Fréttablaðið - 18.10.2012, Blaðsíða 52

18. október 2012 FIMMTUDAGUR40 40
menntun@frettabladid.is
FIMM ÁRA BÖRN voru í leikskólum
landsins í desember síðastliðnum.4.203
Krítin.is er nýtt veftímarit
um menntamál sem Edda
Kjartansdóttir og Nanna
Kristín Christiansen rit-
stýra. Krítin er hugsuð sem
vettvangur fyrir umræðu
um skóla- og menntamál og
Edda segist sjá fyrir sér að
hún vaxi og dafni þannig að
fólk finni fyrir því að hún
sé alvöru tímarit.
„Markmiðið með síðunni er fyrst
og fremst að reyna að efla sam-
ræðu um skólamál og menntun,“
segir Edda Kjartansdóttir, annar
tveggja ritstjóra veftímaritsins
Krítarinnar. „Við viljum að Krítin
virki sem millistig á milli fræði-
legra tímarita um menntamál og
léttari umfjöllunar. Að þetta sé
vettvangur þar sem frjó umræða
um menntamál í víðum skilningi
á sér stað.“
Þetta er þá hugsað fyrst og
fremst fyrir kennara? „Já, þetta er
hugsað fyrir kennara en foreldrar
hafa líka örugglega gagn af þessu
og þeir geta auðvitað tekið þátt í
samræðunni þarna líka.“
Þær Edda og Nanna Kristín eru
báðar starfandi að menntamálum.
Nanna er verkefnastjóri hjá skóla-
og frístundasviði Reykjavíkur-
borgar og Edda er forstöðumaður
stofnunarinnar SRR (Símenntun,
rannsóknir og ráðgjöf) hjá mennta-
vísindasviði Háskóla Íslands. Hún
segir skóla- og menntamál vera
bæði atvinnu og áhugamál þeirra
beggja. „Alla daga erum við vakn-
ar og sofnar yfir skólamálum og
menntunarmálum kennara.“
Þú kallar þetta að efla samræðu,
hvernig virkar það? „Ég á auðvitað
ekki við samræðu í hefðbundnum
skilningi, síðan er ekki gagnvirk,
en við viljum gjarnan fá upplýs-
ingar frá kennurum um það sem
þeir eru að glíma við og fá upplýs-
ingar um kennara sem eru að gera
góða hluti. Þannig finnst okkur
við geta aukið samræðu og þá um
leið auðvitað líka sýnileika þess
starfs sem er þess virði að fjalla
um. Okkur finnst kennarar ekki
fá mörg tækifæri til að bera starf
sitt á borð. Svo erum við með Face-
book-síðu líka þar sem við setjum
allar greinar sem birtast á Krít-
inni og þar hefur fólk tækifæri til
að kommentera og ræða það sem
við erum að fjalla um. Svo vekur
þetta kannski umræður á kenn-
arastofunni og við fáum viðbrögð
bæði frá skólastjórnendum og
kennurum sem eru ánægðir með
þetta framtak. Þannig að til lengri
tíma litið vonum við að þetta verði
til þess að umræðan aukist.“
Eitt af því sem er fastur liður á
Krítinni er kennari mánaðarins.
Hvernig er það hugsað? „Það er
mikilvægt að það komi fram og
sé alveg á hreinu að þetta er ekki
keppni. Þetta er ekki hugsað sem
starfsmaður mánaðarins eða neitt
í þá veruna. Það sem við gerum er
að leita uppi kennara sem eru að
gera góða hluti og kynna það sem
þeir eru að gera. Þetta heitir kenn-
ari mánaðarins einfaldlega vegna
þess að við kynnum einn kennara á
mánuði, það þýðir alls ekki að það
sé kennarinn sem stóð sig best
þann mánuðinn.“
Hvernig hafa viðbrögðin við
síðunni verið? „Viðbrögðin hafa
verið mjög góð. Við fáum pósta frá
ánægðu fólki og alls konar ábend-
ingar frá lesendum síðunnar sem
við erum mjög þakklátar fyrir. Við
sjáum það fyrir okkur og vonumst
til þess að síðan vaxi og dafni og
við fáum fleiri penna til að skrifa
þannig að fólk finni fyrir því að
þetta er alvöru tímarit.“
Slóð veftímaritsins er Kritin.is.
fridrikab@frettabladid.is
Vettvangur fyrir frjóa
umræðu um menntamál
FRJÓR VETTVANGUR Edda Kjartansdóttir segir Krítina kjörinn vettvang til að gera starf
kennara sýnilegra. FRÉTTABLAÐIÐ/STEFAN
Við viljum að
Krítin virki
sem millistig á milli
fræðilegra tímarita um
menntamál og léttari
umfjöllunar.
Nemendur í Vesturbænum hafa haldið lestrarhátíð í
vikunni sem skipulögð er í tengslum við Reykjavík
bókmenntaborg UNESCO. Í Vesturbæjarskóla hefur
meðal annars verið haldið upp á hátíðina með því að
nota tímann í skólanum í yndislestur en einnig hafa
nemendur haldið í upplestrarferðir.
Nemendur sjötta bekkjar fóru til að mynda á Elli-
heimilið Grund í vikunni og lásu fyrir heimilisfólk
þar. Sjötti bekkur í Vesturbæjarskóla fór einnig á stúf-
ana í gær og skoðaði bókmenntamerkinguna sem sett
hefur verið upp í Aðalstræti til heiðurs Elíasi Mar.
„Við erum ekki að fjalla um Vögguvísu eftir Elís
Mar í sjötta bekk en skoðuðum merkið og notuðum
tækifærið til að ræða um sögusvið bóka almennt. Það
er svo mikið til af sögum sem gerast hér í Vesturbæn-
um og því af nógu að taka í umræðum um sögusvið
bóka á slóðum sem krakkarnir þekkja og við höfum
verið að velta því fyrir okkur,“ segir Sigríður Nanna
Heimisdóttir kennari í Vesturbæjarskóla.
Á söguslóðum skálda á lestrardögum
ÞAR VAR LANGIBAR Nemendur úr sjötta bekk Vesturbæjar-
skóla lesa sér til um Adlon eða Langabar sem stóð við Aðal-
stræti 6-8 þegar Vögguvísa eftir Elías Mar kom út.
Mannréttindaskrifstofa Reykja-
víkurborgar og skóla- og frí-
stundasvið með stuðningi Jafn-
réttisstofu hafa tekið höndum
saman um jafnréttisfræðslu fyrir
kennara í leik- og grunnskólum og
starfsfólk í frístundaheimilum og
félagsmiðstöðvum borgarinnar.
Þetta er tveggja ára verkefni sem
ná mun til um 3.500 starfsmanna
að því er fram kemur á heimasíðu
Reykjavíkurborgar.
Þetta er meðal annars gert í ljósi
þess að jafnrétti er ein af grunn-
stoðum menntunar í nýrri aðal-
námskrá grunnskóla.
Jafnréttisfræðslan mun fara
þannig fram að haldnir verða
fyrirlestrar og efnt til umræðu
um jafnrétti á Íslandi á starfs-
mannafundum frístundaheimila,
félagsmiðstöðva og leikskóla og á
kennarafundum í grunnskólum.
Fyrirlestrunum er ætlað að vera
fræðandi en einnig að kveikja
áhuga kennara og starfsfólks
félagsmiðstöðva og frístundaheim-
ila á málefninu.
Fræddir um jafnrétti
Vasabrot skáldverk: 10.10.–16.10.12

Vasabrot skáldverk: 10.10.–16.10.12
Vasabrot skáldverk: 10.10.–16.10.12
Vasabrot skáldverk: 10.10.–16.10.12
Vasabrot skáldverk: 10.10.–16.10.12