Fréttablaðið - 16.06.2012, Blaðsíða 40

FÓLK|HELGIN
FÓLK ER KYNNINGARBLAÐ sem býður auglýsendum að kynna vörur og þjónustu í formi
viðtala og umfjallana ásamt hefðbundnum auglýsingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir | Sölumenn: Jónína María Hafsteinsdóttir,
jmh@365.is, s. 512 5473 | Sverrir Birgir Sverrisson, sverrirbs@365.is, s. 512 5432 | Elsa Jensdóttir, elsaj@365.is, s. 512-5427
Yoyo ís er fjölskyldufyrirtæki sem hefur náð miklum vinsældum á skömmum tíma. Fyrsta ísbúðin
var opnuð í Kópavogi árið 2010 og önnur
í Reykjavík ári síðar. Fyrirtækið hefur nú
fært út kvíarnar og opnað útibú á Spáni, í
Lettlandi og Litháen.
FERSKLEIKI OG FJÖLBREYTNI
Yoyo ís flytur inn hágæðabragðefni frá
Ítalíu þrátt fyrir að auðvelt sé að fá ódýr-
ara bragðefni frá Bandaríkjunum. Einar
Ásgeirsson, framkvæmdastjóri fyrir-
tækisins, segir gæðin hafa ráðið úrslitum
um valið: „Stefna fyrirtækisins er að nota
alltaf fyrsta flokks hráefni.“ Ísinn er gerður
daglega sem tryggir ferskleika.
Fjölbreytni er einnig stefnumál og
ísbúðirnar skipta bragðtegundunum
reglulega út fyrir nýjar: „Alls eru þetta um
120 tegundir en við notum ekki þær allar.
Ætli það séu ekki um það bil 45 tegundir
í umferð.“ Þetta getur valdið vanaföstum
erfiðleikum: „Þegar fólk er búið að koma
nokkrum sinnum og fá sér ákveðna teg-
und verður það dálítið sárt þegar hún er
skyndilega horfin.“ Einar bætir við að van-
illu- og súkkulaðiís sé þó alltaf í boði og
annað hvort jarðarberja- eða bláberjaís.
Sjálfur segist Einar hrifnastur af mangó-
og kókosísnum en vinsælastur meðal
gesta sé jarðarberjaísinn. „Kaffiísinn er
reyndar búinn að sækja í sig veðrið upp á
síðkastið og við reynum að hafa alltaf ein-
hvers konar kaffiís í boði.“
NÝJUNGAR
Til að auka enn fremur á fjölbreytnina
bjóðast nú tvær nýjungar í verslunum
Yoyo. Annars vegar er það brakandi fersk-
ur sorbet sem er algjörlega mjólkurlaus
og er því tilvalinn fyrir fólk með mjólkuró-
þol. Hann er í boði í báðum verslunum um
þessar mundir með sítrusávaxtabragði.
Hin nýjungin er innfluttur ítalskur
jógúrtís sem hefur verið nefndur Yo-Mí:
„Þetta er vinsælasti jógúrtísinn vestan-
hafs. Hann er seldur í fleiri hundruð búð-
um í Bandaríkjunum og var nýlega kjörinn
besti jógúrtísinn þar í landi,“ segir Einar.
Ísinn er nýkominn í verslanir Yoyo og er
þar sérmerktur. Einar hefur mikla trú á Yo-
Mí og bætir við: „Það er röð út úr dyrum
hvar sem hann er seldur!“
ÞÆGILEGT FYRIRKOMULAG
Opið er til 23.30 alla daga vikunnar og
samkvæmt Einari alltaf nóg að gera.
Þrátt fyrir það gengur afgreiðslan hratt
og örugglega fyrir sig: „Það er vegna
þess að þegar þrjátíu manns koma inn í
búðina erum við einfaldlega komin með
þrjátíu manns í vinnu.“ segir Einar og
telur fólk almennt vera ánægt með fyrir-
komulagið sem byggist að mestu leyti
á sjálfsafgreiðslu. „Við erum alltaf með
ferska ávexti, sósur og yfir 20 tegundir af
sælgæti. Svo raðar fólk þessu saman og
býr til sína eigin uppáhaldsblöndu.“ Verð-
inu er stillt mjög í hóf en 100 grömm kosta
179 kr. með sælgæti, ávöxtum og sósu en
til samanburðar eru um 100 grömm af
barnaís víða seld á 220 krónur.
Ánægðasta viðskiptavinahópinn segir
Einar vera börnin. „Krakkarnir eru voða
hrifnir af þessu. Foreldrarnir eru alveg
á bremsunni meðan krakkarnir hanga á
sveifinni,“ segir Einar og hlær. Hann bætir
við að fyrirtækið sé með góð tilboð fyrir
afmælisbörn og vinsælt sé að bjóða vinum
upp á ís á afmælisdaginn: „Því hvert er
skemmtilegra að fara ef maður á afmæli?“
FÆRA ÚT KVÍARNAR
Síðan fyrsta Yoyo ísbúðin opnaði hefur
farið af stað hálfgert jógúrtísæði á Ís-
landi. Í kjölfarið hafa fleiri ísbúðir í svip-
uðum dúr verið opnaðar, án þess þó
að slá á vinsældir Yoyo. Að sögn Einars
leitar fyrirtækið nú að húsnæði fyrir nýja
búð á höfuðborgarsvæðinu og aðra á
Akureyri.
Fyrirtækið hefur einnig hafið starfsemi
utan landsteinanna með góðum árangri.
„Það eru allir mjög hrifnir þarna úti.
Spánverjarnir alveg gleypa þetta í sig,“
segir Einar en Yoyo er með útibú á Beni-
dorm og í Alicante á Spáni. „Það er komin
kreppa á Spáni, allir að eyða peningunum
í ís,“ segir Einar hlæjandi og er að vonum
ánægður með vinsældirnar. Yoyo er einn-
ig með útibú í Ríga í Lettlandi og í Vilníus
í Litháen og glæný verslun verður opnuð
á næstu dögum í Vilníus.
FERSKLEIKI ER KJÖRORÐIÐ
YOYO KYNNIR Þrátt fyrir aukna samkeppni hafa vinsældir Yoyo ísbúðanna hvergi dalað og skoða
eigendur nú að opna útibú á landsbyggðinni. Fyrirtækið leggur áherslu á fjölbreytni og skiptir
reglulega um bragðtegundir í ísdælunum. Enginn ætti því að fá leið á Yoyo.
Börnin eru sérstaklega hrifin af jógúrtísnum frá Yoyo.
Gildir út júní 2012