Fréttablaðið - 23.06.2012, Blaðsíða 28

FÓLK|MATUR
FÓLK ER KYNNINGARBLAÐ sem býður auglýsendum að kynna vörur og þjónustu í formi
viðtala og umfjallana ásamt hefðbundnum auglýsingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir | Sölumenn: Jónína María Hafsteinsdóttir,
jmh@365.is, s. 512 5473 | Sverrir Birgir Sverrisson, sverrirbs@365.is, s. 512 5432 | Elsa Jensdóttir, elsaj@365.is, s. 512-5427
Á Íslandi búa 300.000 pylsusér-fræðingar. Íslendingar vita ná-kvæmlega hvernig pylsa á að
vera, jafnvel þótt þeir séu ekkert endi-
lega sammála. Flestir eiga sér eftir-
lætispylsuvagn og sá sem er í upp-
áhaldi hjá mörgum er Pylsuvagninn í
Laugardal.
Pylsuvagninn opnaði fyrst sem vagn
á hjólum fyrir 30 árum. Hann er nú
fluttur í myndarlegt lítið hús á planinu
fyrir framan Laugardalslaugina. Hann
hefur þó hvergi lagt upp laupana því
það er nóg að gera.
Rekstrarstjórinn, Rada Grbic, hefur
unnið í Pylsuvagninum síðan árið
2009 og líkar það vel. „Íslendingar eru
bæði skemmtilegir og góðir viðskipta-
vinir,“ segir Rada. Fyrir nokkrum árum
hófust viðgerðir á Pylsuvagninum
í Laugardal, að utan sem innan, og
segir Rada allt annað að vinna þar í
dag. „Inni í vagninum er allt nýtt og
það breytir miklu, til dæmis hvað þrif
varðar.“ Vagninn býður upp á að við-
skiptavinir sitji inni meðan þeir borða
pylsuna sína, þar eru hitalampar og
tónlist og allt til alls.
ALLS KONAR PYLSUR
Pylsuvagninn í Laugardal er meðal
annars þekktur fyrir fjölda pylsuteg-
unda á matseðli. Þar er að sjálfsögðu
hægt að fá hina klassísku „eina-með-
öllu“ en Rada segir að vinsælastar séu
frönsku pylsurnar. „Þær eru í heilu
brauði, með ákveðinni sósu og svo
er pylsunni stungið ofan í,“ segir hún
og bætir við að þessar pylsur séu til
dæmis sniðugar fyrir börn því þeim
fylgir minni subbuskapur. Þegar Rada
byrjaði í pylsuvagninum, fyrir fjórum
árum, var franska pylsan um 20% af
sölunni en nú er hún komin upp í
næstum helming sölunnar.
Að auki má finna á matseðli beikon-
vafða pylsu, BBQ pylsu, mexíkóska
pylsu og svokallaða Elvis-pylsu. „Hún
er alveg eins og venjuleg pylsa, með
þessu dæmigerða áleggi en svo er
bætt við kartöflustráum,“ útskýrir
Rada. Hægt er að velja um að fá
pylsurnar sínar steiktar eða soðnar.
Þjóðarréttur Íslendinga er þó alltaf
vinsæll: Pylsa, kók og Prins póló í
eftirrétt.
Mikið er lagt upp úr hráefnunum
í Pylsuvagninum í Laugardal en á
hverjum morgni kemur nýbakað
brauð og Valstómatsósan er ómiss-
andi. Pylsurnar eru SS-pylsur því þær
eru fremstar fyrir bragðið.
ALLTAF NÓG AÐ GERA
Þrátt fyrir að opið sé í Pylsuvagninum
árið um kring er mesta örtröðin á
sumrin. Fólk kemur gjarnan eftir sund-
sprett og fær sér pylsu til að seðja
sárasta hungrið: „Sérstaklega börnin,
þau koma hingað hlaupandi, svöng
eftir sundið,“ segir Rata, hlær og bætir
við að mörg komi jafnvel bæði fyrir og
eftir sundferðina. Klukkan tíu, þegar
sundlaugin lokar, myndast oft röð
fyrir framan Pylsuvagninn en hann er
opinn til hálfellefu.
BESTA PYLSAN Í BÆNUM?
Á sumrin bætast líka ferðamenn við
viðskiptahópinn. Rada segir að þeir
séu afar ánægðir með Pylsuvagn-
inn: „Túristarnir eru margir búnir
að ganga um alla borgina og prófa
hina ýmsu matsölustaði. Þegar þeir
koma hingað segja þeir mjög gjarnan
að þetta sé besta pylsan í bænum!“
Rada segir að sér þyki best þegar fólk
kaupir sér eina pylsu, klárar hana og
kemur svo aftur og segir: „Ó, mig lang-
ar í aðra, þetta var besta pylsa sem ég
hef smakkað!“
ÍSLENDINGAR ERU
SÉRFRÆÐINGAR Í PYLSUM
PYLSUVAGNINN Í LAUGARDAL KYNNIR Íslendingar eru sólgnir í pylsur og hafa sterkar skoðanir á því hvort sinnepið á að vera
ofan á eða undir. Pylsuvagninn í Laugardal á marga fastakúnna og býður upp á alls konar pylsurétti.
ALLIR VILJA
FRANSKAR
alltaf er nóg að gera í
vagninum en frönsku
pylsurnar eru lang-
vinsælastar.
MIKIÐ AÐ GERA
Rekstrarstjóri Pylsuvagnsins,
Rada Grbic, segir Íslendinga
skemmtilega viðskiptavini.
MYNDIR/GVA