Fréttablaðið - 18.10.2012, Blaðsíða 54
18. október 2012 FIMMTUDAGUR42 42
menning@frettabladid.is
Leikfélag Akureyrar frum-
sýnir fyrsta verk vetrarins
annað kvöld, Leigumorð-
ingjann eftir Finnann Aki
Kaurismäki í leikstjórn
Egils Heiðars Antons Páls-
sonar. Aðalbjörg Árnadóttir
leikkona lýsir því sem mein-
fyndnu verki um stórar til-
vistarlegar spurningar.
Leigumorðinginn eftir Aki Kaur-
ismäki segir frá Henri Boulan-
sen sem missir vinnuna og reynir
í framhaldinu að stytta sér aldur.
Þegar það mistekst ákveður Henri
að ráða sér leigumorðingja til þess
að ljúka verkinu. Eftir að hann
kynnist blómasölustúlkunni Mar-
gréti snýst honum hugur og hyggst
rifta samningnum en það reynist
hægara sagt en gert. Verkið bygg-
ir á kvikmynd Kaurismäki, sem er
einn þekktasti kvikmyndagerðar-
maður Finna, en hér í nýrri leik-
gerð Egils Heiðars Antons Páls-
sonar, sem jafnframt leikstjóri.
„Þetta er mjög fyndið verk,“
segir Aðalbjörg Árnadóttir, sem
leikur í verkinu ásamt Hannesi
Óla Ágústssyni, Önnu Gunndísi
Guðmundsdóttur og Einari Aðal-
steinssyni. „Við áttuðum okkur
eiginlega ekki á því hversu fyndið
það væri fyrr en í vikunni þegar
við fengum áhorfendur á rennsli,
unglinga, og þeir hlógu allan tím-
ann. Finnar eru með svolítið svart-
an húmor, sem höfðar kannski ekki
til allra en þetta virðist ná í gegn.
Engu að síður er þetta verk sem
fjallar um stórar og djúpar tilvist-
arlegar spurningar, kannski gerir
það verkið svona fyndið.“
Aðalbjörg gekk til liðs við Leik-
félag Akureyrar í sumar ásamt
Hannesi Óla sambýlismanni sínum
(svo vill til að Anna Gunndís og
Einar eru líka par). Sem kunnugt
er átti leikfélagið í rekstrarvand-
ræðum og var tvísýnt með afdrif
þess á tímabili áður en Ragnheið-
ur Skúladóttir var ráðinn listrænn
stjórnandi og fengin til að stokka
starfsemina upp. Arnbjörg segir
þau Hannes ekki hafa látið for-
söguna aftra sér frá því að flytja
norður þegar Ragnheiður bauð
þeim starfið. „Sumt fólk er þannig
að maður er alltaf með því í liði og
treystir því. Ragnheiður er ein af
þeim og þegar hún hafði samband
þurftum við ekki að hugsa okkur
tvisvar um. Ég vissi að þetta yrði
skemmtilegt og krefjandi og það
hefur gengið eftir og gott betur.“
Egill Heiðar Anton Pálsson
leikstýrir hér sínu fyrsta verki á
Íslandi eftir nokkurt hlé en und-
anfarin ár hefur hann starfað
mestmegnis á Norðurlöndum og í
Þýskalandi.
„Það hefur verið ákaflega gjöf-
ult að vinna með Agli Heiðari,“
segir Aðalbjörg. „Hann kenndi
mér meðal annars í Listaháskól-
anum – og síðar Hannesi – og end-
urkynnin hafa verið mjög góð.
Hann er mikill leikaraleikstjóri
og sannkallaður fagmaður. Hann
hefur unnið mikið erlendis undan-
farið og safnað þar mikilli reynslu
og það skín í gegn.“
bergsteinn@frettabladid.is
Tilvistarlegar spurningar
og harmræn, finnsk fyndni
SJÁLFSMORÐ Í VERKTÖKU Eftir misheppnaða sjálfsvígstilraun í kjölfar atvinnumissis ræður Henri leigumorðingja til að koma sér
fyrir kattarnef. Blómastúlkan Margrét veldur því að honum snýst hugur en þá er engin leið að hafa upp á verktakanum.
MYND/HEIÐA.IS
Samfélagsstyrkir
Landsbankans
landsbankinn.is 410 4000Landsbankinn
Landsbankinn veitir 10 milljónum króna í samfélagsstyrki,
til 20 verkefna í seinni úthlutun fyrir árið 2012.
Nánari upplýsingar á landsbankinn.is.
Umsóknarfrestur er til 22. október.
Bækur ★★★★ ★
Kattasamsærið
Höfundur: Guðmundur S. Brynjólfsson. Myndskreytingar: Högni
Sigurþórsson
Sæmundur
Bráðfyndin bók fyrir dýravini
Kattasamsærið er önnur
skáldsaga Guðmundar
Brynjólfssonar, en hann
hlaut Íslensku barnabóka-
verðlaunin 2009 fyrir þá
fyrstu, Þvílíka viku. Sú bók
segir frá viðburðaríkum
dögum í lífi Geira (ekki
Haarde, takk) sem ásamt
vinum sínum reynir að
skipuleggja hörkudjamm
til að halda upp á grunn-
skólaprófið. Þeir voru
nú ýmsir kettirnir sem
snigluðust á blaðsíðum
þessarar fyrstu bókar
Guðmundar, þá sér í lagi
heimilisköttur leiðinlegasta
manns í heimi, Lassa
stærðfræðikennara, sem er
sturtað ofan í græna máln-
ingartunnu og er eftir það
aðeins viðraður í hundaól
meðan eigandinn danglar
ólinni út um gluggann á
nýju BMW-drossíunni.
Kettirnir hafa tekið yfir í
nýjustu bók Guðmundar,
Kattasamsærinu, og
berjast gegn illri með-
ferð eigenda sinna. Kattasamsærið segir frá Petru Pott, ungri læðu sem
býr við slæman aðbúnað hjá fjölskyldu sinni. Petra leitar aðstoðar hjá
nágrannahundinum Lúsíusi og hinum klóka högna Hamlet sem starfar
sem svæðisljón á öllum Hjallaveginum og sinnir margvíslegri alhliða
kattaráðgjöf og þjónustu. Með aðstoð Hamlets og Lúsíusar tekst Petru að
fresta nokkrum ferðum „út í sveit“ til dýralæknisins, en hvað gerist þegar
einn fjölskyldumeðlimurinn greinist með kattaofnæmi? Geta Hamlet og
Lúsíus bjargað Petru frá sprautu dýralæknisins?
Mig hefur lengi grunað að kettir séu að taka yfir heiminn. Tölvufyrir-
tækið Google sleppti ofurtölvu lausri á veraldarvefinn í sumar og það
fyrsta sem tölvan lærði að þekkja af sjálfsdáðum voru andlit katta.
Guðmundur leikur sér með þessar hugmyndir í Kattasamsærinu, en hinn
lævísi Hamlet rekur yfirgripsmikla leyniþjónustu með ýmsa útsendara á
sínum vegum. Mannfólkið er í aukahlutverki í þessari sögu og köttunum
tekst í sífellu að spilla áætlunum þeirra með klókindum og bellibrögðum.
Sagan er að vissu leyti mjög einföld. Þetta er dæmisaga sem kennir
börnum (og fullorðnum) að við eigum að vera góð við dýrin. Sagan er
sögð frá sjónarhorni Petru Potts sem býr við óöryggi og hræðslu á heimili
sínu þar sem mannfólkið er vont við hana. En sagan er ekki skrifuð í
predikunartón, þvert á móti, Kattasamsærið er stórskemmtileg bók og ég
skellti upp úr þó nokkrum sinnum við lestur hennar.
Sérstaklega vil ég minnast á myndskreytingar bókarinnar, en mynd-
skreytirinn er hinn réttnefndi Högni Sigurþórsson. Teikningar hans eru
gróflega dregnar og bráðfyndnar. Myndskreytingarnar eru órjúfanlegur
hluti af sögunni og prýða næstum hverja einustu opnu í bókinni.
Bókin er prentuð með stórum bókstöfum til að auðvelda lestur fyrir
yngsta lesendahópinn, en sagan er það vel skrifuð og fyndin og svo
skemmtilega myndskreytt að hún ætti líka að höfða til eldri barna og
jafnvel okkar hinna sem komin erum á fullorðinsárin. 10% af verði
hverrar bókar renna til Kattholts sem er eina athvarfið fyrir ketti eins og
Petru Pott hér á Íslandi. Brynhildur Heiðar- og Ómarsdóttir
Niðurstaða: Bráðskemmtileg og fyndin saga, snilldarlega myndskreytt, með
góðan boðskap um manngæsku í garð blessuðu dýranna.
LAXNESSTÓNLEIKAR Kirkjukór Lágafellssóknar blæs til Laxnesstónleika í Lágafellskirkju klukkan 20 kvöld
í tilefni af 110 ára afmæli Halldórs Laxness fyrr á árinu. Auk tónlistarflutnings rifjar Sigurður Hreiðar Hreiðarsson
upp atriði úr tónlistarsögu kirkjunnar, en faðir skáldsins, Guðjón frá Laxnesi, leiddi safnaðarsöng í Lágafellskirkju
fyrir um hundrað árum. Ókeypis er á tónleikana og allir velkomnir.
Uppselt er á söngskemmtunina Ég
veit þú kemur í Salnum Kópavogi
23. og 24. nóvember næstkomandi.
Miðarnir seldust upp í forsölu og
hafa því verið settir á aukatón-
leikar sunnudaginn 25. nóvember.
Björn Thoroddsen gítarleikari
og Kristinn Sigmundsson stór-
söngvari standa að söngskemmt-
uninni en með þeim á sviðinu
verða Sigrún Hjálmtýsdóttir söng-
kona og Gunnar Hrafnsson kontra-
bassaleikari og munu þau flytja
íslensk dægurlög eftir Jón Múla,
Sigfús Halldórsson, Oddgeir Krist-
jánsson og fleiri ástsæl tónskáld.
Miðasala á aukatónleikana hefst í
dag.
Aukatónleikar á sígildar
dægurperlur í Salnum
VINSÆL Björn Thoroddsen, Kristinn
Sigmundsson, Sigrún Hjálmtýsdóttir og
Gunnar Hrafnsson flytja gamlar söng-
perlur í salnum.