Fréttablaðið - 18.10.2012, Blaðsíða 56
18. október 2012 FIMMTUDAGUR44
Bók ★★★ ★★
Magnús Orri Schram
Við stöndum á tímamótum
Leiðarvísir
til hægri
Bók þingmanns-
ins Magnúsar
Orra Schram,
„Við stöndum á
tímamótum“, er
ekki allsherjar-
stefnuyfirlýsing
um hverjar
hugsjónir hans
og áherslur eru
í öllum helstu
málaflokkum. Viðfangsefni bókar-
innar er takmarkað við efnahags-
mál og viðskiptalíf. Bókin er vel
skrifuð, vel rannsökuð og ágætt, en
yfirborðskennt, sagnfræðilegt yfirlit
yfir þá tíma sem við höfum lifað
undanfarin ár.
Það er hins vegar fátt í sýn
Magnúsar Orra sem kemur á óvart.
Hann vill leggja áherslu á nýsköp-
un, markaðssetningu á hreinleika
Íslands, klasamyndun, ferðaþjón-
ustu og „stækkun kökunnar“. Og
hann vill að skattkerfið verði notað
sem hvati. Þá á Magnús Orri beitta
spretti í gagnrýni sinni á íslenskan
vörugjaldastrúktúr, meðal annars
með dæmi um að brauðristir beri
engin vörugjöld en samlokugrill 20
prósent. „Þannig virðist það skipta
hið opinbera máli hvort brauðið
sé ristað lóðrétt eða lárétt,“ segir
Magnús Orri. En allt þetta er eins
og hráefnalýsing á stöðluðum
alþjóðasinnuðum og frjálslyndum
jafnaðarmanni.
Afstaða Magnúsar Orra til
erlendrar fjárfestingar vekur athygli,
sérstaklega vegna þess að hann
hnýtir í sitjandi ríkisstjórn með því
að tiltaka að erlendir fjárfestar telji
„stjórnmálalega áhættu“ vera til
staðar á Íslandi. Það er hárétt hjá
honum, og ástæðuna er meðal
annars að finna í meðförum ríkis-
stjórnarinnar á Magma-málinu
svokallaða og fyrirhugaðri fjár-
festingu Huangs Nubo.
Í efnahagsmálum er stefna
Magnúsar Orra skýr; aðild að
Evrópusambandinu og upptaka
evru mun skapa þann ramma sem
ákjósanlegastur er fyrir einstaklinga
og fyrirtæki til langs tíma. Fyrir
þessu færir hann öll klassísk rök
Evrópusinna og telur upp þær
heimatilbúnu hindranir og van-
kanta sem fylgja þeirri tvöföldu
haftakrónu sem við búum við í dag.
Augljóst er af lestri bókarinnar
að Magnús Orri vill frekar sitja í
markaðssinnaðri ríkisstjórn sem
leggur áherslu á hagvöxt, einfald-
ara tekjuöflunarkerfi og atvinnu-
uppbyggingu en sú ríkisstjórn sem
flokkur hans á aðild að í dag. Í lok
bókarinnar lýsir hann þeirri skoðun
sinni að Samfylkingin sé of mikið
til vinstri. Tækifæri liggi í því að
Sjálfstæðisflokkurinn hafi gefist
upp á því verkefni að vera hægri
flokkur landsins og „eftirláti okkur
jafnaðarmönnum að vera flokkur
atvinnulífs og verðmætasköpunar
á Íslandi“. Ekki er víst að þessi
málflutningur fari vel ofan í marga
hefðbundna jafnaðarmenn með
rætur í verkalýðshreyfingunni.
Vandamál bókarinnar felast í
því að hún er bók. Alls er hún 137
blaðsíður en setja hefði mátt fram
þær áherslur sem Magnús Orri
setur fram á 20 blaðsíðum með
knappari texta og minni moðreyk.
Hann endurtekur í sífellu sömu
röksemdafærslurnar, oft í löngu
máli. Mögulega hefði Magnús Orri
getað sett fram þessa sýn sína í
áðurnefndum málaflokkum með
mun meitlaðri og skýrari hætti í
greinaflokki sem myndi birtast í
fjölmiðlum og síðar án endurgjalds
á netinu. Þannig myndi hann
líklegast líka ná til fleiri en með
því að selja hana á rúmlega þrjú
þúsund krónur í bókabúð.
Þórður Snær Júlíusson
Niðurstaða: Vel skrifuð og rann-
sökuð bók sem tíundar klassískar
röksemdafærslur hægri krata.
Textinn hefði mátt vera knappari
og moðreykurinn minni.
matargerðin byrjar
á gottimatinn.is
nýjung –
matarbloggarar
H
V
ÍT
A
H
Ú
SI
Ð
/
S
ÍA
Á nýjum vef Gott í matinn finnur þú einfaldar,
flóknar, spari- og hversdagsuppskriftir fyrir öll
tilefni. Sjáðu spennandi hráefnisnotkun og
girnilegar hugmyndir frá matarbloggurum.
Brettu svo upp ermar, hnýttu á þig svuntu og
gerðu eitthvað girnilegt.
Gottimatinnn.is er alltaf jafn aðgengileg í
tölvunni, snjallsímanum eða spjaldtölvunni.
Við kynnum til leiks fjóra ferska matar-
bloggara á vefnum okkar.
Þau Thelma Þorbergsdóttir, Inga Elsa og
Gísli Egill, Kári Sævarsson og Erna
Sverrisdóttir deila með okkur uppskriftum
og matartengdum fróðleik.
Schubert og Brahms verða í aðal-
hlutverki á öðrum tónleikum
Kammermúsíkklúbbsins á þessu
ári í Hörpu á sunnudagskvöld.
Leiknir verða tveir strengja-
kvintettar. Sá fyrri er eftir Frans
Schubert, saminn á dánarári hans
1828. Kvintettinn er í C-dúr, op.
163. Í kvintettinum notar Schubert
tvö selló. Kvintettinn er talinn
meðal bestu tónverka Schuberts
og reyndar meðal bestu tónverka
á sviði kammertónlistar.
Seinni strengjakvintettinn, sem
fluttur verður, er eftir Johannes
Brahms, í C-dúr, op. 111. Eins og
Mozart notar Brahms tvær víólur
í strengjakvintettinum, gagnstætt
Schubert. Kvintettinn var saminn
og frumfluttur árið 1890.
Flytjendur, sem allir eru í Sin-
fóníuhljómsveit Íslands eru: Ari
Þór Vilhjálmsson, Una Sveinbjarn-
ardóttir, Zbigniew Dubik, Þórunn
Ósk Marínósdóttir, Jónína Auður
Hilmarsdóttir, Bryndís Halla
Gylfadóttir og Sigurður Bjarki
Gunnarsson. Tónleikarnir á sunnu-
dagskvöld hefjast klukkan 19.30.
Schubert og Brahms á Kammermúsíkkvöldi
KAMMERMÚSÍKKLÚBBURINN Hluti
Kammermúsíkklúbbsins sem flytur
strengjakvintetta eftir Schubert og
Brahms næstkomandi sunnudag.