Fréttablaðið - 07.06.2012, Blaðsíða 62

7. júní 2012 FIMMTUDAGUR54
SUMARFRÍIÐ
„Í sumar ætla ég að vinna í Há-
skóla unga fólksins. Hlaupa, lesa,
tana, grilla, ganga, hitta skemmti-
legt fólk, flytja, hugsa, vera foringi
í sumarbúðum og drekka ískalt
hvítvín (tvö síðustu atriðin geri ég
hvort á sínum tíma).“
Björg Magnúsdóttir, verkefnisstjóri
Háskóla Íslands og pistlahöfundur.
„Þetta lag er til heiðurs þeim
sem hafa byggt upp þetta félag
í gegnum árin,“ segir Eysteinn
Hauksson, þjálfari 1. deildarliðs
Hattar frá Egilsstöðum, um nýtt
stuðningsmannalag liðsins.
Það kallast Hött upp á topp og
er íslensk útgáfa af Man on the
Moon með R.E.M., uppáhaldslagi
Eysteins, sem íslenskaði einmitt
textann. „Ætli ég sé ekki búinn að
heyra það mörg þúsund sinnum.
Mér finnst það betra og betra í
hvert skipti sem ég heyri það.“
Sjálfur Bjarni Fel var Hattar-
mönnum til halds og trausts
í laginu með mörg af sínum
frægu orðatiltækjum. „Bjarni
er í rauninni partur af þessari
nostalgíu. Lagið væri ekki helm-
ingurinn af því sem það er ef hann
væri ekki þarna,“ segir Eysteinn.
Hött upp á topp er þriðja stuðn-
ingsmannalag Hattar á skömmum
tíma. Áður hafa komið út lögin
Höttur, sem er íslensk útgáfa
af Love Hurts með Nazareth
og einnig endurgerð útgáfa af
Hattarlaginu, sem er aðalstuðn-
ingsmannalag liðsins. Annar
íþróttafréttamaður, Guðmundur
Benediktsson, las einmitt inn
á það lag. „Hann er Bjarni Fel
kynslóðarinnar í dag,“ fullyrðir
Eysteinn.
Hægt er að hlusta á öll þrjú
lögin á vegg Facebook-síðunnar
Höttur Rekstrarfélag. - fb
Til heiðurs goðsögnum Hattar
HATTARMENN Eysteinn Hauksson (til
vinstri) ásamt Hafþóri Mána Vals-
syni sem annaðist endurútgáfuna á
Hattarlaginu.
„Þeir hafa verið að spá hvort þeir verði
frægir eða fái eitthvað borgað,“ segir Hadda
Björk Gísladóttir, móðir átta ára drengs sem
fékk ásamt vini sínum að prófa fyrirsætuhlut-
verkið um hvítasunnuhelgina. Fyrirsæturnar
ungu eru vinirnir Sigurður Snorri Hauksson
og Sölvi Þorkelsson og var myndatakan fyrir
25 ára afmælisrit hins ítalska Marie Claire
sem kemur út í október.
Hadda og eiginmaður hennar Haukur
Snorrason reka ferðaskrifstofuna Iceland
Photo Tours og sérhæfa sig í ljósmynda-
ferðum fyrir erlenda ljósmyndara. Í lok maí
tóku þau á móti níu manna tökuliði frá Marie
Claire og fór myndatakan að hluta til fram í
gistihúsi þeirra hjóna, Hrifunes Guesthouse.
„Strákarnir höfðu verið að renna sér á
rassinum niður moldarbarð og voru sem
nýdregnir upp úr fjóshaug þegar ljósmynd-
ararnir stungu upp á því að fá þá lánaða á
nokkrar myndir. Ég ætlaði að setja þá í hrein
föt en þeir neituðu og sögðu þá fullkomna.“
Höddu þótti undarlegt að ljósmyndararnir
völdu að hafa strákana grútskítuga sem og að
velja sér tökustað í hálfgerðum ruslahaugi.
„Við vorum að steypa skemmugólfið hjá
okkur og allt draslið var út á hlaði. Þetta
fannst tökuliðinu hentugur bakgrunnur en
hann var alveg andstæða við fyrirsætuna sem
tiplaði um í bleiku blúndupilsi og kápu.“
Drengirnir tóku þátt í tveimur mynda tökum
en ekki er vitað fyrir víst hvort þeir birtist
á síðum ítalska Marie Claire. „Töku liðið var
allavega yfir sig hrifið af þeim og þeir stóðu
sig mjög vel,“ segir Hadda.
- hþt
Átta ára í myndatöku fyrir Marie Claire
UNGAR FYRIRSÆTUR Sigurður og Sölvi stilla sér upp
fyrir tökuliðið sem kom frá Búlgaríu, Ítalíu og Frakk-
landi. MYND/HAUKUR SNORRASON
„Ég hringi bara á bóndabæi og
spyr hvort ég megi koma í heim-
sókn með tónlistarfólk og halda
tónleika í stofunni hjá fólkinu,“
segir Bubbi Morthens um nýja
þætti sína sem ganga undir vinnu-
heitinu Beint frá býli.
Í þáttunum heimsækir Bubbi
sveitabæi um allt land í einn dag
og kynnir sér lífið og starfið á
bæjunum. Í lok dagsins koma
svo landsþekktir tónlistarmenn
og halda tónleika fyrir ábúendur
í stofunni þeirra. „Tónlista r-
mennirnir þurfa að laga sig að
aðstæðunum hverju sinni en við
höldum tónleikana bara inni í
stofu, sama hversu lítil stofan er.
Það er alveg mergjað að upplifa
stemninguna þegar Björgvin Hall-
dórsson er að syngja fyrir bóndann
og bóndakonuna sem sitja í meters
fjarlægð frá honum eða þegar
Jónas og ritvélar fram tíðarinnar,
sem er tíu manna hljómsveit,
spilar fyrir fimm áheyrendur.
Ábúendur sitja bara heima hjá
sér með breið bros og fá einka-
tónleika frá þekktustu og bestu
hljómlistar mönnum þjóðarinnar.
Þetta er náttúrulega bara geðveikt
og allir í skýjunum, bæði tónlistar-
mennirnir og áheyrendurnir,“
segir Bubbi.
Hugmyndin að þáttunum er
frá Bubba sjálfum komin. „Ég bý
í sveit svo ég veit hvað íslenskir
bændur eru að gera stórkostlega
hluti og ég vil reyna að deila því
með fólki,“ segir hann. Þættirnir
verða sjö talsins og í þeim skoðar
Bubbi það líka hvernig bænda-
menningin hefur breyst í áranna
rás en margir bændur hafi fært
sig úr búmennsku yfir í ferða-
mennsku. „Um daginn vorum við
að taka upp á einum bæ þar sem
bóndinn sagðist vera barnabóndi
því hann tekur við svo mörgum
börnum í heimsókn til sín. Mér
fannst það alveg geðveikislega fal-
legt orð. Sjálfur er ég meiri gítar-
bóndi,“ bætir hann við og hlær.
Upptökur á þáttunum standa
yfir þessa dagana og eru þeir
væntanlegir á Stöð 2 á haust-
mánuðum. „Ef vel tekst til og
þættirnir vekja lukku geri ég mér
svo vonir um að gera aðra þátta-
röð sem yrði töluvert öðruvísi
en myndi aftur tengjast rótum
menningar okkar,“ segir Bubbi
spenntur. tinnaros@frettabladid.is
BUBBI MORTHENS: HEIMSÆKIR SVEITABÆI MEÐ TÓNLISTARMÖNNUM
Bændur fá einkatónleika
heim í stofu í nýjum þætti
HEIMSÆKIR BÆNDUR Bubbi Morthens mætir með landsþekkta tónlistarmenn í heimsókn á sveitabæi í nýjum þætti sem er
væntanlegur á Stöð 2 í haust. Björgvin Halldórsson er meðal þeirra sem fram koma í þættinum.