Fréttablaðið - 24.11.2012, Blaðsíða 126

24. nóvember 2012 LAUGARDAGUR| MENNING | 94
„Ef höfuðið á manni er í lagi er það
upplagt letistarf að sitja og skrifa,“
segir hin 83 ára Guðbjörg Tómas-
dóttir, sem hefur gefið út sína aðra
skáldsögu, Morð og missætti.
Sagan gerist í Reykjavík á síð-
ari hluta tuttugustu aldar. Aðal-
persónan Bista lendir í alvarlegu
slysi. Hún neyðist því til að líta
um öxl og meta staðreyndir lífs-
ins. Sagan teygir anga sína inn á
svið eiturlyfja og glæpa. Um sögu-
þráðinn segir Guðbjörg: „Það má
segja að hann byrji á einelti, leiðist
út í eiturlyf, leiti eftir trausti, svo
kemur ástin, afbrýðisemin, svikin
og morðið.“
Útgáfan á sér fimm ára for-
sögu. „Ég þóttist vera búin að fá
útgefanda en þá kom hrunið. Svo
vildi þannig til að annar meðlim-
ur útgáfufyrirtækisins dó,“ grein-
ir hún frá. Þrjú síðastliðin haust
stóð til að gefa bókina út en ekk-
ert varð af því og ákvað Guðbjörg
því að grípa í taumana. „Ég ákvað
5. október að gefa bókina bara út
sjálf. Þeir tóku mér mjög vel hjá
Ísafoldarprentsmiðju og það var
bara drifið í þessu og bókin kom
út 24. október.“
Guðbjörg hefur verið heima-
vinnandi húsmóðir í meira en sex-
tíu ár, bæði í Hafnarfirði og ann-
ars staðar. Hún hefur alltaf haft
gaman af bókum og hefur gefið
út þrjár ljóðabækur. Eftir að hafa
verið hvött til að skrifa skáldsögu
ákvað hún að láta slag standa og
kom sú fyrsta, Hinsta bónin, út
fyrir sjö árum.
„Þegar ég hélt því fram að rit-
höfundar stælu æviminningum
fólks og notuðu í bækurnar sínar
var skorað á mig að ég skyldi sýna
að það væri hægt að skrifa sögu án
þess að gera það,“ segir hún. „Alla
mína tíð hef ég reynt að gera sjálf
það sem þarf að leysa af hendi en
ekki sækja það til annarra.“
Glæpir og eiturlyf koma við
sögu í Morði og missætti en
aðspurð segist Guðbjörg ekki hafa
lagst í neina rannsóknarvinnu
vegna bókarinnar. „Þetta er ekki
heimildarskáldsaga. Ég rannsak-
aði ekki neitt af því að ég tek ekk-
ert frá öðrum.“
Spurð hvort hún sé ekki orðin
of gömul til að gefa út svona bók
segir hún: „Auðvitað er ég alltof
gömul að gefa út skáldsögu núna.
Og það er mikið vandamál að þurfa
að markaðssetja hana.“
Hún segir að skrifin séu engu
að síður góð fyrir heilsuna. „Ef
maður hugsar ekkert og situr bara
og bíður þá koðnar heilinn niður
eins og aðrir líkamspartar.“
freyr@frettabladid.is
Auðvitað er ég
alltof gömul að gefa út
skáldsögu núna.
Guðbjörg Tómasdóttir
rithöfundurs
HÆTT VIÐ
SÍÐUSTU ÚRRÆÐI
Ekki verða framleiddar fleiri
þáttaraðir af sjónvarpsþættinum Last
Resort, vegna lítils áhorfs. Þættirnir
eru sýndir á sjónvarpsstöðinni ABC
í Bandaríkjunum og á Skjá einum. Í
þáttunum fer Darri Ingólfsson með
hlutverk Robert Mitchell sem á í
ástarsambandi við eina
aðalpersónu þáttanna.
Á Facebook-síðu sinni
harmar Darri endalok
þáttanna og sendir
nafni hans, leikarinn
Ólafur Darri
Ólafsson,
honum stuðn-
ingskveðjur í
kjölfarið. - sm
BEINT Á TOPPINN Í
FRAKKLANDI
Bettý eftir Arnald Indriðason er
nýkomin út í kilju í Frakklandi og
fór hún beint í efsta sætið á franska
glæpasagnalistanum. Það er orðinn
fastur liður að bækur Arnaldar fari
beint í efsta sætið í Frakklandi því
harðspjaldaútgáfa Bettý gerði
það einnig þegar hún kom
þar út. Um 250.000 eintök
hafa einnig selst af Myrká
eftir Arnald í Frakklandi og í
febrúar verður bókin Furðu-
strandir gefin þar út
innbundin. Verður
það tíunda bók
hans sem kemur
út í Frakklandi.
- fb
Sökkti sér ekki niður
í undirheimana
Hin 83 ára Guðbjörg Tómasdóttir sendir frá sér skáldsögu um morð og eiturlyf.
VIÐ TÖLVUNA
Guðbjörg
Tómasdóttir
skrifar bækur
sínar á gamla
Macintosh-tölvu.
FRÉTTABLAÐIÐ/ANTON
„Ég get byrjað að hugsa
um ástina þegar ég hef
unnið Óskarsverðlaun. Ég
held að margir leikstjórar
og framleiðendur viti að
ég er góð leikkona.“
LINDSAY LOHAN kynnti
sjónvarpsmyndina Liz & Dick í
vikunni, en í henni leikur hún
Elizabeth Taylor.
„Hann var raulandi sama stefið út í eitt í sumar,
þá 18 mánaða, og það varð kveikjan að laginu.
Mér fannst þetta svo jólalegt hjá honum. Ég
reyndi nokkrum sinnum að raula með honum en
þá hætti hann alltaf því ég gerði þetta víst ekki
rétt,“ segir lagahöfundurinn og leikarinn Guð-
mundur Ingi Þorvaldsson.
Guðmundur Ingi samdi lagið Ég held heim
um jólin með aðstoð sonar síns, Aðalsteins Inga,
og hefur það nú verið gefið út af hljómsveitinni
Loftskeytamenn, þar sem Guðmundur er einmitt
söngvari. Hann segir Aðalstein Inga greinilega
þekkja lagið þegar hann heyrir það. „Hann virð-
ist tengjast því að einhverju leyti því ég spilaði
það til að mynda fyrir hann í gær og hann var
sönglandi það allt kvöldið,“ segir hann. Aðspurð-
ur hvort Aðalsteinn sé upprennandi tónlistar-
maður segir Guðmundur svo vel geta orðið þar
sem hann sé afar músíkalskur og læri texta,
þrátt fyrir ungan aldur. „Við verðum að sjá til.
Vonum bara að hann finni sína leið í lífinu,“
segir Guðmundur. - trs
Átján mánaða lagahöfundur
Guðmundur Ingi samdi jólalag Loft skeytamanna út frá rauli ungs sonar síns.
MÚSÍKALSKIR FEÐGAR Þeir Guðmundur Ingi og Aðalsteinn Ingi
eru báðir mikið fyrir tónlist og sömdu Ég held heim um jólin í
sameiningu. FRÉTTABLAÐIÐ/VALLI
SPRENGIR SIRI MEÐ
BJARNA FEL
Mörgum þykir spaugarinn Sólmundur
Hólm með fyndnari mönnum landsins
og ein besta eftirherma sinnar kynslóð-
ar. Sólmundur hefur þó sett sér háleitt
markmið í sínu gríni. Á Twitter segir
Sóli lokatakmarkið vera að láta Siri,
notendaviðmótið málgefna í iPhone,
fara að hlæja. Það hefur
hingað til reynst þrautin
þyngri, en Sóli hefur
ráð undir rifi hverju. Ef
allt um þrýtur grípur
hann í Bjarna Fel
eftirhermuna.
Ekki einu sinni
Siri stenst
það. - þj
S E L T J A R N A R N E S B Æ R
Menningarnefnd
Bæjarlistamaður
Seltjarnarness 2013
Menningarnefnd Seltjarnarness auglýsir hér með eftir umsóknum frá
listamönnum búsettum á Seltjarnarnesi og/eða rökstuddum ábend-
ingum um nafnbótina Bæjarlistamaður Seltjarnarness árið 2013.
Nafnbótinni fylgir starfsstyrkur. Væntanlegir umsækjendur eru beðnir að
haga umsóknum í samræmi við reglur um bæjarlistamann sem liggja
frammi á bæjarskrifstofum Seltjarnarness að Austurströnd 2, en þær er
einnig að finna á heimasíðu bæjarins www.seltjarnarnes.is
Frestur til að skila umsóknum og/eða ábendingum á bæjarskrifstofur
Seltjarnarness merktum: ,,Bæjarlistamaður 2013“ hefur verið fram-
lengdur til 30. nóvember nk.
Menningarnefnd Seltjarnarness