Fréttablaðið - 18.10.2012, Síða 34

FÓLK|HEILSA
VONT AÐ SLEPPA MORGUNMAT
Heilalínurit þeirra sem sleppa morgunmat rennir frek-
ari stoðum undir ókosti þess.
Vinsældir jóga hafa vaxið mikið undanfarin ár hérlend-is. Ein tegund jóga sem nýtur
sívaxandi vinsælda er jóga ætlað
eldri borgurum. Fáein ár eru síðan
sá hópur fór að stunda jóga með
skipulögðum hætti. Eva Rún Þor-
geirsdóttir er einn þeirra jógakenn-
ara sem kennir eldri borgurum jóga
með góðum árangri. Hún segir vin-
sældir jóga hafa aukist mikið með
tilkomu hot jóga fyrir fáeinum árum
sem hafi opnað augu margra fyrir
þeim möguleikum sem jóga býður
upp á. „Auðvitað er jóga ekkert nýtt
af nálinni enda um nokkur þúsund
ára heimspeki að ræða. Það sem
hefur hins vegar breyst er hvernig
jóga er nýtt á fjölbreyttari hátt en
áður og fyrir ólíka hópa.“
AÐRAR ÁHERSLUR
Eva segir jóga ætlað eldra fólki hafa
aðeins öðruvísi áherslur. „Við erum
fyrst og fremst að skapa jafnvægi
í víðum skilningi. Það snýst um að
liðka líkamann og liðamótin og gera
um leið styrktaræfingar, á meðan
jóga í líkamsræktarstöðvum er
miklu kröftugra. Við höldum líkam-
anum meira í jafnvægi og notum
einnig öndun og slökun í meira
mæli en hefðbundnir jógatímar.“
Í tímunum er einblínt á einfaldar
æfingar að sögn Evu. Engar dýnur
eru notaðar eins og í hefðbundnum
jógatímum heldur einungis stólar.
„Það eru ekki margir sem ráða við
allar æfingar en allir geta þó stund-
að slökun og öndunaræfingar. Þessi
hugarró er kjarninn í jóga þótt búið
sé að markaðssetja jóga sem fyrst
og fremst tæki fyrir líkamsrækt, en
grunnurinn í spekinni er að skapa
jafnvægi hjá sjálfum sér og tengja
saman líkamann og hugann.“
SLÖKUN ER GÓÐ
Eva segir flestalla hreyfingu og
líkamsrækt vera af hinu góða hjá
eldra fólki. „Á meðan flest fólk lítur
á líkamann og hugann sem aðskilda
hluti þá sameinar jóga þessa tvo
þætti. Öll hreyfing er góð, sama
á hvaða aldri þú ert. Jóga færir
fólki meðvitund um að það skiptir
máli hvernig það andar og hvernig
öndun hefur áhrif á líðan þess.
Einnig að slökun sé góð og að fólk
geti haft mikil áhrif á það hvernig
líkaminn slakar á.“
Að hennar sögn er til dæmis
jóga, ganga og sund frábær blanda
fyrir eldra fólk og í raun fyrir alla
aldurshópa. „Þar blandast saman
ferska loftið, hreyfingin og mýktin
úr sundinu og þessi meðvitund um
líkamann og hugarróin sem kemur
úr jóganu.“
Fyrsti tíminn hjá Evu var í
síðustu viku og hafa móttökurnar
verið góðar. „Það er skemmtilegt
tækifæri að kenna þessum aldurs-
hópi. Ég er nú þegar að kenna
krökkum jóga, ungu fólki í leik-
listardeild Kvikmyndaskóla Íslands
og flottum konum í Baðhúsinu. Það
er svo gaman að vinna með sömu
tæknina og sjá hvernig hún virkar
á ólíka hópa. Allir eiga það þó sam-
eiginlegt að finna einhvers konar
hugarró.“
INN Á MÖRG SVIÐ
Eva segir sívaxandi vinsældir jóga
ekki síst eiga við um nýja hópa, til
dæmis eldri borgara og börn. „Ég
held að jóga sé almennt að færa sig
inn á mörg svið samfélagsins, til
dæmis börn og eldri borgara og í
raun alls kyns hópa sem hafa ólíkar
þarfir sem þarf að huga að en passa
þó ekki inn í þessa klassísku jóga-
tíma.
MARGT SPENNANDI
Það eru margir spennandi mögu-
leikar í boði og fullt af skapandi
fólki sem kennir jóga hér á Íslandi
sem hefur alls kyns reynslu og
menntun og er að gera spennandi
hluti. Þótt að jóga sé gömul speki á
hún svo sannarlega fullt erindi við
nútímann. Það er gaman að hugsa
til þess hvað við hugsum mikið um
nýjungar en svo er jóga hundgam-
alt fyrirbæri sem þó er enn hægt
að móta fyrir margs konar ólíkar
þarfir.“ ■ starri@365.is
JÓGA Á FULLT ERINDI VIÐ NÚTÍMANN
HUGARRÓ Eldri borgarar eru farnir að stunda jóga af kappi hérlendis. Jóga hentar þeim hópi vel í bland við aðra líkamsrækt.
Öðruvísi áherslur eru í jógatímum ætluðum eldra fólki og meiri áhersla lögð á slökun og öndun.
ÞETTA VIRKAR
„Það er svo gaman
að vinna með sömu
tæknina og sjá
hvernig hún virkar á
ólíka hópa,“ segir Eva
Rún Þorgeirsdóttir
jógakennari.
MYND/ANTON
■ MORGUNMATUR DREGUR ÚR LÖNGUN Í ÓHOLLUSTU
Heilalínurit fólks sem sleppir morgunmat gefur til kynna að það sæki
frekar í fituríkan mat síðar um daginn. Þetta kemur fram í breskri
rannsókn sem greint var frá á taugavísindaráðstefnu sem haldin var í
New Orleans á dögunum.
Rúmlega tuttugu manns tóku þátt í rannsókninni. Einn daginn fengu
þátttakendur morgunmat sem innihélt 730 kaloríur en
þann næsta engan. Þeim var annars vegar sýnd mynd af
fituríkum mat og hins vegar fitusnauðum á meðan heila-
línurit var tekið og kom í ljós að breytinga varð vart
í þeim hluta heilans sem stjórnar matarlyst hjá
þeim sem slepptu morgunmat þegar þeir sáu
fituríkan mat. Sams konar breytinga varð ekki
vart er þeir sáu mynd af fitusnauðum mat.
Að heilaskanninu loknu var boðið upp á há-
degismat og borðuðu þeir sem höfðu sleppt
morgunmatnum tuttugu prósentum meira en
þeir sem borðuðu morgunmat.
Því hefur löngum verið haldið fram að morgunmaturinn sé mikilvæg-
asta máltíð dagsins en með því að borða staðgóðan morgunmat helst
blóðsykurinn stöðugur sem dregur úr löngun í óhollustu. Rannsóknin
rennir frekari stoðum undir þá fullyrðingu.
H Ú S G Ö G N
Patti verslun | Dugguvogi 2, 104 Reykjavík
Sími: 557 9510 | Vefsíða: www.patti.is
Verslun okkar er opin:
Virka daga kl. 9-18
Laugardaga kl. 11-16
Sunnudaga lokað
Hornsófinn þinn útfærður eftir þínum óskum
Rín
Verð frá 285.900 kr
Basel
Verð frá 327.900 kr
Aspen-Paris
Verð frá 276.900 kr
Mósel
Verð frá 342.900 kr
Verð áður 227.900 kr
Roma
Aðeins 159.900 kr
Takmarkað magn
Líkamleg og andleg endurhæfing hjá HNLFÍ
Hafðu samband við lækninn þinn
og kannaðu þína möguleika.
Dvöl á Heilsustofnun gefur einstakt tækifæri til að huga að
andlegri og líkamlegri líðan og t.d. koma reglu á hreyfingu,
næringu og svefn.
Læknisfræðileg endurhæfing á Heilsustofnun er góður kostur
og miðar að því að ná mestri mögulegri færni og lífsgæðum
og viðhalda þeim.