Fréttablaðið - 23.06.2012, Blaðsíða 72

23. júní 2012 LAUGARDAGUR44
FÓTBOLTI Veigar Páll Gunnars-
son hefur átt erfitt uppdráttar
hjá liðinu sínu, Vålerenga, á tíma-
bilinu. Hann hefur aðeins tekið
þátt í sex af þrettán leikjum liðsins
og er ekki enn kominn á blað.
„Ég hef lítið fengið að spila en
er að vinna í því að breyta þeim
hlutum,“ sagði Veigar Páll en hann
meiddist á undirbúningstímabilinu
og var ekki í leikformi í upphafi
leiktíðar.
„Ég og þjálfarinn ákváðum að
gefa mér tíma til þess að komast
í leikform. Ég gerði það á mánuði
og komst í hörkuform. Ég sat samt
enn á bekknum eftir það. Það er
engin sérstök ástæða fyrir því.“
Veigar segir að samstarf sitt og
þjálfarans sé engu að síður gott og
að þjálfarinn hafi ekki misst traust
á honum.
„Hann segir það að minnsta
kosti. Við erum með stóran hóp en
mér finnst persónulega að ég eigi
að spila hvern einasta leik hérna.
Það er samt allt gott á milli okkar
þjálfarans. Hann velur menn á
undan mér en ég hef verið í liðinu
í síðustu tveimur leikjum þannig
að þetta er að koma.“
Sóknarmaðurinn segir það
aldrei hafa komið til greina að
kasta inn hvíta handklæðinu og
koma heim.
„Ég er sáttur hérna þrátt fyrir
allt. Ég stefni á að vera í Noregi
í tvö til þrjú ár í viðbót. Svo kem
ég heim og spila fótbolta þar áður
en ég hætti,“ sagði Veigar Páll
en er alveg klárt að hann fari þá
í Stjörnuna er hann kemur heim?
„Það verður gaman að koma
heim og spila fótbolta þar. Ég vil
ekki missa af því. Það er lík legast
að ég fari í Stjörnuna en ég þori
ekki að staðfesta það. Ég er líka
mikill KR-ingur þannig að ég spila
líklegast með öðru hvoru liðinu
þegar ég kem heim.“ - hbg
Veigar Páll Gunnarsson er ekki á heimleið þó svo það hafi ekki gengið vel á þessari leiktíð í Noregi:
Finnst ég eigi að spila hvern einasta leik hérna
MARKAÞURRÐ Veigar er ekki enn kominn á blað í norska boltanum á þessari leiktíð.
FRÉTTABLAÐIÐ/ANTON
HANDBOLTI Knútur Hauksson,
formaður HSÍ, segir að það sé
yfirlýst stefna stjórnar HSÍ að
tilkynna ekki um ráðningu nýs
landsliðsþjálfara karla fyrr en
eftir Ólympíuleikana í London.
Eins og kunnugt er mun Guð-
mundur Guðmundsson láta af
störfum að loknum leikunum
eftir glæstan feril með landsliðið.
Knútur segir að HSÍ vilji ekki
trufla undirbúning landsliðsins
fyrir ÓL með fréttum af lands-
liðsþjálfaramálum.
Einar Einarsson, for maður
landsliðsnefndar HSÍ, leiðir
leitina að nýjum landsliðsþjálfara
og hann var illfáanlegur til þess
að tjá sig mikið um gang mála.
„Við erum að vinna í þessum
málum og höfum sem betur fer
góðan tíma til þess,“ sagði Einar,
en er búið að ræða við einhverja
aðila?
„Við erum búnir að þreifa á
nokkrum. Hversu mörgum vil ég
ekki segja. Við skulum bara leyfa
landsliðinu að undirbúa sig fyrir
leikana og sjá svo til hvað gerist.“
- hbg
Landsliðsþjálfaramál HSÍ:
Enginn ráðinn
fyrr en eftir ÓL
GUÐMUNDUR Er að fara á sitt síðasta
mót með landsliðinu. FRÉTTABLAÐIÐ/VILHELM
KÖRFUBOLTI LeBron James getur
loksins kallað sig NBA-meistara
eftir 121-106 sigur Miami Heat
á Oklahoma City Thunder í
fyrrinótt í fimmta leik liðanna í
úrslitaeinvígi NBA-deildarinnar.
James varð meistari í sínum
804. leik í NBA og á sínu níunda
tímabili en hann er á sama
aldursári og Jordan þegar „His
Airness“ vann sinn fyrsta titil
(af sex) fyrir 21 ári síðan. James
er reyndar nokkuð yngri. Jordan
vann titilinn þegar hann var 28
ára, 3 mánaða og 26 daga gamall
en James var 27 ára, 5 mánaða og
22 daga gamall í gær.
James átti þarna enn einn
stórleikinn í einvíginu og endaði
hann með þrefalda tvennu;
26 stig, 13 stoðsendingar
og 11 fráköst. Aðeins fjórir
aðrir leikmenn í sögu NBA-
deildarinnar hafa tryggt sér
titilinn með þrefaldri tvennu;
Tim Duncan (2003), James
Worthy (1988), Larry Bird (1986)
og Magic Johnson (1982 og 1985).
James var kosinn besti
leikmaður NBA-deildarinnar
í vetur og fylgdi því eftir með
því að vera líka kosinn besti
leikmaður úrslitanna. Hann er
fyrsti leikmaðurinn í níu ár sem
hlýtur bæði þessi verðlaun og það
eru einnig liðin níu ár síðan besti
leikmaður deildarinnar varð líka
NBA-meistari. Síðastur á undan
James til að afreka tvennuna
og vinna titilinn sem besti
leikmaður deildarinnar var Tim
Duncan með San Antonio Spurs
tímabilið 2002 til 2003. - óój
LeBron James NBA-meistari:
Níu ára bið eftir
hring á enda
SÖGULEGUR LeBron James var með 697
stig, 224 fráköst og 129 stoðsendingar
í úrslitakeppninni en enginn hefur áður
náð öllum þessum tölum í einni úrslita-
keppni í sögu NBA. NORDICPHOTOS/GETTY
HANDBOLTI Íslenska kvenna-
landsliðið lenti í erfiðum austan-
tjaldsriðli í úrslitakeppni Evrópu-
mótsins sem fer fram í Serbíu frá
4. til 16. desember. Ísland er í riðli
með Rúmeníu, Rússlandi, Svart-
fjallalandi og fer riðill stelpnanna
fram í Vrsac eða sama stað og
íslenska karlaliðið spilaði á EM í
janúar.
Með þremur toppþjóðum
„Þetta er hrikalega erfiður riðill,
það verður að segjast eins og er
því við lendum í riðli með þremur
algerum toppþjóðum,“ sagði Rakel
Dögg Bragadóttir, sem var fyrir-
liði íslenska kvennalandsliðsins
áður, en sleit krossband skömmu
fyrir HM í Brasilíu í lok síðasta
árs.
„Þetta er hörkuriðill og gríðar-
lega sterkar þjóðir. Það er ótrúlegt
að við spiluðum við bæði Rússa og
Svartfjallaland á síðustu tveimur
stórmótum. Það er furðulegt að við
lendum alltaf á móti þeim,“ segir
Ágúst Þór Jóhannsson landsliðs-
þjálfari og Rakel var líka alveg til
í að mæta „nýjum“ þjóðum. „Það
eina sem er kannski fúlt er að
vera að lenda alltaf á móti sömu
þjóðunum því það væri gaman
að fá að spila við hinar þjóðirnar
líka,“ sagði Rakel í léttum tón.
Þetta er þriðja stórmót íslensku
stelpnanna í röð en þær voru
einnig með á EM 2010 og á HM
2011 sem fram fór í Brasilíu.
Íslenska kvenna la ndsl iðið
ætti vera farið að þekkja lið
Svartfjallalands vel því liðið hefur
verið með Svartfellingum í riðli á
öllum þremur stórumótum sínum.
Bara rétt á eftir þeim bestu
„Þetta verður hrikalega erfitt og
fyrir fram spá spekingar okkur
ekki mörgum sigrum en svo
framar lega sem við höfum trú á
þessu þá er margt sem getur gerst.
Við sýndum það alveg síðast þegar
við komum vel á óvart í Brasilíu.
Við erum bara rétt á eftir þessum
bestu þjóðum að mínu mati. Það
telur mikið að hafa upplifað þetta
á tveimur stórmótum í röð. Þetta
er hrikalega erfiður riðill en við
förum bjartsýnar á þetta mót með
trú á okkur sjálfum,“ sagði Rakel
Dögg en hún stefnir á að vera
komin í gott form fyrir EM eftir
að hafa slitið krossband rétt fyrir
HM í Brasilíu.
Ágúst þekkir væntanlega mót-
herja vel og getur undirbúið liðið
vel fyrir mótið. „Við þekkjum
ágætlega inn á þessi lið og svo
eru Svartfellingar og Rússar líka
inni á Ólympíuleikunum í haust.
Það á að vera auðvelt að fá efni
með þeim og vonandi verðum við
í fínu standi í desember,“ sagði
Ágúst og bætti við: „Það hefði
verið gaman að spila við Dani en
svona er þetta. Þetta eru þjóðir
sem spila 6:0 varnar leik og svo lítið
þungan handbolta en það hentar
kvennalandsliðinu ágætlega að
spila á móti þessum þjóðum. Ég
er ekkert smeykur en ég er klár
á því að þetta verður strembið,“
segir Ágúst.
Landi hans Þórir Hergeirsson,
þjálfari heims- og Evrópumeist-
ara Noregs, gat aftur á móti verið
kátur með sinn riðil en Norðmenn
eru með Úkraínu, Serbíu og Tékk-
landi. „Norðmenn fengu lang-
þægilegasta riðilinn og voru mjög
heppnir með riðil,“ sagði Ágúst
og Rakel er sammála. „Norð-
mennirnir fara auðveldlega í gegn-
um þann riðil,“ segir Rakel.
Þurfa að nýta tímann vel
„Það hefði reyndar verið sama í
hvaða riðil við hefðum farið í því
það er alltaf mjög erfitt að komast
upp úr svona riðli á EM. Leik-
menn þurfa að nýta tímann vel
fram að EM því það er enn langur
tími í mótið. Ef leikmennirnir
okkar mæta í sínu besta formi þá
er engin spurning að við getum
hugsan lega komið okkur upp úr
riðlinum,“ sagði Ágúst.
ooj@frettabladid.is
Þjálfarinn ekkert smeykur
Kvennalandsliðið í handbolta er með Rúmeníu, Rússlandi og Svartfjalla-
landi í riðli á EM í desember. „Þetta er hrikalega erfiður riðill,“ segir lands-
liðsfyrirliðinn Rakel Dögg Bragadóttir. Léttur riðill hjá þeim norsku.
UNNU SVARTFJALLAND Á HM Íslensku stelpurnar fagna hér 22-21 sigri á Svartfjallalandi í Brasilíu í desember. FRÉTTABLAÐIÐ/PJETUR
FÓTBOLTI Þjóðverjar eru komnir
í undanúrslitin á EM í fótbolta
eftir sannfærandi 4-2 sigur á
Grikkjum í átta liða úrslitum í
gær. Joachim Löw, þjálfari þýska
liðsins, skipti um sóknarlínu
hjá þýska liðinu og tveir af nýju
framherjunum, Miroslav Klose
og Marco Reus, skoruðu í leikn-
um. Hin mörkin gerðu Philipp
Lahm og Sami Khedira. Þjóðverj-
ar mæta annaðhvort Englandi
eða Ítalíu í undanúrslitunum.
Þjóðverjar höfðu mikla yfir-
burði í þessum leik en urðu fyrir
smá áfalli þegar Grikkjum tókst
að jafna gegn gangi leiksins eftir
tíu mínútna leik í seinni hálfleik.
Þjóðverjar svöruðu með tveimur
mörkum á þrettán mínútum og
unnu að lokum mjög öruggan og
sannfærandi sigur sem átti að
vera mun stærri. -óój
Þjóðverjar í undanúrslit á EM:
Besta liðið?
UNGIR OG GÓÐIR Mesut Özil og Marco
Reus voru frábærir. NORDICPHOTOS/GETTY
Riðlarnir á EM kvenna
A-riðill (Belgrad): Noregur, Úkraína,
Serbía og Tékkland
B-riðill (Nis): Svíþjóð, Frakkland,
Danmörk og Makedónía
C-riðill (Novi Sad): Króatía, Þýskaland,
Ungverjaland og Spánn
D-riðill (Vrsac): Rúmenía,
Svartfjallaland, Rússland og Ísland
sport@frettabladid.is
HEIL UMFERÐ fer fram í Pepsi-deild kvenna á morgun og stórleikur 7. umferðarinnar er viðureign toppliðs Þór/KA og
liðs ÍBV sem er í 3. sæti eftir þrjá sigra í röð. Leikurinn hefst klukkan 15.00 á Þórsvelli en hann er líka í beinni útsendingu
á Stöð 2 Sport og Vísi. Aðrir leikir dagsins eru: Valur-FH, Selfoss-Fylkir, KR-Breiðablik og Stjarnan-Afturelding. Leikirnir
hefjast klukkan 14.00 nema sá síðastnefndi en hann byrjar klukkan 17.00 í Garðabænum.