Fréttablaðið - 03.11.2012, Blaðsíða 42

FÓLK|HELGIN
POPPAÐUR „Ég vil
semja hefðbundin, eftir-
minnileg og grípandi
popplög og er voða hrif-
inn af sænska tónlistar-
manninum Magnusi
Uggla, sem samið hefur
æðisleg popplög í fjöru-
tíu ár og verður bara
betri með tímanum.“
MYND/ANTON
Annaðhvort verð ég í dýpstu forar-pyttum ölæðis á Airwaves í kvöld eða heima að drekka rauðvín og
hlusta á Elliot Smith. Eitt er víst, að áfengi
tengist því einhvern veginn,“ segir Sindri,
sem í nótt klukkan tvö stígur á stokk með
hljómsveit sinni The Ways á Amsterdam.
„Ætli ég verði ekki rólegur fram eftir
kvöldi því ég vil ekki verða of fullur fyrir
tónleikana. Ég opna kannski eina rauðvín
heima og rölti svo niður í bæ um eitt-
leytið,“ segir Sindri og bætir við að ekkert
saki að fara örlítið mjúkur upp á svið.
„Þegar þangað er komið veit maður
hvort eð er aldrei hvað gerist. Gjör breytist
ég í úthverfa rokkstjörnu eða verð vand-
ræðalegur fálmandi í skyrtulafinu? Ég er
hættur að reyna að reikna það út og fer
bara með flæðinu vel æfður á svið.“
Sindri segist heimakær um helgar og að
miðbæjarslarkið togi ekki í hann.
„Ég græt það rosalega hversu fáir taka
að sér að fara í Ríkið og drekka heima hjá
sér eins og siðmenntað fólk í stað þess að
láta eins og geðsjúklingar niðri í bæ. Mér
finnst því fínt að vera í heimahúsum með
vinum því maður týnir þeim yfirleitt á
djamminu.“
SPIL, MATUR OG KOKKTEILAR
Upp á síðkastið hefur Sindri haft uppi mis-
góðar tilraunir við blöndun kokkteila.
„Í þá tilraunamennsku hefur farið stór
peningur og ég því búinn að gefast upp.
Í mér situr mjög slæmt kvöld þegar ég
reyndi að blanda Mai Tai. Það fór illa með
mig og kostaði yfir tuttugu þúsund kall í
rándýrum líkjörum og rommi, auk þess að
smakkast hræðilega. Sú upphæð toppar
flest kvöld í bænum hjá mér.“
Um helgar hefur Sindri einnig yndi af
borðspilunum Risk og Arkham Horror.
„Sé ég í mjög metnaðarfullu skapi og
vil gera vel við mig í mat elda ég lasagna
en annars elda ég fátt og aðallega pasta,“
útskýrir Sindri þar sem hann maular girni-
lega beyglu á Café París. „Eini maturinn
sem ég geri mér ferð út af í bæinn er æðis-
leg laxabeyglan á Café París. Annars er ég
ekki það efnaður að geta farið eins oft út
að borða og ég vildi en finnst gott að fara
á Ban Thai og Austur-Indíafjelagið þegar
það á við.“
VILL EINBEITA SÉR AÐ TÓNLIST
Sindri Eldon & The Ways spila rokk með
sterkum poppáhrifum. „Mig dreymir um
að semja eftirminnileg, vinsæl popplög og
reyni ekki að gera neitt framandi. Sánd-
lega get ég þó verið svolítill perri og er
til dæmis að taka upp plötu í hljóðveri
þar sem farið hafa tuttugu gítarar í eitt
lag. Lagasmíðina vil ég hafa hefðbundna í
melódískum og grípandi popplögum. Mér
tekst það ekki alltaf en er að reyna það.“
Sindri tók nýlega ákvörðun um að vinna
eingöngu að tónlist og hætta við allt annað.
„Það var löng og erfið ákvörðun. Ég var
orðinn skúffaður á að vera með of mörg
járn í eldinum því þá verður ekkert úr
neinu. Mig langaði að verða kvikmynda-
gerðarmaður, blaðamaður og fleira en
tónlistin er það eina sem ég hef alltaf
fengið ánægju úr að gera. Hún er mín hilla
og nú reyni ég að hátta lífi mínu algjörlega í
kringum hana. Allt annað er aukaatriði.”
Fyrir þremur árum skrifaði Sindri hand-
rit að kvikmynd í fullri lengd.
„En ég gerði mér enga grein fyrir því
hversu fáránlega erfið kvikmyndagerð
er og ekkert varð úr. Því ætla ég að gefa
söguna út í handritsformi, binda sjálfur
og selja jafnvel í Útúrdúr. Við vinkona mín
sviðsetjum nú og ljósmyndum atriði úr
myndinni til myndskreytingar og kannski
kemur bókin út fyrir jól.“
MEÐ SÖNGHÆFILEIKA MÖMMU
Með The Ways syngur Sindri, semur og
spilar á gítar. „Ég lærði á píanó en ekki á
gítar og ekki að syngja. Það hrjáir mig í
starfi hvern einasta dag. Mér finnst mig
ekkert skorta að vera ómenntaður gítar-
leikari en hefði viljað læra röddun og
tónfræði. Það kitlar mig að læra þetta nú
þegar ég ætla að leggja tónlist fyrir mig.“
Sindri telur útilokað að starfa í tónlistar-
bransanum án þess að hafa gaman af því
að koma fram. „En það veit eiginlega eng-
inn hver ég er og skiptir mig engu máli. Ég
vil bara búa til músík og er jafn sáttur ef
þrjár manneskjur skemmta sér yfir henni á
tónleikum eða heima hjá sér.“
En hvaðan erfir Sindri tónlistarhæfileik-
ana, verandi sonur tveggja mikils metinna
tónlistarmanna, Þórs Eldon og Bjarkar
Guðmundsdóttur?
„Ég fíla tónlistina hans pabba betur en
mömmu og hef því sennilega tónlistarpæl-
ingarnar frá honum. Hins vegar er ég mun
betri söngvari en pabbi og þarf ekki að
giska á hvaðan ég erfi það.“ ■ thordis@365.is
ÚTHVERF STJARNA?
HÆFILEIKARÍKUR Sindri Eldon hefur verið undir smásjá þjóðarinnar síðan í
móðurkviði. Hann syngur með Sindri Eldon & The Ways á Airwaves í nótt.
AIRWAVES Í
NÓTT
Sindri Eldon &
The Ways eru
með tónleika á
Café Amsterdam,
Hafnar stræti 5
klukkan 2.00 í
nótt.
Skeifan 3j | Sími 553 8282 | www.heilsudrekinn.is
Gjafamarkaður
ALLA
SUNNUDAGA
FRÁ KL. 11-17
GJAFAVÖRUR
FRÁ 500 KR.
MIKIÐ ÚRVAL AF:
• H e i l s u v ö r u m
• H a n d g e r ð r i l i s t
• P o s t u l í n i
• B o r ð d ú k u m
• K í n a f ö t u m
• G ó l f t e p p u m
• L ö m p u m
• B l ó m a p o t t u m
• T e o g t e s e t t u m
o f l . o f l .
LOGY ehf.
Lyngháls 10 • sími 661 2580
(húsið við hlið Heiðrúnar,
ÁTVR að neðanverðu)
Nýjar jólavörur
Skart,töskur
Kjólar,vesti peysur, buxur.
Stærðir S-XXL
Leggings.
Frábært verð.
Herrapeysur , vesti.
Þitt tækifæri á að versla í dag.
LÁTTU ÞETTA EKKI
FJÚKA FRÁ ÞÉR
Aðeins opið þessa helgi
Laugardag 13-17
Sunnnudag 13-15
www.saft.is
RÆDDU UM ÞÁ
ÁHÆTTU SEM FYLGIR
ÞVÍ AÐ HITTA NETVIN
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir