Fréttablaðið - 23.06.2012, Blaðsíða 66

23. júní 2012 LAUGARDAGUR38 38
menning@frettabladid.is
Myndlist ★★★★ ★
Síðasta abstraktsjónin
Sýning á verkum Eiríks Smith frá
1964 til 1968
Hafnarborg
Í aðalsal Hafnarborgar, menn-
ingar– og listamiðstöð Hafnar-
fjarðar, stendur nú yfir sýning
á verkum heiðurslistamanns
Hafnar fjarðar, listmálarans
Eiríks Smith, sem fæddur er
árið 1925. Sýningin heitir Síðasta
abstraksjónin og tekur yfir tíma-
bilið frá 1964 til 1968 en eftir árið
1968 sagði Eiríkur skilið við þessa
tegund abstraktlistar, eftir að
hafa verið í miklu „stuði“ þessi ár,
eins og lesa má út úr tilvitn unum
í Eirík sjálfan sem hafa verið
límdar upp á veggi á sýningunni.
Listamannsferill Eiríks er
í senn langur og margbreyti-
legur. Hann hefur fengist við
strangflatarlist, tjáningarríka
ab straksjón, hlutbundin við-
fangsefni og bland af báðu svo
eitthvað sé nefnt. Tímabilin eru
misgóð eins og gengur og gerist,
en 1964–1968 tímabilið hlýtur að
vera á meðal þeirra bestu.
Sýningin í heild sinni er einföld,
snotur og átakalaus í uppsetningu
og verkin sjálf fá þannig tækifæri
til að njóta sín. Það er heldur engin
lognmolla á ferð innan mynd-
flatarins, dökkir litir og breiðar
strokur áberandi, jarð litir koma
við sögu og íslensku fánalitirnir
eru víða áberandi. Sterkar nátt-
úrutilvísanir eru í formum, áferð
og einstaka titlum, og myndir
almennt tjáningarríkar.
Það er ekki erfitt að geta sér
til um áhrifin. Franz Kline og
Willem de Kooning koma upp
í hugann, og íslenskir kollegar
eins og Nína Tryggvadóttir. Í
sýningar skránni segir einmitt
frá því hvernig áhrif frá banda-
rískum abstrakt-expressíonist-
um flæddu inn í list Eiríks eftir
að hann sá sýningu með verkum
þeirra í Tate-safninu í London.
Það er líka freistandi að minn-
ast á Gerhard Richter, þó svo að
líkindi séu kannski ekki bein og
Richter nokkrum árum yngri.
Richter hefur sjálfur gert kraft-
miklar abstraktsjónir með
breiðum spöðum, en hefur einnig
leyft sér, eins og Eiríkur, að fara
úr einum stíl í annan.
Sýningin hefur fremur dökkt
yfirbragð og í fyrri heimsókn
á sýninguna upplifði ég þessar
dökku strokur eins og lista-
maðurinn væri að reyna að loka
á eitthvað. Sú upplifun mildaðist
þó aðeins í annarri heimsókn.
Af athyglisverðum myndum í
ljósari tónum er vetrarlandslag
frá 1967, en hún er aðeins frá-
brugðin þeim stóru og dökku.
Kæruleysisleg, spontant og
skemmtileg. Þá má benda á fal-
lega bláleita mynd án titils frá
1966 og aðra sem heitir Blátt
málverk frá 1966. Þar er eins og
við séum stödd ofan í fjöru, með
hamravegg fyrir ofan og sýn út
á haf til hægri. Svört krumla
teygir sig síðan inn á myndina
frá vinstri til hægri.
Vatnslitahluti sýningarinnar
er ekki eins spennandi og olíu-
hlutinn, enda er listamaðurinn
sterkari í fígúratívum vatnslita-
verkum. Ein mynd innst í horninu
vakti athygli mína, en þar má
greina austurlensk áhrif. Þetta er
gulleit mynd með svartri skrift –
án titils frá 1964.
Glerkassar með greinum og
viðbótarupplýsingum bæta sýn-
ingarupplifunina, en lesefni í
svörtum möppum mætti vera les-
vænna.
Þóroddur Bjarnason
Niðurstaða: Snotur sýning með
kraftmiklum verkum, frá góðu tímabili
á ferli Eiríks Smith.
Dökkar breiðar strokur
SÍÐASTA ABSTRAKSJÓNIN Það er engin lognmolla á ferð innan myndflatarins
hjá Eiríki, dökkir litir og breiðar strokur eru áberandi sem og jarðlitir og íslensku
fánalitirnir. FRÉTTABLAÐIÐ/ERNIR
Akvarell nefnist vatnslita sýning
Lars Lerin sem opnuð verður í
Norræna húsinu í dag klukkan
16. Lars Lerin er einn helsti og
virtasti vatnslitamálari á Norður-
löndum. Hugmyndir sínar sækir
hann í hversdagsleikann, jafnt
náttúruna sem í borgina, en í
verkum hans birtist þessi hvers-
dagsleiki sem bæði kunnuglegur
og framandlegur. Lars Lerin hefur
einnig ferðast mikið og sent frá
sér bækur með myndum frá þeim
ferðalögum. Fyrir nokkrum árum
var hann staddur á Íslandi og úr því
ferðalagi varð til bókin „Grå resa –
februaribrev från Reykjavík“, með
myndum frá höfuðborg Íslands.
Forstjóri Norræna hússins Max
Dager opnar sýninguna og lista-
maðurinn Helgi Þorgils Friðjóns-
son flytur erindi um Lars Lerin.
Sýningin stendur til 12. ágúst.
Lerin í Norræna húsinu
OLYMPUS DIGITAL CAMERA Lars Lerin -
vatnslitamynd
FRAMHALDSSAGA BLEKKINGA Díana Margrét Hrafnsdóttir opnar sýninguna „Framhaldssaga blekkinga“ í sal
Íslenskrar grafíkur í Hafnarhúsinu, Reykjavík, milli klukkan 16 og 18 í dag. Díana túlkar í verkum sínum umfjöllun dagblaðanna
eftir hrunið árið 2008, þegar eldar brunnu, og rauði liturinn er áberandi í verkum hennar. Díana Margrét útskrifaðist frá
Grafíkdeild Listaháskólans árið 2000. Hún hefur síðan haldið nokkrar einkasýningar og tekið þátt í samsýningum.
HVAÐ? HVENÆR? HVAR?
Laugardagur 23. júní 2012
➜ Tónleikar
15.00 Latínband Tómasar R. spilar á
djasstónleikum á Jómfrúnni við Lækjar-
götu. Leikið er utandyra á Jómfrúar-
torginu. Aðgangur er ókeypis.
17.00 Perlur íslenskra einsöngslaga
verða fluttar af Fjólu Nikulásdóttur
sópran, Nathalíu Druzin Halldórsdóttur
mezzosópran og Ástríði Öldu Sigurðar-
dóttur píanóleikara í Kaldalóni í Hörpu.
21.00 Hljómsveitin Árstíðir heldur
tónleika á Græna Hattinum á Akureyri.
22.00 Dúkkulísurnar koma fram ásamt
gestum og hljómsveitinni Ylju á Kaffi
Rósenberg á laugardagskvöldið 23. júní.
Miðaverð er kr. 1.500.
23.00 Hljómsveitin Gestir og gangandi
skemmtir á Ob-La-Dí-Ob-La-Da, Frakka-
stíg 8. Aðgangseyrir er kr. 1.000.
➜ Opnanir
16.00 Díana Margrét Hrafnsdóttir
myndlistarmaður opnar sýninguna
Framhaldssaga blekkinga í sal Íslenskrar
Grafíkur í Hafnarhúsinu Reykjavík.
➜ Hátíðir
11.00 Klúbburinn Geysir stendur
fyrir Geysisdeginum í Skipholti 29.
Nytjamarkaður, Keli og kiðlingarnir leika
nokkur lög og óvæntar uppákomur
verða á deginum en klúbburinn starfar
fyrir fólk sem á eða hefur átt við geð-
ræn vandamál að stríða.
21.00 Tónlistarhátíðin Partíþokan
verður haldin á Seyðisfirði um helgina.
Tónleikar, uppistand, Jónsmessubrenna
og margt fleira. Helgarpassi kostar
3.500 krónur og aðgangur á stakt kvöld
kostar 2.000 krónur.
➜ Tónlist
16.00 Ómar Diðriks og Sveita-
synir halda tónleika í Merkigili, heimili
söngvaskáldanna Jóns Tryggva og Úní,
á Eyrarbakka. Aðgangur er ókeypis en
frjáls framlög eru þegin.
22.00 Sumarskemmtunin Veislu-
fjör 2012 verður á Gamla Bauknum á
Húsavík. Það eru Snorri Helgason, Mr.
Silla og Hugleikur Dagsson sem sjá um
dagskrána. Miðaverð er kr. 2.000.
➜ Listamannaspjall
15.00 Listamannaspjall með Sigtryggi
Berg Sigmarssyni, Helga Þórssyni, Davíð
Erni Halldórssyni og Kristínu Ómars-
dóttur um sýninguna Kosmískir fletir
andanna í Gallerí Ágústi.
➜ Myndlist
13.00 Fimmta samstarfsverkefni
LornaLAB og Listasafns Reykjavíkur á
þessu ári verður haldið í Hafnarhúsinu.
Umsjón með smiðjunni hefur Eric Parr
myndlistarmaður. Aðgangur er ókeypis.
17.00 Katrín I. Jónsdóttir Hjördísar-
dóttir fremur list með samstarfsfólki
sínu í verkefninu contemporary.is í
Galleríi Dverg milli kl. 17 og 18.30.
➜ Samkoma
11.00 Geysisdagurinn verður haldinn
hátíðlegur í Skipholti 29. Klúbburinn
Geysir stendur fyrir deginum, en hann
starfar með fólki sem á eða átt hefur við
geðræn veikindi að stríða. Dagurinn er
fjáröflunar-, skemmti- og fjölskyldudagur
félagsins og lýkur dagskránni kl. 16.
14.00 Heimspekikaffi verður haldið á
Horninu, Hafnarstræti 15. Umræðuefni
dagsins er: Kanntu að lesa tísku? Allir
velkomnir.
Sunnudagur 24. júní 2012
➜ Tónleikar
16.00 Richard Simm leikur verk eftir
Scarlatti, Grieg og einnig eigin útsetn-
ingar á vinsælum íslenskum þjóðlögum
í Gljúfrasteini. Aðgangseyrir er kr. 1.000.
17.00 Perlur íslenskra einsöngslaga
verða fluttar af Fjólu Nikulásdóttur
sópran, Nathalíu Druzin Halldórsdóttur
mezzosópran og Ástríði Öldu Sigurðar-
dóttur píanóleikara í Kaldalóni í Hörpu.
➜ Leiklist
20.00 Einleikurinn Fastur er sýndur á
Norðurpólnum, Seltjarnarnesi. Sýningin
er án orða og hentar öllum frá 10 ára
aldri. Miðaverð er kr. 2.200 en kr. 1.500
fyrir nemendur.
➜ Sýningarspjall
15.00 Sýningastjóraspjall verður í
Artíma Galleríi.
➜ Uppákomur
14.00 Árbæjarsafn stendur fyrir dag-
skrá í tilefni Jónsmessu. Leiðsögn um
safnsvæðið hefst kl. 14. Jónsmessugleði
Félags eldri borgara, Heimilisiðnaðar-
félagsins og Árbæjarsafns hefst kl. 19.15
með göngu frá Stangarhyl 4 sem lýkur
á Árbæjarsafni. Jafnframt verður farin
árleg Jónsmessunæturganga Minjasafns
Reykjavíkur kl. 22.30 frá Árbæjarsafni.
➜ Dansleikir
20.00 Dansleikur Félags eldri borgara
í Reykjavík verður haldin í Stangarhyl 4.
Hljómsveitin Klassík leikur létta dans-
tónlist. Aðgangseyrir er kr. 1.500 en kr
1.300 fyrir félagsmenn FEB.
➜ Tónlist
20.00 Sumarskemmtunin Veislufjör
2012 verður á Vagninum á Flateyri. Það
eru Snorri Helgason, Mr. Silla og Hug-
leikur Dagsson sem sjá um dagskrána.
Miðaverð er kr. 2.000.
➜ Leiðsögn
14.00 Boðið verður upp á leiðsögn
um fornleifauppgröftinn á Alþingisreit á
horni Tjarnargötu og Vonarstrætis. Lagt
verður upp frá Landnámssýningunni
Reykjavík við Aðalstræti 16.
➜ Myndlist
15.00 Fjölskylduleiðsögn og smiðja
í tengslum við sýninguna Gálgaklettur
og órar sjónskynsins verður á Kjarvals-
stöðum, þar sem sérstök áhersla verður
lögð á sjónskynið og ímyndunaraflið.