Fréttablaðið - 18.10.2012, Side 8

18. október 2012 FIMMTUDAGUR8
Meðaleyðsla aðeins
3,8 lítrar á hverja 100 km**
www.volkswagen.is
Sparnaðarráð
frá Þýskalandi
Volkswagen Golf BlueMotion
Komdu og reynsluaktu Volkswagen Golf
** Miðað við blandaðan akstur á beinskiptum
Volkswagen Golf BlueMotion 1.6
A
uk
ab
ún
að
ur
á
m
yn
d:
1
8”
á
lfe
lg
ur
Golf k ostar ða eins frá
3.390.000 kr.
Sigurvegari
í sparakstri *
* Volkswagen Golf var sigurvegari í árlegri sparaksturskeppni Atlantsolíu 2012, í flokki dísilbíla 1.4-1.6 cc.
Starfshópur leggur til að stofnað verði embætti um málefni fátækra í forsætisráðuneytinu:
Velferðarreiknir til að eyða fátæktargildrum
FÉLAGSMÁL Tilmæli í nýrri skýrslu
um fátækt á Íslandi falla mörg að
vinnu sem þegar hefur verið lagt í
af hálfu ríkisstjórnarinnar. Þetta
kom fram í máli Jóhönnu Sigurð-
ardóttur forsætisráðherra þegar
hún í gærmorgun veitti viðtöku
skýrslunni „Farsæld: Baráttan
gegn fátækt á Íslandi“ frá Sam-
starfshópi um enn betra samfélag.
Starfshópurinn er afrakstur
ákvörðunar fulltrúa Hjálparstarfs
kirkjunnar og Rauða krossins í
Reykjavík um að leita til félaga og
stofnana um samstarf til að bregð-
ast við fátækt. Skýrslan er hluti af
þeirri vinnu.
Vilborg Oddsdóttir, félags-
ráðgjafi hjá Hjálparstarfi kirkj-
unnar, sagði sérstaklega mikil-
vægt að taka á kerfisbundnum
fátæktargildrum, svo sem þar
sem styrkveiting á einum stað, til
dæmis námsstyrkur, yrði til þess
að drægi úr framfærslustyrk á
öðrum stað. Í niðurstöðum hópsins
segir meðal annars að líta þurfi
dagsins ljós „velferðarreiknir“ þar
sem hægt sé að sjá samspil marg-
víslegra félagslegra úrræða.
Þá er lagt til að stofnað verði
embætti um málefni fátækra hjá
forsætisráðuneyti og heilbrigðis-
þjónusta barna verði gjaldfrjáls
með öllu.
Jóhanna sagði mikilvægt að
berjast gegn fátækt í samfélaginu.
„Við sjáum ýmis merki í samfé-
laginu um að gera þurfi miklu
betur á vissum sviðum.“ Hún
benti á að á vinnumarkaði væru
60 þúsund manns sem bara væru
með grunnskólapróf og að í hópi
atvinnulausra væri helmingurinn
bara með grunnskólapróf.
„Ég fer með þessa skýrslu inn
í ríkisstjórn og ræði hana þar,“
sagði forsætisráðherra og kvað
ríkisstjórnina myndu styðja við
tillögur hópsins. - óká
SÝRLAND, AP „Sýrlendingar eru að
grafa hundruð manna á hverjum
degi, þannig að ef þeir grafa færra
fólk þá daga sem hátíðin stend-
ur yfir, þá gæti það orðið upphaf-
ið að því að Sýrland snúi aftur frá
því hættulega ástandi sem landið
er enn að sökkva æ dýpra í,“ sagði
Lakhdar Brahimi, sérlegur frið-
arerindreki Sameinuðu þjóðanna og
Arababandalagsins gagnvart Sýr-
landi. Hann skorar á stjórnarher-
inn og uppreisnarmenn að leggja
niður vopn í fjóra daga frá og með
26. október þegar fórnarhátíð mús-
líma hefst.
Brahimi skorar á sýrlensku
stjórnina að taka fyrsta skrefið, því
uppreisnarmenn hafi heitið því að
virða vopnahléið ef stjórnarherinn
leggur niður vopn.
Brahimi segist reyndar ekki gera
sér miklar vonir. Hann hafi enga
ákveðna friðaráætlun sambærilega
því sem forveri hans, Kofi Annan,
reyndi að fá uppreisnarherinn og
stjórnarherinn til að vinna eftir.
Bæði stjórnarherinn og uppreisn-
armenn hafa áður undirritað vopna-
hléssamkomulag, en síðan ekki virt
slíkt samkomulag þegar á reyndi.
Jafnvel hugmyndin um þetta
fjögurra daga vopnahlé virðist and-
vana fædd, því Sýrlandsstjórn virt-
ist hafna henni áður en Brahimi tók
til máls.
„Annars vegar eru fulltrúar
ríkisins, stjórnin og stjórnarher-
inn, en hver er hins vegar?“ var
spurt í leiðara ríkisdagblaðsins Al-
Thawra.
Uppreisnarsveitirnar eru í reynd
sundraðar. Þær hafa engan sameig-
inlegan leiðtoga, eru oft á öndverð-
um meiði og talast sumar ekki við.
Stjórnvöld í Tyrklandi, Sádi-
Arabíu og Katar hafa sýnt mál-
stað uppreisnarmanna samúð og
eru talin hafa veitt þeim aðstoð
við að vígbúast og jafnvel útvegað
þeim vopn. Íran og Rússland styðja
hins vegar Sýrlandsstjórn og hafa
útvegað stjórnarhernum fullkom-
inn vopnabúnað.
„Þessi lönd verða að átta sig
á því,“ sagði Brahimi, „að þetta
ástand helst ekki innan landamæra
Sýrlands til eilífðar.“
Borgarastríðið í Sýrlandi hefur
að öllum líkindum kostað meira
en 33 þúsund manns lífið. Meira
en milljón manns hefur hrakist á
flótta og er á vergangi innanlands,
auk þess sem hundruð þúsunda hafa
flúið yfir landamærin til nágranna-
landanna. gudsteinn@frettabladid.is
Vopnahlé á fórnarhá-
tíð gæti skipt sköpum
Lakhdar Brahimi, erindreki Sameinuðu þjóðanna og Arababandalagsins gagn-
vart Sýrlandi, skorar á stjórnarherinn og uppreisnarmenn að leggja niður vopn
í fjóra daga meðan fórnarhátíð múslima er haldin síðar í þessum mánuði.
Á GÖTU Í ALEPPO Sýrlensk kona gengur fram hjá bifreið sem eyðilagðist í sprengju-
árás. NORDICPHOTOS/AFP
NOREGUR Friðarviðræður milli
skæruliðasveitanna FARC og
Kólumbíustjórnar hófust í Ósló
í gær. Þetta er í annað sinn sem
reynt er að semja af alvöru um
frið við skæruliðana, sem áratug-
um saman hafa barist við stjórn-
arherinn í Kólumbíu.
Skæruliðarnir hafa verið með
stórt svæði í Kólumbíu á sínu
valdi, hafa tekið gísla og tekið
þátt í fíkniefnasmygli í fjáröfl-
unarskyni, en segja baráttu sína
hafa miðað að því að koma á fót
sósíalisma í Kólumbíu.
Viðræðurnar áttu reyndar að
hefjast á mánudag, en drógust
vegna deilna um túlk. - gb
Skæruliðar í Kólumbíu:
Friðarviðræður
hafnar í Ósló
HALDIÐ TIL ÓSLÓ Sendinefnd Kólumbíu-
stjórnar á flugvellinum í Bógóta.
NORDICPHOTOS/AFP
LÍBÍA, AP Uppreisnarmenn í
Líbíu tóku tugi stuðningsmanna
Múammars Gaddafí, og líklega
hann sjálfan, af lífi án dóms og
laga þegar þeir náðu heimabæ
hans, Sirte, á vald sitt fyrir einu
ári.
Þetta fullyrða mannréttinda-
samtökin Human Rights Watch,
sem hafa sent frá sér skýrslu um
mannréttindabrot uppreisnar-
manna í Sirte.
Gaddafí sjálfur féll þegar hann
reyndi að flýja borgina þann 20.
október á lokadögum borgara-
styrjaldarinnar í Líbíu. - gb
Mannréttindabrot í Líbíu:
Uppreisnarliðið
tók tugi af lífi
DANMÖRK Fimmtungur Dana
gengst við því að hafa ekið bíl
undir áhrifum áfengis. Þetta
kemur fram í könnun sem var
gerð fyrir blaðið MetroXpress.
Um er að ræða alvarlega
meinsemd í umferðarmenningu
Dana. Í fyrra voru til dæmis 50
dauðsföll rakin til ölvunarakst-
urs.
Fræðimenn sem blaðið talar
við leggja áherslu á að viðhorfs-
breytingar sé þörf og almenn-
ingur verði að taka afstöðu gegn
ölvunarakstri. Hluti af því sé að
grípa í taumana þegar vinir og
kunningjar hyggjast aka undir
áhrifum. - þj
Könnun í Danmörku:
Fimmti hver
Dani gengst við
ölvunarakstri
Hálfs árs fangelsi
Héraðsdómur Reykjaness hefur dæmt
tæplega fertugan karl í sex mánaða
fangelsi fyrir að hafa ætlað að selja
289 grömm af amfetamíni. Eitur-
lyfin fundust á heimili mannsins í
Hafnarfirði. Manninum er jafnframt
gert að greiða málskostnað.
DÓMSMÁL
FLIPPAÐUR TÍGUR Þessi mynd náðist
af tígrisdýri í dýragarðinum í Frankfurt
í Þýskalandi í vikunni. Ekki fylgdi
sögunni hvort kisi ullaði af reiði, var
svona rosalega hissa eða ákvað bara
að bregða á leik fyrir myndavélina.
NORDICPHOTOS/AFP
Við sjáum ýmis merki
í samfélaginu um
að gera þurfi miklu betur á
vissum sviðum.
JÓHANNA SIGURÐARDÓTTIR
FORSÆTISRÁÐHERRA