opna bandaríska mótinu í næstu viku.
NORDICPHOTOS/AFP
Kjartan Dór Kjartansson úr
Golfklúbbi Kópavogs og Garða-
bæjar setti glæsilegt vallarmet
á Kirkjubólsvelli í Sandgerði
síðast liðinn fimmtudag.
Kjartan Dór spilaði á 66
höggum eða sex undir pari og
fékk vallarmetið staðfest í gær
af Guðmundi Einarssyni, fram-
kvæmdastjóra GSG.
Í samtali við Kylfing.is sagðist
Kjartan Dór hafa stefnt að því
að vera fimm höggum undir pari
vallarins og það er óhætt að segja
að það hafi gengið upp.
Kjartan Dór setti met:
Sló vallarmetið
í Sandgerði
BIRGIR LEIFUR HAFÞÓRSSON Hann sigraði
í mótinu Örninn golfverslun í Eimskips-
mótaröðinni í lok maí. FRÉTTABLAÐIÐ/DANÍEL
Birgir Leifur Hafþórsson úr
GKG verður meðal keppenda í
mótinu Kärnten Golf Open sem
hefst í Austurríki í dag. Mótið fer
fram í Klagenfurt og er áttunda
mót ársins á Áskorendamótaröð
Evrópu.
Þetta er annað erlenda mótið
sem Birgir tekur þátt í en hann
varð í 26. sæti í Allianz Open-
mótinu sem haldið var í Frakk-
landi um miðjan maí. Birgir varð
í 62. sæti í Kärnten Golf Open-
mótinu á síðustu leiktíð. Birgir
Leifur er í 165. sæti á tekju-
listanum.
Birgir Leifur gerir víðreist:
Hefur leik í
Kärtnen í dag
PI
PA
R\
TB
W
A
·
SÍ
A
·
11
21
74
b
m
va
ll
a
.is
Hágæða hráefni fyrir íslenskar aðstæður
Í múrversluninni hjá BM Vallá geturðu gengið að fyrsta flokks vöru og þjónustu
fyrir allt múrverk ásamt hágæðaflotefni sem hentar bæði til nýbyggingar sem og í
endurflotun. Einnig býður BM Vallá uppá StoCrete flotefni.
BM Vallá hefur um árabil verið í fararbroddi íslenskra
iðnfyrirtækja og gegnt forystuhlutverki í framleiðslu fyrir
íslenskan byggingarvörumarkað.
Sími: 412 5050
Fax: 412 5001
sala@bmvalla.is
BM Vallá ehf.
Breiðhöfða 3
110 Reykjavík
Góður múr
er grundvallaratriði
80 17KARLAR eru skráðir í Egils Gull mótið sem fer fram í Vestmannaeyjum um helgina. Mótið er hluti af Eimskips-
mótaröðinni. Þó 80 séu skráðir fá einungis 63 keppnisrétt.
KONUR eru skráðar til leiks í Egils Gull mótið sem
fer fram í Eyjum. Hámarksfjöldi í kvennaflokki er 21.