Fréttablaðið - 23.06.2012, Blaðsíða 2

23. júní 2012 LAUGARDAGUR2
HUNGURLEIKARNIR H A ÁFRAMALD
INNBUNDIN
KILJA
DÓMSMÁL Hlífar Vatnar Stefáns-
son hefur játað fyrir dómi að
hafa orðið Þóru Eyjalín Gísla-
dóttur að bana í febrúar. Aðal-
meðferð málsins fór fram í
Héraðsdómi Reykjaness í gær.
Hann stakk hana 30 sinnum. Tvö
stungu sáranna voru lífshættu-
leg. Áverkar á hálsi drógu hana
til dauða.
Hlífar Vatnar gaf skýrslu fyrir
dómnum í gær og bar þá fyrir sig
minnisleysi. „Þetta er ömurlegt,
ég ætlaði aldrei að drepa þessa
manneskju,“ sagði hann í héraðs-
dómi. Hann segir Þóru hafa verið
besta vin sin. Þau hafi verið í
mikilli rítalínneyslu svo hann
gat ekki sagt nákvæmlega til um
það hvenær hann réðst á Þóru.
Hann segist halda að það hafi
verið föstudagskvöldið 4. febrúar
síðast liðinn. Talið er að þau hafi
átt í ástarsambandi.
Talið er að ágreiningur vegna
peninga hafi verið tilefni þess
að Hlífar réðst á Þóru. Það var
ekki fyrr en mánudagskvöldið 6.
febrúar sem hann leitaði til lög-
reglu, upplýsti um morðið og bað
um læknisaðstoð.
Fram kom í framburði vitna
fyrir dóminum í gær að Hlífar
hefði áður beitt Þóru ofbeldi svo
á henni sá.
Faðir Hlífars Vatnars bar vitni
fyrir dómnum og sagðist ekki
hafa vitað af Þóru í herberginu
þar sem hún var myrt. Hann
hefði fundið skrítna lykt í íbúð-
inni á sunnudegi en ekki gert sér
grein fyrir því þá að um nálykt
væri að ræða. Hann sagði að Þóra
hefði verið óvel komin á heimili
þeirra þar sem hún fannst látin.
Hann hefði bannað henni að koma
þangað og vissi ekki að hún væri
þar umrædda helgi.
Frænka Þóru bar vitni fyrir
dómnum og sagði að Þóra og
Hlífar hefðu bæði verið í miklu
„rugli“. Sjálf hefði hún verið
óörugg gagnvart honum og vildi
ekki hitta hann.
Þá bar blóðferlafræðingur lög-
reglunnar vitni og lýsti aðkom-
unni. Lífsýni úr blóði á morðvopn-
inu og úr fórnarlambinu voru
samstæð. Þá fundust í litlu her-
berginu, þar sem Þóra var myrt,
blóðblettir á vegg, á gólfi og stór
blóðferill þar sem greina mátti
hreyfingu fórnarlambsins. Þá
voru blóðtaumar á veggnum og
nokkuð stór blóðblettur við rúm-
gaflinn.
Á líkinu fundust merki um
að Þóra hefði reynt að verjast
árásum en einnig þó nokkur
stungusár sem unnin voru eftir
andlát hennar.
Sigurður Páll Pálsson geð-
læknir sá um að meta geðheil-
brigði Hlífars og sagði hann
iðrast þrátt fyrir að hann reyndi
að verjast hugsunum um at-
burðinn og umræðu um hann.
Saksóknari fór fram á það
í héraðs dómi í gær að Hlífar
Vatnar yrði dæmdur í 16 ára
fangelsi og til greiðslu alls sakar-
kostnaðar. birgirh@frettabladid.is
Líkið lá í minnst tvo
daga í herberginu
Hlífar Vatnar stakk Þóru Eyjalín 30 sinnum þegar hann myrti hana í febrúar.
Hann gaf sig sjálfur fram tveimur dögum eftir árásina. Hlífar hafði áður beitt
hana ofbeldi. Tilefni árásarinnar er talið hafa verið peningadeilur.
Í JÁRNUM Hlífar Vatnar var leiddur fyrir dóminn í járnum í fylgd lögreglu. Hann hefur
játað morðið á Þóru fyrir dómi og geðlæknir segir hann iðrast gerða sinna.
FRÉTTABLAÐIÐ/GVA
MENNING Í sumar efnir Borgar-
bókasafnið og Reykjavík Bók-
menntaborg UNESCO til sumar-
lesturs fyrir börn á öllum aldri.
Til að taka þátt þarf að koma við
í einu af sex söfnum Borgarbóka-
safnsins þegar bók hefur verið
lesin og skrifa nafn sitt, aldur,
heiti bókar og símanúmer á blað
í formi sólargeisla. Geislanum er
svo komið fyrir á lestrarsólinni
sem skáldfákurinn Sleipnir gætir
í söfnunum.
Í hverri viku verður einn bóka-
ormur dreginn úr pottinum. Sá
fær bók að launum frá For laginu
og verður jafnframt kynntur
á Krakkasíðu Fréttablaðsins. Í
sumarlok verður svo dregið úr
nöfnum allra þátttakenda sum-
arsins. Sá ljónheppni sem kemur
upp úr pottinum þá fær reiðhjól
frá Erninum. - hhs / sjá síðu 34
Krakkar hvattir
til sumarlesturs
BÓKAORMUR Í hverri viku í sumar
verður nýr bókaormur dreginn úr potti
Borgarbókasafns og kynntur á Krakka-
síðu Fréttablaðsins. Muhammed Faisal
Ólafsson er fyrsti vinningshafinn.
DÓMSMÁL Saksóknari í máli Barkar Birgissonar fer
fram á fjögurra mánaða fangelsisdóm fyrir að hrækja
á skikkju dómara og kalla til hans ókvæðisorð.
Börkur er ákærður fyrir brot gegn valdstjórninni.
Aðalmeðferð málsins fór fram í Héraðsdómi
Reykjavíkur í gærmorgun. Þegar verið var að leiða
Börk inn í húsið laust fyrir klukkan níu, hljóp að
honum ungur maður í annarlegu ástandi og reyndi
að rétta honum úlpu. Lögreglumenn ráku manninn
í burtu, en hann fór þá inn aðaldyramegin og hóf
að stympast við lögreglumennina. Að sögn frétta-
manns RÚV á staðnum hvatti Börkur manninn til
dáða á meðan, en hann var svo handtekinn og færður
í fangageymslur. Samkvæmt upplýsingum frá lög-
reglunni á höfuðborgarsvæðinu var ekkert ólög-
mætt í úlpunni og ekki ljóst hvað manninum gekk til,
en hann var í annarlegu ástandi. Málið er litið afar
alvarlegum augum og verður ekki lokið með sektar-
greiðslum. Þannig verður hann líklegast ákærður
fyrir brot gegn valdstjórn.
Börkur játaði fyrir dómi að hafa hrækt á dómara í
Héraðsdómi Reykjaness á dögunum, en kvaðst hafa
beint orðinu „tussa“ að öðrum einstaklingi í salnum.
Auk þessara brota er Börkur ákærður fyrir fjölmörg
ofbeldisbrot ásamt Annþóri Kristjáni Karlssyni og
fleirum. Börkur og Annþór eru að auki grunaðir um
að hafa orðið samfanga sínum að bana á Litla-Hrauni.
- sv
Börkur Birgisson viðurkenndi að hafa hrækt á dómara og sagt „tussa“ í dómsal:
Vill fjögurra mánaða fangelsi
LEIDDUR FYRIR DÓMARA Börkur huldi andlit sitt með lamb-
húshettu þegar hann var leiddur inn í dómsal í Héraðsdómi
Reykjavíkur í gær. FRÉTTABLAÐIÐ/ANTON
UMHVERFISMÁL Átta milljónir
skilagjaldsskyldra áldósa lenda
í almennu heimilissorpi lands-
manna á ári hverju. Með þessum
hætti verða Íslendingar af and-
virði 112 milljóna króna árlega.
Fram kemur í Drögum að
landsáætlun um meðhöndlun
úrgangs að líklega mætti tvö-
falda þessa tölu ef plast- og gler-
umbúðir væru reiknaðar með.
Þetta þýðir að samanlagt verða
íslenskir neytendur af 224 millj-
ónum á ári hverju með þessum
hætti. - ktg
Verðmæti í umbúðum:
224 milljónum
hent í ruslið
NÁTTÚRA Íslenska verkefnið Vox
Naturae var kynnt á ráðstefnu Sam-
einuðu þjóðanna um umhverfismál,
sem haldin er í Brasilíu. Verkefninu
er ætlað að bregða ljósi á mikilvægi
jökla og íss og þau áhrif sem hlýnun
jarðar hefur.
Dr. Ania Grobicki, aðalritari sam-
takanna Global Water Partnership,
en það eru stærstu alþjóðasamtök
um sjálfbæra notkun á vatnsauð-
lindum jarðar, fjallaði um verk-
efnið. Hún sat í pallborði á fundi
um mikilvægi fjallgarða fyrir hið
græna hagkerfi, ásamt ráð herrum
og forsvarsmönnum alþjóða-
stofnana.
Verkefnið Vox Naturae felst
meðal annars í gjörningi við Svína-
fellsjökul, en í september 2013 verð-
ur jökullinn lýstur upp og tónlist
Bergljótar Arnalds, sem byggir á
hljóðum jökla, ljær jöklinum rödd.
Þá verður hleypt af stokkunum
alþjóðlegum verkefnum varðandi
áhrif loftslagsbreytinga á jökla, ís
og vatn.
Páll Ásgeir Davíðsson, fram-
kvæmdastjóri Vox Naturae, segir
mikilvægt að verkefnið hafi fengið
þessa kynningu í Brasilíu. Hann
segir vandamálið varðandi lofts-
lagsbreytingar það að þær gerist
svo hægt að erfitt sé að sjá þær.
„Skýrasta merkið sem náttúran
sendir okkur er bráðnun íss og
jökla. Ísinn er hitamælir jarðar-
innar og við hér í norðri berum
ákveðna ábyrgð. Með okkar sagna-
hefð og nálægð við jöklana getum
við sýnt heiminum hvað er að gerast
fyrr en nokkur annar.“
Dr. Grobicki sagði á fundinum
að Ísland yrði vettvangur fyrir ein-
staka vitundarvakningu um vægi
íss og jökla fyrir mannkynið allt.
- kóp
Íslenska verkefnið Vox Naturae var kynnt á umhverfisráðstefnu Sameinuðu þjóðanna í Brasilíu:
Ísland vitundarvakning um mikilvægi jökla og íss
SVÍNAFELLSJÖKULL Jökullinn verður
lýstur upp í september 2013 undir
tónlist Bergljótar Arnalds.
FRÉTTABLAÐIÐ/VILHELM
ÁSTRALÍA Fornleifafræðing-
ar í Ástralíu fundu um fimm-
tíu beinagrindur af svokölluð-
um risavömbum í Queensland í
gær. Beinin munu líklega gefa
vísinda mönnum betri skýringar
á því hvers vegna tegundin dó út.
Risavambi er stærsta poka-
dýr sem uppi hefur verið og
getur poki þess rúmað fullvaxna
manneskju. Þeir lifðu á plöntum
og voru á stærð við nashyrn-
ing. Talið er að beinagrindurnar
sem fundust í gær séu á bilinu
100 þúsund til 200 þúsund ára
gamlar. Ástralir kalla uppgötv-
unina „Gullnámu fornleifafræð-
inga“. - sv
Gullnáma fornleifafræðinga:
Fundu fimmtíu
beinagrindur
ÁSTRALSKUR RISAVAMBI Pokinn á maga
risavambans var nægilega stór til að
rúma fullvaxta mann. NORDICPHOTOS/AFP
Sigurjón, voru einhver klækja-
brögð á bak við þetta?
„Nei, en það voru brögð í tafli hjá
ýmsum öðrum.“
Sigurjón Pálsson hlaut á fimmtudag
Blóðdropann, hin íslensku glæpasagna-
verðlaun, fyrir bók sína Klæki.
Ekki beint flug til Egilsstaða
Iceland Express hefur hætt við beint
flug á milli Egilsstaða og Kaupmanna-
hafnar í sumar. Illa gekk að selja flug-
sætin. Ríkisútvarpið greindi frá.
FLUGSAMGÖNGUR
SPURNING DAGSINS